بونتو ايفو ولا سيراتو (أرجــو الإفــاده)

**Seifmando** · 31-03-2011 09:41 AM

انا معايا فيرنا 2004 وماشية حاولى 130 الف المهم انى حسيت ان جابت اخرها ففكرت فى واحدة من العربيتين دول
انا تقريباً مقتنع بالايفو بس كل الناس بتحذرنى من قطع الغيار و سعر اعادة البيع والموتور 1400 (مقارنة بالفيرنا انا حاسس انه هتبقى ضعيفة شوية)

كتير نصحونى بالسيراتو (كاملة منوال) وخصوصاً انها فى نفس السعر وكمان انى متزوج وعندى طفلين

انا اسف انى طولت بس بجد انا محتار جامد جداً لانى للاسف ما سوقتش لادى ولادى

انا عاوز مقارنة من جميع النواحى (الامان-الثبات-قطع الغيار-التوكيل-التسارع-وسع الشنطة-وسع الصالون)

ملاحظة صغيرة انا مشاويرى كلها دائرى وسرعة لاتقل عن 120

شكراً مقدماً للردود

تم تغيير العنوان بناء على طلب صــاحب الموضوع.

مشرف القسم

7/4/2011
2:05am

**mido_soliman** · 31-03-2011 03:58 PM

انا لو مكانك الايفو طبعا
على فكرة العربية دى عيبها الوحيد ان موتورها مش مشجع مش اكتر
الامان والثبات فى صالح الايفو
التسارع السيراتو ومش بفرق كبير
بديهى ان وسع الشنطة والصالون للسيراتو
قطع الغيار خارج التوكيل للسيراتو اكتر
التوكيل (مفيش توكيل نضيف فى مصر )
توكل على الله وفكر فى الايفو عربية جميلة وفخمة ومميزة كمان مش حتبقى ماشى بين كل سيراتو وسيراتو ....... سراتو :):)

**Dawns_Mist** · 01-04-2011 03:02 AM

سيراتو :
-موتور أقوى
-قطع غيار أرخص
-أوسع

الإيفو :
-إيطالي الصنع و التقفيل و خامات أجود بكتير.
-موفرة في البنزين جدا.
-عفشة مريحة أكتر .
-فرامل أفضل.
-ثبات أفضل.
-دهان أفضل.
-أوبشنز أكتر و يكفي البلو آند مي .

---------------------------------------------

رأيي الشخصي ... عيب لما تقارن أي عربية كوري بأي عربية أوروبي حتى لو مش من نفس الفئة ... لو عايز تقارن ممكن تتكلم في الهوندا سيتي ، أو السيات إيبيزا ، أو التيدا ... كل دول ممكن تقارنهم بالإيفو ... لكن عفوا و مع احترامي لكل الكوري .. لا يصح أن تقارن ميكنة تعتمد على بواقي العصور الزائلة في السيارات بعربيات فيها أعلى المستويات التكنولوجية الحديثة !!!

مش معنى كده إنهم لازم يعدموا العربيات الكوري .. لا .. هي مناسبة تماما للي بيحب الشكل الشيك و الجري و يهمه أوي موضوع قطع الغيار و الصيانة .. لكنه على المقابل ضحي بالأمان و التكنولوجيا و الراحة.

**contact** · 01-04-2011 03:13 AM

المشاركة الأصلية كتبت بواسطة dawns_mist

سيراتو :
-موتور أقوى
-قطع غيار أرخص
-أوسع

الإيفو :
-إيطالي الصنع و التقفيل و خامات أجود بكتير.
-موفرة في البنزين جدا.
-عفشة مريحة أكتر .
-فرامل أفضل.
-ثبات أفضل.
-دهان أفضل.
-أوبشنز أكتر و يكفي البلو آند مي .

---------------------------------------------

رأيي الشخصي ... عيب لما تقارن أي عربية كوري بأي عربية أوروبي حتى لو مش من نفس الفئة ... لو عايز تقارن ممكن تتكلم في الهوندا سيتي ، أو السيات إيبيزا ، أو التيدا ... كل دول ممكن تقارنهم بالإيفو ... لكن عفوا و مع احترامي لكل الكوري .. لا يصح أن تقارن ميكنة تعتمد على بواقي العصور الزائلة في السيارات بعربيات فيها أعلى المستويات التكنولوجية الحديثة !!!

مش معنى كده إنهم لازم يعدموا العربيات الكوري .. لا .. هي مناسبة تماما للي بيحب الشكل الشيك و الجري و يهمه أوي موضوع قطع الغيار و الصيانة .. لكنه على المقابل ضحي بالأمان و التكنولوجيا و الراحة.

**newcastle** · 01-04-2011 03:16 AM

ايفو فيها جميع المميزات وسع (مش ضيقه خالص) شنطه معقوله خامات ممتااااااااااازه و تقفيل هايل و عزل يحسسك انك في عالم تاني
عيبها الوحيد الموتور ضعيف شويه بس موفر في البنزين
السيراتو مش وحشه برضه بس لو هتقارن عربيه بعربيه ايفوووو وبجداره

**ghazy12** · 01-04-2011 03:22 AM

سيراتو... نصيحه اخويه... بلاااااااااش

ايفو... عربيه محترمه... بس انت بتقول معاك اسره و اطفال, عايز عربيه اكبر
حتى لو هاتش باك بردو, بس اكبر من الايفو

ممكن تفكر في حاجه تانيه, ولا لازم من الاتنين دول؟؟؟ و ايه المبلغ المتاح؟؟؟

**moh.aboelkheir** · 02-04-2011 06:17 PM

المشاركة الأصلية كتبت بواسطة ghazy12

سيراتو... نصيحه اخويه... بلاااااااااش

ايفو... عربيه محترمه... بس انت بتقول معاك اسره و اطفال, عايز عربيه اكبر
حتى لو هاتش باك بردو, بس اكبر من الايفو

ممكن تفكر في حاجه تانيه, ولا لازم من الاتنين دول؟؟؟ و ايه المبلغ المتاح؟؟؟

+11111 ,و ممكن تحط في المقارنه هوندا سيتي او تيدا " سيدان " و ربنا يوفقك في الاختيار :)

**Seifmando** · 03-04-2011 10:18 AM

بجد كل يوم بحمد ربنا على المنتدى دا
وان كا ليا شوية تحفظات على ادارته
بس بجد كل المشاركين فيه محدش بيبخل على حد باى معلومة

انشاء الله هتوكل على الله و اجيب الايفو pk2 منوال

بس اخر سؤال لكل اللى معاه الايفو هو الترخيص هيتكلف كام (ضريبة+تأمين+....)

**moh.aboelkheir** · 04-04-2011 10:36 PM

المشاركة الأصلية كتبت بواسطة seifmando

بجد كل يوم بحمد ربنا على المنتدى دا
وان كا ليا شوية تحفظات على ادارته
بس بجد كل المشاركين فيه محدش بيبخل على حد باى معلومة

ان شاء الله هتوكل على الله و اجيب الايفو pk2 منوال

بس اخر سؤال لكل اللى معاه الايفو هو الترخيص هيتكلف كام (ضريبة+تأمين+....)

كان فيه موضوع معمول فيه الحجات ديه قبل المنتدى ما يقع ... بس اعتقد راح خلاص :) .... انا كلفتها 950 جنيه 3 سنوات بس من غير طفايه ... ممكن بالطفايه تصل الى 1200 او ما قارب ... الكلام ده من شهر 11 ... الله اعلم ايه اللي حصل في الكام شهر دول .... البلد اتغيرت :)

**wael17** · 06-04-2011 11:18 PM

المشاركة الأصلية كتبت بواسطة Seifmando

انشاء الله هتوكل على الله و اجيب الايفو pk2 منوال

انا معايا ايفو مانيوال pk2 من شهر 11 اللي فات و مبسوط جدا بها و لحد النهاردة لما باركبها باحس انها أول ركوبة و ببقي مش عايز انزل منها و طبعا احساس التميز وسط العربيات بيفرق كتير...غير لما تركب عربية منتشرة بزيادة زي السيراتو.
و يا ريت قبل ما تشتري تلقي نظرة علي التقرير بتاعي عنها و هتلاقي فيه كل المعلومات اللي عايز تعرفها عنها

http://www.nilemotors.net/Nile/189478-pk2.html

المشاركة الأصلية كتبت بواسطة Seifmando

بس اخر سؤال لكل اللى معاه الايفو هو الترخيص هيتكلف كام (ضريبة+تأمين+....)

أنا رخصت ب حوالي 1300 جنيه 3 سنين
الضريبة كانت 770 جنيه 3 سنين
تأمين 300 او 400 جنيه 3 سنين
+طفاية و شنطة اسعاف و اكراميات و بقشيش و مصاريف اخري

الموضوع: بونتو ايفو ولا سيراتو (أرجــو الإفــاده)

LinkBack

أدوات الموضوع

عرض

العرض المتطور

-

-

-

-

-

المواضيع المتشابهه

اخر مرة - بونتو ايفو ولا ريو الجديدة ولا سيراتو اول فئة اوتو

بونتو ايفو

زيت بونتو ايفو

بونتو ايفو ولا i20 ???

بونتو ايفو ؟

الكلمات الدلالية لهذا الموضوع

المفضلات

المفضلات

ضوابط المشاركة