الموضوع: المساعدين الزيت في الكورولا بيتغيروا امتي؟

السلام عليكم ورحمة الله وبركاته
المساعدين الزيت في الكورولا 2008 بيتغيروا امتي...لازم لما الزيت يضرب ولا فيه علامة معينة ارجو التوضيح.

المساعد فى اى عربية بيتغير لما يفقد قدرته علىامتصاص الصدمات، وده ممكن يحصل قبل او مع لكن ليس بعد ان المساعد يضرب زيت، بمعنى ان اى مساعد يضرب زيت يبقى عمره خلص ولازم يتغير، لكن مش كل مساعد مضربش زيت سليم، المساعد ممكن يبوظ من جوة من غير ما يضرب زيت ، اختبار المساعد انك بتهز العربية من الناحية اللى فيها المساعد، لو العربية كانت بتاخد مجهود جامد علشان تتهز وكل هزة بنفس المجهود وأول ما تسيبها تسكت يبقىالمساعد سليم، لو العربية بتاخد مجهود فى أول هزة بس وبعد كدة بتتهز معاك بمجهود قليل جدا زى المرجيحة ولما تسيبها تكمل هزة او اتنين زيادة يبقى المساعد بايظ