الموضوع: عضو جديد في الصني

المشاركة الأصلية كتبت بواسطة ahmed.tv

- اولا اختيارك لسيارات نيسان , اختيار موفق جدا , لانها شركة محترمة جدا وليها سمعة كبيرة وطيبة فى العالم

- بخصوص بقا النصايح , كل الناس حتنصحك وحتقولك انها عربية جميلة واعتمادية بالدرجة الاولى مقابل سعرها , وانا معاهم

- بس عايزك تنزل اى معرض , وتسد ودانك من اى مندوب وتتفرج انت بعنيك

ليه بقا : عشان تشوف التقفيل وتتفرج عليه بنفسك وتعرف وتتاكد من اللى بنقوله ان تقفليها مع انه مصرى بس ممتاز
وكمان عشان تقعد فى الكنبة وتشوف مناسبة ليك ولاحتياجاتك ولاسرتك ولالا

- نيجى الى استهلاك البنزين : العربية موفرة على الطوالى جدا , ولكن جوة البلد زيها زى اى عربية ا1600 سى سى واكيد طبعا ممكن تتاثر بالزحمة , لان ده حال اغلب المواتير ال1600 سى جوة البلد فاطمن

- نيجى الى التكيف بتعها بسم الله ماشاء الله ممتاز جدا لانه تكيف يابانى بالدرجة الاولى

- بخصوص اختيارك الى المانيول او الاتوماتيك , خاليك فى الاتوماتيك , خاليك فى الاتومايتك خاليك فى الاتوماتيك
كل اللى جاب مانيول ندم بسبب الزحمة اللى باقت فى اغلب كل محافظات مصر دلوقتى يعنى مش فى القاهرة بس

والاتوماتيك اريح جدا فى السواقة وتقدر تركز معاه فى ا لطريق , لانك مش بتعانى فى السواقة معاه ,ولو عايز تجرى بتجرى بيه وتشد وبتحس بالمتعة معاه بردوا عندك الكيك دون مخيف فى عربيات نيسان وعندك الاوفر دريف , يعنى حتجرى وتشد لما تقول يا بس

- نيجى بقا لمراكز الخدمة , افضل مركاز خدمة على الاطلاق فى مجال السيارات مراكز خدمة نيسان , ومنتشرة كتير , وكل فئات السيارات الاخرى بيحسدونا على توكيل نيسان ومراكز خدمته

- نيجى للتعامل مع السيارة ونصيحة , افضل تدفع بزيادة 100 جنيه اواكتر بحاجات بسيطة عن برهو تتعامل مع التوكيل وتعمل صياناتك فيه عشان الضمان ده اولا , ثانيا عشان كمان تحافظ على العربية لسنين كتيرة قدام ,وكل ما تحط قطعة غيار اصلية بيطول فى عمر السيارة وبيحافظ عليها ده غير احيانا ممكن يوفرلك فى قطع الغيار , بمعنى , انك ممكن مثلا تشترى قطعة غيار مش اصلية وتبوظ بعد فترة ,وترجع تشترى واحدة تانية , وفى الاخر تقف عليك بتمن الاصلية , او بمثل تانى , ممكن تشترى قطعة غيار مش اصلية وتبوظ حاجة تانية راكبة فى العربية وتكلفك مبلغ , زى التيل اللى مش اصلى يبوظ الطنابير وياثر عليها ويبقا انت كدا على نفسك تغير طنابير بدرى بدرى

وفى تجارب كتير فى القسم على مواضيع قطع الغيار الغير اصلية ومساوئها موجودة فى موضوع اهم موضوعات الصنى
ولينكها اهو:
http://www.nilemotors.net/nile/167732-102.html

فى موضوع اقرئه حيفيدك زى تجربتى مع الصنى بعد 102 الف كيلو

وكمان فى موضوعات لقطع الغيار الغير اصلية والاصلية موجودة ومثبتة ممكن تقرائها وتعرف الاسعار وكل شى
ودى لينكاتهم

http://www.nilemotors.net/nile/205196-a.html

http://www.nilemotors.net/nile/155080-a.html



وكمان لما تقرا مثلا سعر كبالن فى التوكيل بمبلغ بيعدى ال3000 بردوا متتخضش , لان عشان تغير كبالن مش اقل من 10 سنين

- نيجى بقا الى المعرض

عندك معارض كبيرة , بس تروح للموزعين المعتمدين افضل من المعارض الخاصة , عشان العربيات مش بتكون مركونة ومرمية فى الشارع بقالها فترة ,
حتلاقى عندهم عربيات لو جاهزة مش مركونة بقالها كتير او بيبعتوا يجبوها من المصنع طازة

الموزعين المعتدمين زى اتوايجبت ومودرن والسبع ويونايتد جروب

ولو عايز تروح تجيب وتاخد خصم وتاخد هدايا هما الكل بيعمل كدا , بس لو عايز الافضل واللى بنتعامل معاه روح اتو ايجبت فرع مدينة نصر وقولهم انك من النايل موتورز من طرف احمد مصطفى , وهما حيظبطولك الدنيا

امممممممممممم ايه تانى

الضمان زى ما قوللك الاعضاء

- فى النهاية نصيحة ليك

اعمل زى حسين زميلنا لما لف فى القسم عندنا وقرا كتير عن العربية , لقا معلومات مفيدة جدا , فياريت تحاول تقراء كتير عشان تكون مقتنع وانت بتختار العربية اللى حتدفع فيها دم قلبك وحتستفاد جدا , وحتلاقى معلومات ممكن نكون نسيناها فممكن تفيدك زى ما قولتلك

ونصيحة تانية اختار الاتوماتيك , وحاول تيجى على نفسك لان الاتوماتيك حتحس انك مرتاح جدا وخصوصا ان البلد بتزيد فى زحمتها عن كل يوم مش حقولك كل سنة كمان


واسف على ا لاطالة

وتقبل تحياتى

اطالة ايه اللي بتتاسف عليها , اطل كمان وكمان
انا شاكر جدا رايك انت وكل الاعضاء الي شاركو بردهم
وده المتوقع من اعضاء نايل موتورز
ومرة اخري بكرر شكري لكل من شارك وسهم بالرد وفي انتظار المزيد