هل وجود ال abs,ebdيخلينى اغير رأيى فى العربية اللى هشتريها؟؟

**sasasony** · 15-04-2008 02:43 AM

طيب لو سمحت يا ابوعبد الله الabs ده ضروري للسرعات الاعلي من كام ولاضروري في كل السرعات

**hussein** · 15-04-2008 01:07 PM

الف شكر يا ابو عبدالله شرح وافى ربنا يبارك فيك و فى عبدالله

فهد باشا مش هقول غير انك خلصت كل الكلام :) شكرا يا باشا
سيات لوفر رغم انى عارف امكانياتك الفنية القويه بس شكلك مش فاضى تشرحلى وجهة نظرك بس طبعا مشكور انك عبرتنى مرتين :)

**crazylambada** · 15-04-2008 01:12 PM

بص نظام Abs
عمرك مع حتستخدمه بجد الا في المواقف الحرجة
علشان كده محدش يقدر قيمته الا اللي احتاجه و بشده في موقف حرج
و ده على فكرة مصمم للطرق السريعة مش جوا المدن
اي نعم هو بيدي ميزة في الملفات ماشي معاك بس هو ليه هدف اساسي
ممكن حد يقولك ما هو احنا عايشين طول عمرنا من غير النظام ده
اوكيه ماشي بس متنكرش ان النظام ده بيرفع من نسب النجاه من المواقف الحرجة
و خلي بالك انا بقول مواقف حرجة مش حوادث ربنا يحفظنا جميعا

**SEATLOVER** · 15-04-2008 01:55 PM

حسين باشا .. مش قصدى والله طبعاً .. دة انت تأمر يا حسين باشا
بس الموضوع كبير و هابقى فية لوحدى كالعادة اللى هاقولك مالهومش لازمة
وخد عندك الشرح بالتفصيل الممل ..واوعى تزهق منى

بالنسبة لى ال air bag فادى مش مشكلة بقت موجودة فى اغلب العربيات الجديدة و مابتعليش السعر اوى

العناصر التانية

اولاً ال ABS
تعريف : منع التوقف التام للاربع عجلات مرة واحدة ..مما يعطى مسافة اقل للتوقف المفاجىء ..مع زمن اقل
(يعنى العربية مابتسحفش مسافة طويلة على الفاضى و من غير ما تقف )

ظروف الاستعمال :
1-سرعة عالية
2-وجود عوامل انزلاق على الطريق( رمال-مياة كثيفة-زيوت-ارضية ممسوحة -....) !
3-عدم توقع التوقف.... بالرغم من السرعة العالية !
4-ضغط الفرامل بكامل شوطها كلة ... بالرغم من معرفة ان دة هايخلى العربية تسحف !
5-عدم المقدرة على استعمال اى حلول اخرى (تفادى-نص دبرياج-تسقيط غيار -هاند براك-.... )
سوى الفرامل فقط !
6-عدم توجية عجلة القيادة بطريقة متوقعة لآداء العربية لحظة الفرامل القوية (تركها مستقيمة فقط) !

ثانياً ال EBD
تعريف :توزيع عنصر التوقف على الاربع عجلات واستشعار اى توقف لآى واحدة منهم .. لتُترك تتحرك قليلاً حتى لا تؤثر على توجية السيارة لحظة التوقف

ظروف الاستعمال :
1-سرعة عالية
2-وجود عوامل انزلاق على الطريق( رمال-مياة كثيفة-زيوت-ارضية ممسوحة -....)!
بلآضافة الى عدم استواء السطح الذى تمر فوقة السيارة (ارتفاعات -منخفضات-مطبات -عدم استواء بشكل عام ) !
3-حالات دوران شديد على سرعة عالية (ايضاً) !
3-عدم توقع التوقف.... بالرغم من انة قد يكون اثناء دوران !
4-ضغط الفرامل بكامل شوطها كلة ... بالرغم من معرفة ان دة هايخلى العربية تعوم اثناء المنحنيات القاصية !
5-عدم المقدرة على استعمال اى حلول اخرى (تفادى-نص دبرياج-تسقيط غيار -هاند براك-مور-آخد الدوران من ابعد نقطة .... )
سوى الفرامل فقط !
6-عدم توجية عجلة القيادة بطريقة متوقعة لآداء العربية لحظة الفرامل مع المنحنيات القاصية و مع عدم استواء الطريق ايضاً (تركها على زاوية دوران ثابتة ) !

لو جمعت يا حسين كل (ظروف الاستعمال ) السابقة
هايبقى قدامك اختيارين اللى انا قولتهم قبل كدة
1- سواق جيد
مابيحطش نفسة فى الظروف دى كلها و بيتوقع على الاقل اية اللى ممكن يحصل بعد 100 متر و بيعملة حساب .... ولو حط نفسة فى الظروف دى كلها ... هايبقى عارف يعمل اية كويس من غير اى انظمة مساعدة .

2-سواق غير جيد
اول حاجة غلط بيعملها (يدوس بنزين ) وخلاص هو دة كل اللى يعرفة
يمشى بسرعة عالية وفى (الظروف دى ) و ماعندوش اى توقع ممكن يحصل اية بعد 50 متر حتى
ولو حصل اى حاجة مابيعرفش يتصرف ... ويمسك فى اللى جنبة .

اضف لى دة كلة حاجتين مهمين
1-مين جايب عربية جديدة و تعبان فيها يمشى بالسرعة دى و فى الطرق دى تحت الظروف دى كلها !!!
2-فين الطرق اللى ممكن تسمح بالسرعات العالية دى هنا ..وحتى فى احسن طرق السفر ..الامر مابيسلمش من (واحد يعدى فجاءة-عربية نقل بتلف فى وشك-واحد ماشى على 40 فى الشمال -اتنين بيسابقوا بعض ياخدوك معاهم فى سكتهم -......)

واخيراً راييى الشخصى مع اهمية الانظمة دى و كل حاجة .. بس هى مناسبة لطرق بين جبال لبنان مثلاً
تجربة عربية فى مدينة روما الايطالية او فى اعلان عن عربية جديدة فى ال mbc action

لكن حرام يدفع 15 او 20 الف زيادة ...
عشان انزل بالعربية
بالليل و الدنيا ضلمة والنور مقطوع و الرمل فارش الطريق و لسة كانت ممطرة وعربية زيت مقلوبة على الطريق .. و كمان امشى فوق ال 100 ........عشان الحق برنامج البيت بيتك :D

**ابو سيف** · 15-04-2008 02:02 PM

المشاركة الأصلية كتبت بواسطة SEATLOVER

لكن حرام يدفع 15 او 20 الف زيادة ...
عشان انزل بالعربية
بالليل و الدنيا ضلمة والنور مقطوع و الرمل فارش الطريق و لسة كانت ممطرة وعربية زيت مقلوبة على الطريق .. و كمان امشى فوق ال 100 ........عشان الحق برنامج البيت بيتك :D

لأ بقا معلش لو الموضوع موضوع البيت بيتك يبقا يستاهل :p:p:p

**HRH_Sameh** · 15-04-2008 03:10 PM

طبعا مهمة و SEATLOVER جاب المفيد وزيااااااااااااااااااادة

**hussein** · 16-04-2008 09:19 AM

seatlover
فعلا الف شكر علىالكلام الجامد دا اللى فعلا المفروض يبقى موضوع مستقل انا عارف انك مش بتتأخر على حد علشان كدا كنت مستنى منك كتير و انت ماشاء الله قلت اكتر من اللى انا توقعته ربنا يزيدك من علمه وميحرمناش من معلوماتك

**TAG_Turbo0** · 16-04-2008 10:48 AM

لو انا مكانك
طبعا هيفرق معايا كتير
بعد ستر ربنا الانظمة دى مهمه جدا فى رأى

**OldVic** · 26-04-2008 04:12 PM

معلومة ان مسافة التوقف اقصر اعتقد انها خطأ كبير جدا، السيارات المزودة ب ABS تحتاج مسافة اكبر للتوقف.

المشاركة الأصلية كتبت بواسطة أبو عبدالله

'طبع مهمين واللي جرب عارف

بص يا اخي

العربيه بدل ما تقف في 15 متر مثلا بزحلقة وقوة اندفاع جامده جدا هتقف في 10 وبدون زحلقة ولا قوة اندفاع

يعني غير الفرق في المسافه
في فرق ان اللي فيها النظام ووقفت عند 10 متر لو خبطت عند نهاية الــ 10 متر مش هيبقى لها اي قوة اندفاع

اما اللي هتقف عند 15 بتبقى جايه بقوة اندفاع اعلى بكثير علشان العربيه متزحلقه

ده غير بقه مسألى تحكمك في الدركسيون يمينا وشمالا عند الضغط على الفرامل
والتوزيع الألكتروني على الأربع عجلات كل واحده على حده بحيث العربيه لا يحدث لها زحلقة ولا تجي يمني ولا شمال ولا تعوم في الطريق مع الضغط على الفرامل فجأة او في الشتاء او في وجود رمال كثيفة

يعني بصراحه أمان عالي جدا