هل وجود ال abs,ebdيخلينى اغير رأيى فى العربية اللى هشتريها؟؟

**hussein** · 13-04-2008 05:17 PM

ياجماعة ياريت اللى جرب فعلا ال abs ,ebdيقولى هل هما مهميين فى مصر للدرجة اللى تخلينى اغير رأى من عربية لعربية تانية اغلى منها ولا الموضوع مش مستاهل
ارجو الرد من الناس اللى جربت فعلا وياريت يقولنا لو فى موقف حصل معاه و الحاجات دى نفعتو ولا لأ

**SEATLOVER** · 13-04-2008 05:23 PM

بص يا حسين ..
لو بتعرض نفسك لمخاطر ... ومالكش فى الموضوع اوى ..يبقى اة هات عربية فيها
لوبتعرض نفسك لمخاطر ..... وليك فى الموضوع اوى ...... يبقى لا مش مستاهل
لو مابتعرضش نفسك لمخاطر .. وليك او مالكش فى الموضوع....يبقى لا مش مستاهل

**أبو عبدالله** · 13-04-2008 05:30 PM

'طبع مهمين واللي جرب عارف

بص يا اخي

العربيه بدل ما تقف في 15 متر مثلا بزحلقة وقوة اندفاع جامده جدا هتقف في 10 وبدون زحلقة ولا قوة اندفاع

يعني غير الفرق في المسافه
في فرق ان اللي فيها النظام ووقفت عند 10 متر لو خبطت عند نهاية الــ 10 متر مش هيبقى لها اي قوة اندفاع

اما اللي هتقف عند 15 بتبقى جايه بقوة اندفاع اعلى بكثير علشان العربيه متزحلقه

ده غير بقه مسألى تحكمك في الدركسيون يمينا وشمالا عند الضغط على الفرامل
والتوزيع الألكتروني على الأربع عجلات كل واحده على حده بحيث العربيه لا يحدث لها زحلقة ولا تجي يمني ولا شمال ولا تعوم في الطريق مع الضغط على الفرامل فجأة او في الشتاء او في وجود رمال كثيفة

يعني بصراحه أمان عالي جدا

**fahd_628** · 13-04-2008 06:43 PM

بصؤراحة عوامل مهمة جدا

**limo** · 14-04-2008 12:25 AM

انا مجربتش air bag
بس سمعت انه انقذ ناس كتير من حوادث جامده اوى
بس abs يبان اوى لو ماشى فى طريق ممطر او عليه رمل او زيت
فى ظل الطرق السريعه بتاعتنا الجمليه الى مفيش ليها اى صيانه والسواقه العجيبه الى بنشوفها كتير مما يجعلك عرضه لاخطاء الغير فالاحسن انك تجيب عربيه فيها النظامين دول لو امكن لو ما امكنش خلاص مش مشكله

**hussein** · 15-04-2008 01:11 AM

لوبتعرض نفسك لمخاطر ..... وليك فى الموضوع اوى ...... يبقى لا مش مستاهل

يعنى معنى كدا ان السواق الجيد يقدر يعوض عدم وجود ال abs???

العربيه بدل ما تقف في 15 متر مثلا بزحلقة وقوة اندفاع جامده جدا هتقف في 10 وبدون زحلقة ولا قوة اندفاع

مش بشكك فيك يا ابو عبدالله بس متأكد من المعلومة دى؟

**PRO-DRIVE** · 15-04-2008 01:30 AM

^^^ الفكره صح بس الارقام حتختلف من عربيه و اخري

ميزه Abs الاساسيه هي قدرتك الكامله علي انك تلف المقود و انت دايس علي الفرامل

**SEATLOVER** · 15-04-2008 01:40 AM

المشاركة الأصلية كتبت بواسطة hussein

يعنى معنى كدا ان السواق الجيد يقدر يعوض عدم وجود ال abs???

سواق جيد... او سواق غير جيد يعرف انة غير جيد ..وبالتالى لا يضع نفسة فى مواقف حرجة

**fahd_628** · 15-04-2008 01:51 AM

بص يا باشا دة فيسديو يوضح

دية عربية منغير ABS

http://www.youtube.com/watch?v=jU_nLSjSWNY

و دية نفس العربية بس ب ABS

شوف بقى الفرق انك تقدر تلف الدريكسيون

http://www.youtube.com/watch?v=O_uwFjEO5G0

و قولى رأيك

**أبو عبدالله** · 15-04-2008 01:52 AM

المشاركة الأصلية كتبت بواسطة hussein

يعنى معنى كدا ان السواق الجيد يقدر يعوض عدم وجود ال abs???

مش بشكك فيك يا ابو عبدالله بس متأكد من المعلومة دى؟

بص انا هشرحلك ويارب اقدر اوصل المعلومة

نظام EBD بيعمل توزيع الكتروني على الأربع عجلات كل واحده على حده
طيب ده ايه اللي بيتحكم في الموضوع ده
حساسات في كل عجله
بتعمل على استشعار زحلقة كل عجله او بمعنى اصح لو في عجل بيمشي وعجله وقفة للحظات
بيروح مخفف الفرامل من على العجله دي لوحدها بحيث اول ما تمشي عادي تاني مع باقي العجل بيوصلها الفرامل زيها زي اي عجله تانيه

الفكره ايه
ان العجل ميتزحلقشي
لأن حضرتك عارف ان العربيه العادية لما بتضغط على الفرامل فجأة ولو على سرعه كمان العربيه بتتزحلق وبالتالي مع سخونة الكاوتش والأسفلت بتبقى عمله زي السطح الأملس بالظبط
فده بيخلي العربيه تجري اكتر وتندفع بقوة اعلى لأن العربيه اللي بتتزحلق طبعا هتقطع مسافه اكبر من اللي مش بتتزحلق

فهيا دي الفكره بس
ان النظام ده بيساعد العربيه تقف بأقل ضغطه مع اقرب مسافه تقدر العربيه تقف بها بحيث ولا هيا تتزحلق فتقطع مسافه اكبر ولا هيا متضربشي خالص

الموضوع: هل وجود ال abs,ebdيخلينى اغير رأيى فى العربية اللى هشتريها؟؟

LinkBack

أدوات الموضوع

عرض

-

-

-

-

-

المواضيع المتشابهه

وجود خنقة فى العربية مع بداية دوسة البنزين ..

هل تغير وحدة الكنترول للعربية Mmt بداية لعدم وجود مشاكل وتطوير العربية لرجعوها تاني ؟

الموقف المبهم اللى احنا فيه مع عدم وجود توكيل مصرى حتى الان

يا جماعة لوسمحتم حد يقول اية الي أطالب بيه صاحب العربية الميجان الي هشتريها منه(كتلوج

موقف أثبت لي أكثر أهمية وجود كمبروسور في العربية

الكلمات الدلالية لهذا الموضوع

المفضلات

المفضلات

ضوابط المشاركة