ايه القرف ده - المظاهرات لحد فين ؟

**أبو صلاح** · 31-03-2011 12:13 PM

يا جماعة انا من امبارح مخنوق جدا
كنت في مصر الجديدة وجاي من عند الميرلاند وداخل على اشارة روكسي وعايز ادخل شمال ناحية قويدر
الاقي الدنيا واقفة والاشارة حمراء والناس بتمشي وخضراء برضه والناس بتمشي
لحد ما ربنا كرمني ووصلت للميدان
الاقي شباب لايتعدى عددهم 250 شخص متظاهرين مش عارف ليه
وكم ظباط شرطة من اعلى الرتب وعساكر جيش الشرطة العسكرية
والله لو نفخوا فيهم لهيحرقوهم

عاملين ايه بقى ؟
قاعدين على الارض في الاتجاه اللي عايز ادخل فيه
لقيت عميد شرطة بيقولي يا فندم بعد إذنك ياريت ترجع
قلتله سيبني احاول على اساس ان العدد صغير وممكن اسلك قالي اتفضل
وشابين حلوين كده ولاااااااااااد التييييييييييت بيوقفوا العربيات بالعافية وخبط وترزيع على العربية وارجع تاني

ياعم انا فيه ناس حريم مستنيين بقالهم ساعة في الشارع وتعبانين
لاااااااا لف وارجع تاني
ياعم يهديك يرضيك
لقيته راح مكشرلي وقالي مش هتعدي حتى لو عملت ايه

والله العصبي ركبني وسبحان من صبرني في اللحظة دي
والله كنت هفرك بالعربية واشيلهم كلهم من على الارض واللي يحصل يحصل

يا ناااااااااااااااس ارحموانا
عايزين ايه

مظاهرة من 250 شخص توقفوا بيها ميدان زي ده
ليه حرام عليكم
والله لحد الان ما اعرفلهم مطالب

حسبي الله ونعم الوكيل في كل مخرب

احنا فعلا عايزين قانون منع التظاهر

**otefa** · 31-03-2011 12:27 PM

قلة عقل مهما كان ليهم مطالب طالما أذوى غيرهم وقطعو الطريق ...........قاطعي طريق مش لاقيلهم مسمى غير كده بصراحة
يشفولهم شغلانة يشغلو نفسهم بيها بدل شغل البلطجةده

**أبو صلاح** · 31-03-2011 12:34 PM

الكوميديا بقى

بحثت الان على جوجل عن مظاهرات ميدان روكسي

تظاهر المئات من المواطنين في ميدان روكسي للمطالبة بإخلاء ميدان التحرير من المتظاهرين وبإعطاء الفرصة للحكومة الجديدة برئاسة الدكتور عصام شرف لإنجاز مهمتها في دفع عملية التنمية والبناء في البلاد, وكذلك التعاون مع رجال الشرطة لإعادة الأمن والاستقرار إلى الشارع المصري.

كما ندد المواطنون بالمحاولات البغيضة التي تستهدف إثارة الفتنة بين المسلمين والمسيحيين, مؤكدين تمسك الشعب المصري بوحدته الوطنية والنسيج الاجتماعي دون تفرقة دينية.

وأقام المواطنون إذاعة داخلية في الميدان أنشدت أجمل الأغاني الوطنية التي تفاعل معها المواطنون وكل من كان يمر بالميدان.

من كذا مصدر كاتب نفس الكلام

**human** · 31-03-2011 12:51 PM

دول بتوع احنا اسفين يا صلاح

**أبو صلاح** · 31-03-2011 12:56 PM

المشاركة الأصلية كتبت بواسطة human12

دول بتوع احنا اسفين يا صلاح

**otefa** · 31-03-2011 01:06 PM

المشاركة الأصلية كتبت بواسطة أبو صلاح

الكوميديا بقى

بحثت الان على جوجل عن مظاهرات ميدان روكسي

من كذا مصدر كاتب نفس الكلام

واضح ألي حصل معاك مالوش علاقة بالخبر..........هو لسه في مظاهرات في التحرير

تظاهرة في روكسي للمطالبة بإخلاء ميدان التحرير من المعتصمين

Tweet شارك

اضغط للتكبير

مظاهرات بميدان التحرير تنادي بالوحدة الوطنية - مصراوي

اطبع
أضف تعليق
ارسل

3/11/2011 8:34:00 PM
القاهرة - أ ش أ
تظاهر المئات من المواطنين في ميدان روكسي للمطالبة بإخلاء ميدان التحرير من المعتصمين وبإعطاء الفرصة للحكومة الجديدة برئاسة الدكتور عصام شرف لإنجاز مهمتها في دفع عملية التنمية والبناء في البلاد، وكذلك التعاون مع رجال الشرطة لإعادة الأمن والاستقرار إلى الشارع المصري.
كما ندد المواطنون بالمحاولات البغيضة التي تستهدف إثارة الفتنة بين المسلمين والمسيحيين، مؤكدين تمسك الشعب المصري بوحدته الوطنية والنسيج الاجتماعي دون تفرقة دينية.
وأقام المواطنون إذاعة داخلية في الميدان أنشدت أجمل الأغاني الوطنية التي تفاعل معها المواطنون وكل من كان يمر بالميدان.
اقرأ أيضا:

**أبو صلاح** · 31-03-2011 01:16 PM

يا otefa

طيب تفسر ده بإيه ؟

حد يفهمني

**ahmedabutaleb** · 31-03-2011 01:27 PM

انا لو مكانك كنت اخدتهم تحت العربية واللى يحصل يحصل
اللى عايز يعمل مظاهرة يعمل بس ميعطلش مصالح الناس

**CryptonX** · 31-03-2011 01:28 PM

فعلا امباح قعدت الف حوالين الحتة دي كتير علشان اعرف اوصل جسر السويس ... و كانوا ميعدوش 250 شخص مثلا .. قاعدين على الأرض ..

بس ظريف اوي المبدأ ده ... اقفل ميدان حيوي .. علشان اطالب باخلاء ميدان حيوي اخر
lol

عامة الي عجبني الشرطة و الجيش... عملت حواجز حواليهم و بقوا يوجهوا العربيات في الاىتجهات الي لا تؤدي اليهم ...

و مشفتش يافطة واحد مرفوعة بتقول حاجة .. محدش فاهم هما واقفين ليه اصلا !