انا عندى شويه استفسارات كده

**johnghaly** · 31-03-2011 01:27 PM

مساء الخير عليكم جميعا الاعضاء والمشرفين المميزين اووووووووى واللى انا شخصيا استفد منهم جامد فى موضوع الموتوسيكلات
انا عندى شويه استفسارات كده ومعلش هاخد من وقتكم شويه
اولا: انا كنت مليش فى الموتوسيكلات وعادى زى ناس كتير اتشديت لموضوع ركوب الموتسيكلات وخاصتا الكروز مش اى موتوسيكلات تانيه المهم اعد اقلب واوقف ناس اسئلهم وفى الاخر لقيت هذا المنتدة والقسم الرااااااااائع ده (وبردو تانى مره بشكركم على المعلومات المفيده اللى انتو كاتبنها ) فحسيت انى عايز اشترى وموتوسيكلا خلاص هوندا استيدا 400 بس هكلمكم بصراحه انا حاسس انى بخيل شويه هههه عايز بردو اتجوز يعنى مش عايز اركب موتسيكلات واقضيه بس ما عالينا فكنت عايز اعرف انا لو جبت الهوندا الاستيدا ده هيتخرب بيتى ومش هقدر احووش تانى ولا ايه
_وحاجه تانيه انا شوفت هوندا استيدا كده بسس حاسسس انه مويل عالى كده فكنت عايز اعرف هو خر مويل ممكن نلقى فى مصر فى الاستيدا موديل كام
بجد انا اسف اوى اللى طولت عليكم فى كلامى واتمنى انا انال منكم نصائح فى هذا الموضوع اللى تعبنى ده وشكرا ليكم جميعا على القسم الجميل ده

**KHALED2010** · 31-03-2011 02:01 PM

بص ياباشا اولا موضوع الجواز ده قسمه ونصيب ماتشلش همه خالص
ثانيا الموتوسكل عمره ماهيبهدل صاحبه لو حالته كويسه وطالما انت مشاويرك عليه هتكون محدوده فاعتبره مش موجود خالص بالعكس ده هيوفر ليك وقت ومجهود جامد جدا يعنى مثلا لو انت فى الشغل وهتخلص متاخر شوية مش هتشيل هم الرجوع خالص لان مواصلاتك تحت رجليك فهتحس بارتياح طبعا ........
ثالثا الحاجة اليابانى عمرها مابتخسر ابدا ابدا حتى لو ايه حصل فيها ليها سعر محدد بس ده لو انت محافظ عليها طبعا
لو ناوى اتوكل على الله وهات ليك سيفتى كويس ...واتوكل على الله وماتقلقش خالص مش يمكن الموتوسكل ينفعك بعد الجواز كمان او فترة الخطوبة على الاقل ياسيدى تتفسحوا بيه على الاقل .........تحياتى ليك khaled2010

**johnghaly** · 31-03-2011 02:10 PM

بجد انا بشكر اهتمامك بموضوعى يا خالد بجد وكلامك صح كل ده قسمه ونصيب وانت شجعتنى اوى بجد وانشاء الله الشهر اللى جى هدور على استيدا كويس وادعيلى وبردو هقرفكم بى على طول قبل ما اشترى اى حاجه هحتاج رايكو (اهل الخبره)
وبجد شكرا اوى يا خالد على ردك

**johnghaly** · 31-03-2011 02:13 PM

بقلك صح معلش يا خالد حاجه تانيه انا طبعا مسقتش مكن قبل كده غير انى اجرب بس ممكن طبعا اجيب اى حد لما اشترى الموتوسيكل باذن ربنا ياخدو يوصلهولى البيت واعد ادرب عليه كده مع نفسى ولا صعب موضوع مع نفسى ده؟؟؟؟

**mahgary** · 31-03-2011 02:41 PM

اهلن بك هنا انا كنت زيك بلظبط والحمد لله حبت اسنييد ومستمتع به فعلان مكنه جميله وثقيله وسابته وربنا يوفق فى كل شى

**KHALED2010** · 31-03-2011 03:00 PM

المشاركة الأصلية كتبت بواسطة johnghaly

بقلك صح معلش يا خالد حاجه تانيه انا طبعا مسقتش مكن قبل كده غير انى اجرب بس ممكن طبعا اجيب اى حد لما اشترى الموتوسيكل باذن ربنا ياخدو يوصلهولى البيت واعد ادرب عليه كده مع نفسى ولا صعب موضوع مع نفسى ده؟؟؟؟

ماتشش هم يوم ماتنوى كمنى وانا تحت امرك