مين بيلعب صلَح مع مصر ؟ هاننزل فى جمعة انقاذ الثورة

**mahmoudysf** · 01-04-2011 05:07 AM

اتمنى من اي حد نازل التحرير ورغم انى مؤيد للنزول لان الامور اصبحت اكثر ضبابية ومطالب الناس اللي راحة التحرير مشروعة لاكن ارجو الا ينساقو وراء اي تحريض للتعرض للجيش او الذهاب الى المجلس العسكري واذا وجدو ان هناك توجه لذلك فعليهم العودة الى بيوتهم لانى حاسس ان فيه ناس بدتفعنا لاتجاة مشابه لاتجاة 52

**cheetos_892005** · 01-04-2011 05:09 AM

كما تعودنا قبل كل جمعه مليونيه ليلا اخبار مرعبه وولا بيحصل حاجه في الاخر

مع اني فعلا متاكد من فساد و التفاف واضح في المجلس العسكري بس مش وقته

حما اخويا كان لواء جيش و لسه طالع معاش لظروف صحيه

كنا بنتكلم عالثوره و كده ....فا بقولو بس الجيش الحمد لله عمل الواجب و المشير طنطاوي و سامي عنان هينضفوا البلد و ينفزوا كل مطالب الثوره

ضحك ضحكه مش هنساها في عمري بهدوء كده .....قاللي :طيب .....

بس متثقش في حد كده قوي

ولو وقته ....يبقى بالادب من غير اقتحام وضرب و كلام من ده !!!!!

**medo_2060** · 01-04-2011 05:11 AM

المشاركة الأصلية كتبت بواسطة mahmoudysf

حتى لو فيه شكوك حول طنطاوي جعل الجيش خصم حاليا هو المسمار الاخير في نعش الثورة

هو فى تخاذل من المجلس العسكرى ( القيادات دول بس) مقدرش اقول عليهم الجيش ... انا معاك مينفعش نعمل طنطاوى خصم بس لو فعلا الكلام الى بيتقال عليه دا صح يبقى مع استمرار سياسته دا كفايه لانه يكون المسمار الاخير فى نعش الثوره برضه...
هو المفروض فى الجيش فى ناس مع الثوره وناس مع مبارك ونظامه ودا انا متاكد منه بسبب الى بيحصل دلوقتى.. بس مين الى مع الثوره ومين ضدها بقى الله اعلم..
هو عمرو عفيفى لو بفرض ان طنطاوى ضد الثوره هو يقدر يجيب المعلومه دى منين ؟؟

المشاركة الأصلية كتبت بواسطة cheetos_892005

حما اخويا كان لواء جيش و لسه طالع معاش لظروف صحيه

كنا بنتكلم عالثوره و كده ....فا بقولو بس الجيش الحمد لله عمل الواجب و المشير طنطاوي و سامي عنان هينضفوا البلد و ينفزوا كل مطالب الثوره

ضحك ضحكه مش هنساها في عمري بهدوء كده .....قاللي :طيب .....

بس متثقش في حد كده قوي

وسبته من غير ما يقولك المعلومات الى عنده .. ياراجل حرام عليك ههههههههههه
دا انا هموت واعرف ايه المعلومات الى عند الناس الى زى اللواء دا

**dr-mohamed** · 01-04-2011 05:22 AM

المشاركة الأصلية كتبت بواسطة mahmoudysf

حتى لو فيه شكوك حول طنطاوي جعل الجيش خصم حاليا هو المسمار الاخير في نعش الثورة

المشاركة الأصلية كتبت بواسطة col. Eng. Khaled

يا دكتور المجلس مش طنطاوي لوحدة ، أي وزير دفاع ما هو إلاّ رمز للمؤسسة العسكرية و منصب سياسي فقط لا غير ........... أي نعم هو حاليا لا يحتكم على @#$ @#$%^

، لكن حتما يشوف مصلحته بعيد عن الوزارة إن عاجلا أو آجلا لإنه كان لازم يمشي من ز ماااااااااااااااااااااااا ااااااااااااااااااااااااا ااااااااااااااااااااااااا اااان .

في كل الاحوال اجلا راحل بعد انتخاب رئيس جديد لانه لا يعقل ان يعود وزير للدفاع مرة اخري تحت قيادة رئيس بعد ان كان رئيس المجلس العسكري الذي يحكم الدولة
يبقي ليه نحاول نخليها اجلا وندخل في صراع غير مامون العواقب ؟؟؟؟؟؟؟؟

المشاركة الأصلية كتبت بواسطة medo_2060

هو فى تخاذل من المجلس العسكرى ( القيادات دول بس) مقدرش اقول عليهم الجيش ... انا معاك مينفعش نعمل طنطاوى خصم بس لو فعلا الكلام الى بيتقال عليه دا صح يبقى مع استمرار سياسته دا كفايه لانه يكون المسمار الاخير فى نعش الثوره برضه...
هو المفروض فى الجيش فى ناس مع الثوره وناس مع مبارك ونظامه ودا انا متاكد منه بسبب الى بيحصل دلوقتى.. بس مين الى مع الثوره ومين ضدها بقى الله اعلم..
هو عمرو عفيفى لو بفرض ان طنطاوى ضد الثوره هو يقدر يجيب المعلومه دى منين ؟؟

عرفت اننا وسط ضبابية وفيه امور مجهولة ؟؟؟؟؟؟؟
نضمن منين ان اللى في الجيش مع الثورة واللي مع مبارك او مع وزير الدفاع ورئيس الاركان ميضربوش بعض ؟؟؟؟؟
نضمن منين ان ميضربوش اللي هايروحوا يحاصروا المجلس العسكري زي ما بيطالب عفيفي ؟؟؟؟؟
فاكر عفيفي لما كان بيقول للناس روحوا اقتحموا التليفزيون حاصروا وزارة الدفاع يوم 28 ؟؟؟؟؟؟؟؟؟؟؟؟
نضمن منين ان وسط الفوضي اللي عايزها عفيفي وغيره لا يصعد مجموعة ظباط صغار لسدة الحكم ووقتها لا ثورة ولا ديمقراطية ونرجع من تاني لسنة 52 ؟؟؟؟؟؟؟؟؟؟؟؟؟؟؟؟؟

انا عن نفسى مش نازل ومش موافق على النزول

لكن زي ما قال الاخ محمد يوسف اللى هاينزل لو وجد اي اتجاه لدفع الموجودين للذهاب للمجلس العسكري ياخد بعضه ويرجع بيتهم

**Col. Eng. Khaled** · 01-04-2011 05:24 AM

طلب صغير من حضراتكم يا سادة يا كرام

إعتبروني ما كتبتش حاجة في الموضوع ده ، و سيبونا نشوف سوا "الفترة" إللي جاية (قبل / بعد) مجلسي الشعب و الشورة و

الرئيس حتقول لنا إيه .

إعتبروا إن كلامي كله "هذيان" مش أكتر .

**medo_2060** · 01-04-2011 05:36 AM

عندكوا حق الحذر واجب فى الموضوع دا بالذات.. وعموما الصوره ناقصها كتير عشان تكتمل عندنا..الايام هتبين..
وربنا يستر بكره ويكتب لنا الخير ان شاء الله

**Ahmed Anwer** · 01-04-2011 06:52 AM

برده لو دبابة الجيش هتدوسني و لا هأهتف هتاف واحد ضد الجيش أو حتي قيادته

الناس عندها وعي كبير جدا عن كده ،،،

المشير أي واحد ليه علاقة بالجيش عارف أنه مكروه بس مش مكروه لأنه فاسد

مكروه لأنه قارف الضابط و الأفراد و قلل إمتيازتهم

و مبارك كان مخليه عشان عارف إنه بلا طموح ،،

أعتقد الكلام ده عبث و تهريج ،،

و مش وقته إطلاقا ،،،

و علي فكرة الضباط اللي بيكلموا دوول مش هيلاقوا تأييد شعبي ،، لو عملوا حاجة ،،

الناس عندها وعي أكبر من كده بكتير