القدرات السحرية والخارقة عند السلفيين

**محمد محمد** · 31-03-2011 09:41 PM

في واقعه وحشية غير مسبوقه قامت سيدة سلفية بذبح بطة بدون رحمة, ثم قامت بنتف ريشها ثم قامت بشيها على النار و التمثيل بجثتها و قد تأكد للحضور أن السيدة سلفية لأنها قالت "بسم الله" قبل ذبح البطة

**SeiffoZ** · 31-03-2011 10:16 PM

هههههههه .. عجبتنى صورة سوبر مان دى قوى ... ..

بس أقولك حاجة يا باشا ..

ناس كتير قوى فقدت الثقة فى السلفيين ( مقصدش المعنى نفسه لكن الجماعات إللى موجودة فى مصر) ..

و بدأت من الإستفتاء ... لما المشايخ أفتوا إن من قال نعم فقد نصر الدين و من قال لا فهو على حافة الكفر .

و كفروا البرادعى و كفروا العديد ... و أهدروا دم البرادعى كمان ..

و ظهر وجه قبيح جدا ... جدا

خصوصا بعد " غزوة الصناديق" .... و بعد " قطع الأذن " ... و بعد كذب حازم شومان و طعنه فى الأعراض بشكل خاطئ و الكذب فى المعلومات السياسية و محاولة إيهام الناس بأن الشعب فى أمريكا لا ينتخب و هو بيرسم السلطة للإسلاميين .... و ظهر قد إيه ممكن يعملوا إيه عشان يستولوا على السلطة .. و خاصة ظهور عبود الزمر بوجه قبيح جدا ... و تجاوزات الإخوان فى الإستفتاء الرهيبة و تجاوزات بديع إللى إفتكر نفسه حاجة مهمة .

و فجأة موضوع كاميليا إللى ظهر دلوقتى ده ... و أنا شايف إنه مش وقته خالص سبنا كل حاجة و رايحين على كاميليا ؟؟؟ إدوا الواحد إحساس إن الناس دى ميهمهاش حاجة غير هدف فى دماغها و بس و يولع كل حاجة ...

لازم الناس تخاف منهم ... لأن بصراحة شكلهم بقى وحش قوى و ظلموا الناس المتدنيين معاهم إللى غير كده خالص ..

فعلا ظلموا الباقى .

**m3_dolphen** · 31-03-2011 11:10 PM

و كفروا البرادعى و كفروا العديد ... و أهدروا دم البرادعى كمان ..

و ظهر وجه قبيح جدا ... جدا

[/quote]

عندك دليل ؟

**Forever.Leo** · 31-03-2011 11:16 PM

حاجة كده عاملة زي حادثة طيارة مصر للطيران في امريكا من كام سنة .. و قت ما اتهموا الطيار بأنه قال توكلت على الله

**medo2o1o** · 31-03-2011 11:29 PM

ايه ده يعنى لو السلفى عضنى عادى مش حيحصلى حاجة و مش هبقى زيه و هعرف امشى فى النهار و منامش فى توابيت
ياه شوف الدنيا السلفيين طلعوا بيتاثروا بالكربتونايت