شكرا ليك يا باشا
انا هشوف الموضع واسئله ان شاء الله
عرض للطباعة
يا باشا لو انت حتوصله على مفتاح الباب اللى بيبقى فى القايم المفتاح ده واصله سلكه واحده اللى هى ارضى اللمبه وجسم المفتاح هو ارضى العربيه
لما بتفتح الباب ارضى اللمبه بيوصل بجسم المفتاح اللى هو ارضى العربيه اللمبه تنور
يعنى دائره الفصل هنا هى الارضى مش الموجب زى باقى الانوار فى العربيه
يعنى جميع انوار العربيه بتفصل وتوصل فيها الطرف الموجب عن طريق مفتاح
هنا الوضع معكوس اللى بيفصل ويوصل هو الطرف السالب الارضى يعنى
من الاخر عشان انت كده غيرت اتجاه الموضوع لو عاوز تنور الللمض دى مع النور الواطى (نور التابلوه ) حتاخد طرف من النور الواطى بتاع الفوانيس اللى ورا او من سلك الضفيره اللى رايح ليها لو تعرفه
متعرفهوش يقى فك الفانوس اللى ورا وخد طرف موجب من اللمبه بتاعه النور الصغير اللى هى اصلا بتنور مع التابلوه
ومد السلك من تحت الفرش من الشنطه الى تحت الكرسى ووصل الليدات اللى انت عاوزها والسلك حيبقى تحت الفرش مش حيبان
والطرف السالب بتاع الليدات خده من اى ارضى فى العربيه او اى مسمار فى الشاسيه
بس واضح من كلام حضرتك انك ملكش اوى فى التوصيلات بتاعه العربيه عشان كده انصحك تروح لكهربائى وتقف على ايده وتعمل اللى انت عاوزه عشان متحرقش فيوزات او تبوظ حاجه تانيه
انا الطريقه الى قولتلك عليها دى اسهل طريقه عشان متلعبش فى التابلوه ولا العدادات ولا اى حاجه انت حتاخد من السلك اللى داخل للمبه طرف وخلص الموضوع
شكرا ليك يا باشا
انت كده وضحت الحكاية كلها
وانا فعلا مليش فى التوصيلات بس انا حابب انى اعملها بأيدى
وطريقة انه ينور مع نور العدادات ديه انا عاوز اعملها وفعلا فكرة حضرتك ديه سهلة بس انا ليا استفسار لو انا عاوز اعمل زورار افصل اليدات عن نور العداد اعمله ازاى
بص حتعمل اللى قولتلك عليه ده وقبل متوصل اللسلك اللى جاى من ورا من الفانوس بالليدات حتحط مفتاح عادى على حسب الشكل اللى انت عاوزه وشوف مكان المفاح فين و طلع سلك من المفتاح لليدات
يعنى عتعمل كل حاجه عادى بس قبل متوصل السلك بالليدات حتحط مفتاح بينهم وخلاص
جرب ولو فيه اى مشكله قوللنا عليها
وطبعا كويس جداااااااااااااا انك بتعمل الحاجات دى بأيدك بيبقا ليها طعم وفكره تانيه
ولو لسه مش فاهم التوصيله اعملك رسمه تقريبيه للفكره
Omal ana a3mel eih..... da ana 3ayza arakeb lidat tenawar 3ala okar elbeban men bara ma3a el center lock