الموضوع: بحب الجيش بس مش فاهم ايه اللي بيحصل

المشاركة الأصلية كتبت بواسطة النوبي

معاك في كل ده بس معلش الجيش خطواته بطيئه للغايه والناس دي محدش هيسال الجيش مسكهم ليه بل بالعكس دول فضايحهم ماليه الدنيا ومحاكمتهم مطلب شعبي

محاكمات الفاسدين دي ممكن تاخد سنين في المحاكم

المشاركة الأصلية كتبت بواسطة som3aa

فى حاجات مش محتاجة وقت خالص و فى حاجات مستفزة يعنى مثلا يجيب واحد زى سامى الشريف دا ليه و يمسكه التليفزيون؟؟؟؟ مش فاهم المقصود استفزاز الناس و لا ايه؟ ميجيب حد كويس!!
ليه المجلس العسكرى ميفرضش الاقامة الجبرية على رموز الفساد لحد ما يتحاكموا ؟؟
ليه عايزين يطلعوا قانون يعفى الحرامية من العقوبة لما يرجعوا الفلوس ( بعد ما ضاعفوها طبعا)
ليه بيقاوموا فى انهم يشيلوا عميد كلية الاعلام بتاع امانة السياسات بعد النتقادات الشديدة اللى اتوجهت ليه و رئيس جامعة القاهرة و غيرهم اللى كان امن الدولة بيعينهم.
ليه بالعافية شالوا رؤساء تحرير الصحف القومية
ليه 50% عمال و فلاحين؟؟؟؟؟
فى حاجات تانية كتير , انا مازلت مقتنع ان فى حاجة بتحصل , مبارك كان قدامه مليون فرصة انه يمشى ليه مهربش لو عنده شك 1% انه هيتحاكم؟ انا متاكد انه ضامن ان محدش هيتعرضله

من الاخر الضغط ضرورى جدااا جدااا جدااا فى رايى و لما بيعرفوا ان فى مليونية بتلاقى فى اسبوعها المجلس العسكرى بيطلع كذا قرار

البطء فى اتخاذ القرارات و بعدين اتخاذ القرار من طرف واحد بيسبب غضب شديد , لازم يبقى فى مناقشة و يشوفوا راى المثقفين قبل ما ياخدوا قرارات علشان محدش يعترض

الجيش قال انه مش هيلاحق مبارك قضائيا اصلا , و بعدين هنسجن يعني راجل عنده 83 سنه يبقي استفدنا ايه ؟ المهم محاكمه ابنه و باقي رموز الفساد و الكلام هياخد سنين في رأيي

المشاركة الأصلية كتبت بواسطة ahmedjumpo

يا استاذى العزيز المستندات المطلوبة للاسف تم ترك رؤوس الفساد ليحرقوها او ليفروموها وبالتالى من المسئول عن هذا مع العلم انه طبقا لقانون الطوارئ بسهولة كان يستطيع المجلس العسكرى التحفظ و تحديد اقامة رؤوس الفساد و قطع كل سبل الاتصال بهم ثم يتم التحفظ و مراجعة كل الاوراق و التى سيجدوا بها كل دلائل تورطهم و اضف الى ذلك ثرواتهم المتضخمة و التى ينطبق عليها قانون من اين لك هذا
و لكن بدلا من كل ذلك تم تركهم يتحركوا بحرية و يقوموا بأزالة كل ادلة الاتهام و تحت سمع و بصر المجلس العسكرى و لنا المثال فى زكريا عزمى الذى تواجد طوال الفترة الماضية رغم اعلان خبر فرمه لاوراق هامة قبل شهر و لم يتخذ ضده اى اجراء

هو الجيش هيلاحق علي ايه و لا ايه ؟ انا شايف ان عجله تحقيق مطالب الثوره بتدور بس ببطأ افضل من عدم دورانها من الاساس و لازم ندي الجيش فرصه كمان

المشاركة الأصلية كتبت بواسطة eng_ahmed_90

الضغط مش ضروري , و الجيش بينفذ مطالب الشعب بس بياخد وقت طويل , لان الطلبات كتيره و كبيره .
يعني مثلا موضوع محاكمه الفاسدين , لازم مستندات و محاكمات و جلسات و بلاوي زرقه هتاخد وقت طويل .
مفيش حاجه بتيجي بالساهل او بسرعه .

كلام حضرتك سليم 100% بس هل معنى كدا اننا نضيع الوقت حتى يهربوا بره البلد وبعد كدا نطلب انهم يرجعوا بالانتربول ولا نمنعهم الاول واللى يثبت انه برىء يخرج؟