الموضوع: الإعلان الدستوري .. والمتشائمون بالفطرة ! بقلم جمال سلطان

نعيد الفقرة للمرة التانية يبدو ان استاذ طارق لم ينتبه لها

المشاركة الأصلية كتبت بواسطة ahmedjumpo

و بعد ده كله هناك من يطالب من قالوا لا بالاعتذار عن تشويه الحقائق و تغييب العقول !!!!!!!!!!!!!!!! و كانهم هم الذين يتخذوا القرارات المتضاربة و هم من استخدموا الدين فى الترويج لافكارهم و استغلوا جهل الناس بالتعديلات و اوهموهم انها هتمتد للمادة الثانية
اما من قالوا نعم فكانوا يعلموا الغيب و كانوا بيقولوا دائما الحق
يا للعجببببببببببببببببببببب بببب

المشاركة الأصلية كتبت بواسطة human12

هو لسه فيه ناس بتقول نعم ولا!!!!!!
اللى بيحلل اللى قالوا نعم تم الاتفاف مثلا فى رأيه هو لا يقسم الناس لنعم ولا
و ده اللى قريه اللى بيقسم اللى لسه فاكر ان نعم حلوه ولا وحشه و يطلع الموضوع ده فى وش اللى بيتكلمه بطريقه تغيظ حبيتين
أ طارق بالله عليك تراجع المنتدي من يوم ما ظهرت نتيجة التعديلات الدستورية ثم بعد ان ظهر الاعلان الدستوري وتقولي كام مرة اتقالت كلمات مهينة لتفكير من قالوا نعم
مرة اشربوا يا شعب مصر ومرات بالشفا ووووووووو
بقولك ايه مش علشان انت كنت من انصار لا تستمر في الدفاع باي شكل عنهم واتهام من قالوا نعم انهم هم من يقلل من شأن من قالوا لا
الراجل بيقول رأيه لا قال نعم حلوه ولا لا حلوه هو بيقول احنا عملنا استفتاء دلوقتى على كام ماده و فى الاخر المجلس فى رأيه ماعملش اللى الناس عايزاه - رأيه وهو حر و بيتكلم بحجه و اللى رد رد بحجه
طبعا له رايه وحريته الكاملة ومن يخالفه له نفس الدرجة من الحرية والا يبقي فيه حجر على الاراء
لكن الكلام ده لما يبقي الراي بطريقة استاذ احمد جامبو اللى هي التحليل والتفتيش والبحث والتفنيد
اما كلام من عينة اشربوا وتستاهلوا والبسوا فأسلوب غير مقبول بالمرة ولا يقترب من بعيد للرأي واسلوب رخيص ومبتذل وصف به انصار نعم مرات كثيرة في المنتدي هنا
بس استمرار كل شويه نقول اللى قالوا نعم بيدافعوا و اللى قالوا لا بيدافعوا اسلوب رخيص غير مقبول
برجاء الكف عن هذا و مناقشه افكار او تحليلات

يا ريت تبقي المناقشات بطريقة ليس فيها تقليل للطرف الاخر واستهانة به وتوجيه اتهامات له
وما كتبته انا بهذه الطريقة في هذا الموضوع كان اقتباس لاراء الاخرين ومطالبتهم بنفس ما يطالبوا به مخالفيهم

المشاركة الأصلية كتبت بواسطة human12

القلب بتاع المقال هو
يعنى المقال مكتوب عشان اللى قالوا لا اصلا و منقول عشان اللى قالوا لا و طبعا زى المكتوب
المقال بعد مشاركة استاذ احمد جامبو لم يعد لمناقشة المقال في حد ذاته لانه عاطفي وحماسي اما مشاركة الاستاذ احمد فكانت عقلانية محددة وبالتالي تحول النقاش اليها وليس للمقال

فالاستاذ احمد كان لازم يتدخل و ناقش فكره بفكره فى اسلوب اراه متوازن و بيوضح صوره ناس شايفاها و ده برضه حقه و مغلطش فى حد ولا قال تفصيل ولا قال متشائمون ولا اى كلام ممكن تقول انه بينقد
هو بيناقش للفهم و اعتقد ده واضح مش محتاج اشرحه
راجع الفقرة التي اقتسبتها لك مرتين علك لم تراها في المرة الاول وفيها اهانة لمن قالوا نعم بانهم يتخذوا القرارات المتضاربة و هم من استخدموا الدين فى الترويج لافكارهم و استغلوا جهل الناس بالتعديلات و اوهموهم انها هتمتد للمادة الثانية وكانوا يعلموا الغيب و كانوا بيقولوا دائما الحق


و لم يكن اى حد من اللى قالوا نعم يعلم انا الاعلان الدستورى ده هو اللى هيحصل بالطريقه ديه (لو فيه هاتلى مين قال الكلام ده قبل الاستفتاء)
اعيد عليك ما قلته في ردي على الاستاذ احمد التفكير في الاعلان الدستوري سبق الاستفتاء نفسه حين قال اللواء ممدوح شاهين منذ لحظات علي برنامج مصر النهاردة انه سواء قلت نعم او لا فانه سيكون هناك اعلان دستوري ولا عودة مطلقا لدستور . كما سبق اعلان نتيجة الاستفتاء

فريق عنده كل الكلام كوبى و بيست و مقالات تتحط و المفروض ان ده صح و شويه تحليلات مش من ارض الواقع و الكلام مش بيحصل زى ما الناس عايزه او بيتقال انه هيحصل دون اى ضمانات فى صوره ضبابيه ماحدش فاهم فيها حاجه ولا فى اى تصور كامل و المفروض الناس تسلم نفسها و خلاص

متفكرنيش بالكوبي والبيست الله يرضي عليك لان اكثر من استخدم هذه الطريقة في وقت التعديلات الدستورية كان فريق لا لدرجة ان فيه كتاب بعينهم زي الاسواني وبلال فضل ونوارة نجم اصبحت مقالاتهم هي المنتدي وتوضع المقالة بدون اي تعليق عليها
واسمح لي اقتبس كلامك و المفروض ان ده صح و شويه تحليلات مش من ارض الواقع و الكلام مش بيحصل زى ما الناس عايزه او بيتقال انه هيحصل دون اى ضمانات فى صوره ضبابيه ماحدش فاهم فيها حاجه ولا فى اى تصور كامل و المفروض الناس تسلم نفسها و خلاص

و فريق متضايق عشان عايز اكتر لوطنه من مجرد تغيير رتوش عايو يعرف ايه اللى بيحصل و هيعملوا ايه بالظبط و كمان عايز يفهم و بيناقش عشان يفهم لعل و عسى حد يستفيد من نقطه مطروحه فى النقاش دون ان يتم النيل منهم
اه رجعنا تاني لتعظيم فريق من قال لا
شفت ان انت بنفسك وسط كلامك لا تستطيع ان تنسي ان تصف من قالوا نعم بانهم يريدون الرتوش ولا يريدون ان يعرفوا ما يحل ومش عايزين يفهموا ولا بيتناقشوا - بعا انا عكست كلامك عن الفريق المتضايق اللى هو في رايك فريق لا -
ارجوك بلاش تطلب من انصار نعم اسلوب معين في الحوار ثم تستخدم انت نفسك الاسلوب الذي ترفضه من بعضهم

و لكن اسلوب المناقشه اللى بيطرح و اللى مستمر على الصفحات اللى هو قول اى حاجه و هجيبلك كلام ضده من غير مناقشه الفكره او التخوف مثلا و دون وجود اى ضمانات تكفل تحقيق ما يتم نقله من كلام

المشاركة الأصلية كتبت بواسطة ghazy12

سؤال واحد بس لمن قال نعم للتعديلات الدستوريه...
كنتم تعرفوا اول ما طرحت التعديلات الدستوريه للاستفتاء انه في حالة
موافقة الأغلبيه على التعديلات الدستوريه (نعم) انه هيتم عمل اعلان دستوري؟؟؟
ارجوكم جاوبوا بصراحه و بدون مبررات... كنتم تعرفوا ولا لأ؟؟؟؟
اصل موضوع الاعلان الدستوري ده لسه جديد, و ملاحظ ان الناس بتتكلم
كما لو انها كانت تعرف الخطوات اللي هتحصل في حالة الموافقه حق المعرفه..!!!
انا مستغرب فعلاً...!!!!!!! عموماً مش فارقه نعم من لا دلوقتي...

اعيد عليك ما قلته في ردي على الاستاذ احمد التفكير في الاعلان الدستوري سبق الاستفتاء نفسه حين قال اللواء ممدوح شاهين منذ لحظات علي برنامج مصر النهاردة انه سواء قلت نعم او لا فانه سيكون هناك اعلان دستوري ولا عودة مطلقا لدستور . كما سبق اعلان نتيجة الاستفتاء
واقسم لك بالله اني في حديثي مع الكثيرين ممن اعرفهم واعتقد انه كان منهم الجنرال خالد ان لم تخني الذاكرة قلت ان نعم او لا لن تفرق في شئ لان في الحالتين المجلس الاعلى سيضع الاعلان الدستوري كما يريد لكن اختيار نعم يجعله على الاقل ملزم بالمواد التي سيتم عليها الاستفتاء كما يجعل سلطة المجلس الدستوري مستمدة من موافقة الشعب عليه وليس من كونه السلطة الفعلية الحاكمة التي تتصرف بإرادتها المطلقة
ومعاك ان دلوقت مش هتفرف نعم من لا
اللى هايفرق من النهاردة هو الاعداد للانتخابات التشريعية بشكل جاد من الجميع حتي لا ياتي البعض حين يخسر ويقول لم الحق استعد وتبدا سلسلة الاتهامات من جديد
اصحاب الساعة 25 دائما يندبون حظهم ويتهمون الاخر ولم اجدهم يعملون في الساعات ال24 لتحقيق اهدافهم بل ينتظرون حتي تضيع منهم الفرص ثم يتباكون عليها ويتهمون الاخرين وكأنهم يستمتعون بعملية جلد الذات والاخر التي يقومون بها

المشاركة الأصلية كتبت بواسطة dojuar

ده كان موضوع أو استطلاع عامله يوم 16/3/2011

http://www.nilemotors.net/nile/207380-a.html

دليل اخر لكن يبدو ان الكثيرين لم ينتبهوا له وقتها او انتبهوا ونسوا لانهم لا يرغبون ان يتذكروا

عشام منلفش حوالين الحقيقة

سأكتفي بالمتابعة فقط في هذا الموضوع بالذات و ربنا يعينني

هاعمل زيك وان شاء الله ربنا يعيننا