الموضوع: الإعلان الدستوري .. والمتشائمون بالفطرة ! بقلم جمال سلطان

المشاركة الأصلية كتبت بواسطة ghazy12

شكراا جزيلاً على ردك يا دكتور,
ربنا يكرمك يا غازي باشا
بس انا قصدي في بداية الأمر ده ماكانش احتمال مطروح
على الطاوله في حالة الموافقه على التعديلات الدستوريه... و ده تحديداً قصدي
صدور اعلان دستوري بعد التعديلات قاله اللواء ممدوح في برنامج مصر النهاردة يوم 14 قبل الاستفتاء على التعديلات سواء كانت النتيجة نعم او لا

يبقى ايه معنى انه عايز يكسب شرعيه من الشعب..!!!! مش فاهم النقطه دي فعلاً و مش مقتنع بيها
يعني هي دي بس اللى مش مفهومة يا غازي يا اخويا
فيه حاجات كتير جدا جدا مش مفهومة من اللى بيحصل وفيه منها حاجات هنعرفها بعدين وفيه حاجات للاسف مش هنعرفها ابدا
الفكره كلها بتدور حول نقطه واحده فقط لا غير... المجلس الأعلى للقوات المسلحه مش عايز
يورط نفسه مع الشعب بكل طوائفه في اختيار اعضاء اللجنه التأسيسيه لعمل دستور جديد للبلاد
بشكل مباشر و بدون استفتاء على الاعضاء دول, لان من المستحيل عمل استفتاء على 100 شخص..!!
و بالتالي, كان الأفضل ليه الموافقه على التعديلات الدستوريه من جموع الشعب المصري
صح جدا
علشان يطلع من المطب السخيف ده, و بالتالي حاولوا في كل مره طلعوا فيها على التليفيزيون
في اي برنامج انهم يحسسوا الشعب ان الموافقه على التعديلات مضمونة الخطوات و مدروسه
و اسهل من رفض التعديلات.... و لما كان حد بيسألهم عن حالة رفض التعديلات, كان ردهم
مبهم, و غامض, و غير محدد, و تحس ان طريق (لا) مسدود.... مسدود.... مسدود !!!!!
كان رد الموافقه على التعديلات واضح و سريع و مفصل, لكن رد الرفض كان (احنا عاملين خطه للاحتمالين)
طيب ايه هي الخطه..؟؟؟ لا رد... لا احد يعطي اجابه شافيه, او اي تفصيل عن طريق الرفض المظلم
وعلى فكرة بالنسبة لبعض من قالوا نعم كان ده احد الاسباب بدون التاكد من ان حتي لا كان سيعقبها اعلان دستوري

لكن ازاي و ليه اعمل انتخابات نيابيه في جو مشحون و غير مستقر بالشكل ده..؟؟ ده بخلاف
ان مافيش مواطن واحد عادي في مصر عارف هو هينتخب مين يمثله في مجلس الشعب او الشورى..!!!!

ليه ما نستناش لحد ما الناس تبدأ تستوعب و تفهم ؟؟؟ ليه نعمل انتخابات في جو لسه ملئ بالفساد؟؟؟

طيب ليه نختار رئيس في الجو ده بردو؟؟؟ طيب مين عامل حساب التأثيرات المختلفه القويه للتيارات السياسيه
بسبب قلة الوعي و انعدام الفهم الحقيقي للوضع من (بعض) فئات الشعب المصري, لكن دول الفئه الغالبه ؟؟؟
و ده طبيعي جدااا في ظل الظروف الحاليه, و الظروف اللي كنا عايشيين فيها من فساد و انعدام وعي و ديمقراطيه

انا عارف ان مافيش حد هيضرب حد على ايده علشان ينتخب فلان او علان للشعب او للشورى..

انا عارف ان مافيش حد هيغصب حد او يجبره انه يرشح فلان او علان للرئاسه....

لكن السؤال ليه نعمل كل الانتخابات دي في الفتره دي و بالشكل ده..!!!!!!؟؟؟؟؟؟؟

طيب الرئيس القادم هيفضل مده رئاسيه كامله ؟؟؟ ولا لما يتعمل دستور جديد شرعيته هتسقط ؟؟؟

طيب مين يضمن ان الدستور مايتفصلش ( تااااااااااني ) على الرئيس القادم و يعطيه صلاحيات
زياده و يكمل الفتره الرئاسيه بتاعته, و ندخل تاني في مشاكل الدستور اللي ( بيتأيف ) !!؟؟؟؟

طيب مين يضمن ان مصلحة الشعب لا تتعارض مع مصلحة اعضاء مجلس الشعب و الشورى
القادمين و هما بيختاروا اعضاء اللجنه التأسيسيه لعمل دستور جديد؟؟؟ او غيره..؟؟؟؟؟؟؟

فجأه... نعم بقت زي لا... و الموافق بقى زي اللي رافض, مع فارق ان نعم تتفق مع مصالح
القوى الحاليه في مصر, و اللي ليهم التأثير الأكبر على جموع الشعب المصري...

في النهايه... نعم بقت زي لا, و الاعلان الدستوري اتعمل, و الانتخابات هتتعمل ان شاء الله
و الجاهز و المنظم و اللي محضر نفسه سياسياً احسن هو اللي هياخد اغلبية اصوات عن استحقاق

و انتخابات الرئاسه هتتم... و بردو اللي هيقبله الشعب و اللي هيقتنع بيه هو اللي هيفوز بمنصب الرئيس

ده الواقع اللي كلنا لازم نعيشه و نتعامل معاه... لكن بردو السيناريو اللي حصل كان واقع حقيقي لا يمكن انكاره
اقولك خلاصة رايي وامري لله ولو ان هنرجع تاني لاتهام قديم والناس نسيته شوية وهو التشاؤم
بص يا غازي انا شبه متيقن ان الانتخابات القادمة سواء التشريعية او الرئاسية لن تفرز الافضل وشبه متاكد ان السنوات القادمة من اصعب ما يكون
يعتقد البعض ان الثورة كانت الاصعب او ان المرحلة الحالية هي الاضعب لكن رايي ان الانتخابات وما بعدها وحتي الدورة الرئاسية والبرلمانية الجديدة هي الاصعب فعلا
و انا ضد اللي بيقول ان اللي رفض التعديلات يعترف انه كان غلطان..!!! غلطان ليييه و ازاي..؟؟؟
انا ضد اللي لسه عايش في وهم ان اللي رفض التعديلات و قال (لا) ده من العلمانيين و الملحدين
و الكلام الفارغ و الغير موضوعي و اللي بيندرج تحت مسمى (انعدام العقل)...!!!!
متفق معاك وضد السخرية ممن قالوا نعم كما حدث عند الاعلان الدستوري من كلمات قيلت في المنتدي هنا من عينة اشربوا ياللى قلتم نعم والبس يا شعب مصر وغيرها من العبارات التي تصلح لنقاش جاد
وضد اتهام من قالوا نعم بالجهل وعدم معرفة صالح البلد وانهم مسيرين من السلفيين والاخوان
واي كلام عن نعم و لا دلوقت مجرد تضييع وقت فيما ليس منه طائل واي كلام عن الاعلانالدستوري الان اصبح هو الاخر غير ذي فائدة لانه تم وانتهي العبرة فيما هو قادم وليس فيما مضي
انا ضد اللي بيقول ان اللي قال (نعم) انقذ الماده التانيه من الدستور, و ان اللي قال (لا) كان عايز يلغيها
لانه كده هيبقى بيضحك على نفسه, لان ببساطه في الحالتين الماده التانيه خط احمر و فوق الدستور
سواء رفضنا التعديلات او قبلناها, و ده الواقع بعد الاعلان الدستوري... يبقى مين اللي كان فاهم غلط ؟؟؟
ايه علاقة التعديلات اصلا بالمادة التانية
انا ضحكت فعلا على الى اوهموا انفسهم انها ستؤدي للقضاء عليها لو قالوا لا او انها ستؤدي للحفاظ عليها لو قالوا نعم لانها لم تكن محل نقاش اصلا والمهم في الدستور الجديد
ده رأي الشخصي المتواضع يا دكتور, و انا سعيد بالنقاش معاك, و لا اعنيك او اعني اي شخص بعينه بكلامي...

الله يكرمك يا استاذ غازي والسعادة ليا انا وعارف طبعا اننا انت وانا بنتكلم بشكل عام لا يقصد احدنا الاخر كشخص

المشاركة الأصلية كتبت بواسطة ahmedjumpo

و من ثم قام الدكتور محمد بأقتباس المشاركة كل شوية و ترك المشاركات التى تحمل اساءات و اكاذيب صريحة قبلها و لا اعلم ما الهدف من ذلك
انا ضد اتهام من قالوا نعم باي اتهام وضد اتهام من قالوا لا بأي اتهام وذلك حين يكون كلامهم عقلاني والهدف منه الاقناع او الوصول للحقيقة اما اي ترديد لكلام الاخرين او على راي طارق الكوبي بيست دون اي راي فهو ما ارفضه
والهدف جر شكلك انت تحديدا لانك من الناس اللى بتجبرني ابحث واشغل عقلي معاهم جدا لانك عقليتك منظمة جدا وبتحاول تثبت صحة ما تراه صحيحا بالادلة وبالعقل مش بالهيصة والصراخ
هل فقط هو صرف النظر عن النقاط التى طرحتها للنقاش و حضرته رد عليها و من وجهة نظره
لا طبعا مش الهدف صرف النظر ده تعليقي على الجملة دي في 3 سطور وردي على مشاركتك في صفحة كبيرة تقريبا
ثم رديت عليه بعقلانية حتى مع ادخاله افتراضات شخصية و خلطها بالموضوع و قمت بأثبات خطأ وجهة نظره و له حق الرد تماما
ماتقلقش مش هاسيبك بس لما يبقي زهني صافي شوية وهرد على كل حاجة انت قلتها ونحاول نوصل سوا للصح

و هل يعنى التركيز على مشاركة دون غيرها من المشاركات انه طالما كانت المشاركات التى تحمل التسفيه و التريقة و الاستهزاء و الاتهام بالكذب و تغييب العقول كانت من الفريق الذى انتمى اليه فمرحبا بها ونغمض عنها الطرف
اما عندما يقوم الطرف الاخر برد الفعل و دون توزيع الاتهامات بسؤال استنكارى فنبداء الترصد له و الهجوم عليه
سبق الرد
نقطة اخيرة لمن يدعى ان قبل الاستفتاء انه كان يعلم ان هناك اعلان دستورى و ان دستور 71 قد سقط بلا رجعة , فأنى اهديه حوار صحفى لللواء ممدوح شاهين بالمصرى اليوم بتاريخ 17/3 اى قبل الاستفتاء بـ 48 ساعة
http://www.almasry-alyoum.com/article2.aspx?articleid=290763&issueid=2077
و فيه بسؤال اللواء شاهين عن ما الخطوة المقبلة إذا ما تمت الموافقة على التعديلات؟
فكانت الاجابة
- سيتم إجراء انتخابات برلمانية ثم رئاسية، ويعود العمل بالدستور القديم وفقا لما يقرره المجلس الأعلى للقوات المسلحة بصفته هو الذى عطل الدستور، ومن حقه أن يقرر العمل بالدستور، على أن يجتمع رئيس الجمهورية ورئيسا مجلسى الشعب والشورى لصياغة دستور جديد خلال فترة محددة.
اعتقد ان الرد واضح و صريح مع ذكر المصدر لان المزيد من الكلام سيصبح جدالا لا هدف منه
حديث اللواء شاهين الذي ذكر فيه انه في كل الاحوال سيكون هناك اعلان دستوري كان في برنامج مصر النهاردة يوم 14 اي سابق على هذا الحوار
ولو تتذكر كان هناك تضارب رهيب في التصريحات بخصوص ما سيحدث بعد الاستفتاء واعتقد انكم هنا قمتم بانتقاد هذا
والرد واضح وصريح مع ذكر المصدر ولا اريد الجدال
و فى النهاية تحياتى للجميع متفق او مختلف

مردودة لك التحية باجمل منها

المشاركة الأصلية كتبت بواسطة ghazy12

والله عندك حق يا دكتور محمد... ربنا يستر علينا و على البلد الفتره اللي جايه...

حقيقي يا دكتور انت مثال للنقاش العقلاني, المهذب و المحترم...

شكراا جزيلاً, و اسعدني جدااا النقاش معاك, و لك مني كل الاحترام و التقدير

تقبــل خـــالص تحيـــاتي...

الله يكرمك يا باشمهندس محمد ده من زوقك بس والله انا الاسعد بالنقاش معك بشكل يجعل الانسان في النهاية يتفهم من يتحدث معه ويقتنع بالبعض ويقنع الاخر بالبعض دون اي مشكلةفي ان يقتنع بالراي الاخر
واتمني ان نتقابل قريبا ان شاء الله
خالص تقديري واحترامي