الفرق بين الـlcd و الـ led

**Sharky** · 31-03-2011 08:35 PM

ما هو الفرق بين الـlcd و الـ led

و ايه افضل شاشة 32 ؟

**AhMeD EzZ** · 31-03-2011 09:01 PM

الفرق في طريقة اضائة سطح الشاشة و كل led هو lcd و العكس مش صحيح ال led عامتاً افضل
الميزانية معاك كام .؟

**Eslam.Elrefaey** · 31-03-2011 09:07 PM

الليد احسن بس مش كل الليد زى بعضه والبرافيا انا شايف انه حلو جدا بس فعلا الميزانية هيا الى بتحدد

**Sharky** · 31-03-2011 09:09 PM

فى حدود 3 الاف جم

**Abdallah** · 31-03-2011 10:04 PM

Led = اضاءة احسن روزيلوشن احسن ارحة اكثر للعين عمر افتراضى اطول بالمقارنة بشاشات الكريستال السائل lcd

**Ahmed.Ali** · 31-03-2011 10:19 PM

المشاركة الأصلية كتبت بواسطة sharky

فى حدود 3 الاف جم

يبقي lcd لان الـ led اغلي من كدا

انا شايف ان سامسونج احسن حاجه في الرينج دا

**ghazy12** · 31-03-2011 10:39 PM

led أفضل من lcd عموما يا احمد و الأسباب كتييير...

- نقاء الصوره افضل
- روزوليوشن اعلى
- زاوية رؤيه افضل و اكبر من كل الجهات
- جوده اعلى

بس المشكله انه غالي فعلاً... و اظن 3000 مش كفايه
على led و 32 بوصه... هيبقى اغلى

عموماً الـlcd مش سئ, و كويس جدااا, بس الـled أفضل اكيد

انزل اتفرج في كارفور او هايبر او رضوان العجيل, و قرر يا باشا...

طبعاً مش محتاج اقولك ان السامسونج رقم واحد :))

**otefa** · 31-03-2011 10:55 PM

أضافة كمان ال ألled فيه ميزة على المدى الطويل ممكن لو لمبة led أتحرقت تبدلها لوحدها
أعتقد الlcd عمره الأفتراضي أقل ولو الشاشة باظت بتتبدل كلها أو الجهاز بيترمي علشان التكلفة بتبقى عالية

**LanCeLoT** · 31-03-2011 10:57 PM

انا نزلت و اتفرجت في كارفور اسكندريه .. لقيت حاجات كتير
وكله تقفيل مصري .. الضمان بيختلف من ماركه لماركه بس اقلهم انا فاكر كان سوني .. واكترهم كان فيليبس .. من سنه ل 5 سنين ضمان
بس الليد متوسط سعره من 4000 ل 5000
و بصراحه ان رحت احترت اكتر .. ما بقتش عارف ايه افضل الانواع .. وكله بقى الريسوليوشن واحد .. وكله فيه usb ... قلت استنى شويه احد اما يعملوا عرض ولا حاجه .. يشجع الواحد

**hamadaghfar** · 31-03-2011 10:59 PM

تلفزيون LED هو أصلاً تلفزيون الـ LCD ولكن بإضاءة خلفية مختلفة، بمعنى أن تلفزيون الـ LCD العادي يستخدم تقنية اسمها "CCFL" لإضاءة الشاشة، بينما تلفزيون الـ LED هو تلفزيون LCD يستخدم تقنية LED لإضاءة الشاشة.

نظرياً تلفزيون الـ LED أفضل وله عدة نقاط لصالحه، فتلفزيون ال سي دي بإضاءة LED يعطيك :
- سواد أفضل.
- معدل تباين أفضل.
- أحياناً سطوع ودرجات ألوان أفضل.
- يمكن تصنيع شاشات نحيفة جداً.
- زاوية مشاهدة أكبر.

نظرياً الـ LED أفضل ولكن فارق السعر قد يكون أكبر من المعقول أحياناً، ولكن إن كنت من عشاق الأحدث والأفضل والميزانية ليست بمشكلة لديك فاذهب للـ LED، أما إن كنت مهتم بالسعر فتلفزيون الـ LCD العادي ممتاز جداً وفي الغالب لن تلاحظ الفرق، ولاحظ أن أسعار تلفزيونات الـ LED في نزول مستمر مثلها مثل أي تقنية جديدة، وقريباً ستكون أسعارها مثل تلفزيونات الـ LCD العادية.

هناك نوعين من الـ LED، نوع ممتاز و نوع أقل امتياز، النوع الأفضل يعرف باسم local dimming LED وهذا النوع هو الذي يعطي السواد والتباين الأفضل ولكن سعره أعلى، وهناك edge lit LED وهذا يعطيك بعض مميزات الـ LED وليس كلها ويأتي بسعر أقل، طبعاً الشركات لن تخبرك ولكنك ستجد المعلومة بسهولة على الإنترنت عند البحث عن الموديل الذي ترغب بشراءه

الموضوع: الفرق بين الـlcd و الـ led

LinkBack

أدوات الموضوع

عرض

-

-

-

-

-

-

المواضيع المتشابهه

موضوع مخصص لشرح الفرق بين البايك العاده والفاير - الصور الشكل السعر الفرق

لخبراء السكودا ؟ الفرق بين التوب لاين وكيل وتوب لاين الخليجى؟ مع شرح الفرق

اية الفرق بين الجيتا 2009 و 2010 و هل يستاهل الفرق ؟

اية الفرق الفرق بين العزم وقوة المحرك

مساعده في شرا الـlcd

الكلمات الدلالية لهذا الموضوع

المفضلات

المفضلات

ضوابط المشاركة