مشكلة فتيس سيارة ;يا سيفيا أوتوماتك

**amohey** · 31-03-2011 09:59 PM

السلام عليكم
أرجو المساعدة من أصحاب الخبرة لدي سيارة كيا سيفيا أوتوماتك 99 سحب العربية كويس جدأً مفهوش أي مشكلة والفتيس بينقل عند ال rpm الصحيح نماماً بس ملاحظ ان فية نتشة خفيفة لما الفتيس بينقل من الأول الي الثاني وسعات بتكون رجة من الفتيس برضة في العربية بس هيا بتحصل في النقلة الأولي فقط وباقي النفلات سلسة جداً.

أرجو الأفادة ولكم الشر الجزيل.

**max_ziro** · 31-03-2011 10:05 PM

جرب غير زيت الفتيس و الفلتر بتاعة و بعون الله تطلع حاجة هايفة ..

**mabdelghany** · 03-04-2011 12:27 PM

وانا برضه بتحصل معايا نتشة بس مش بسيطة من الاول للتاني، دا غير ان السحب مش كويس برضه على الاول.
بفكر اروح لحد بتاع فتيس اوتوماتك ومحتار اروح فين.

**A.Lotfy** · 03-04-2011 01:38 PM

هيا بتاخد 3 لتر زيت ... بس هو دي نتشة طبيعية في فتيس الكيا السيفيا والسبكترا
بس ما تقرصش على الفتيس شد وكيك دوان عشان الموضوع هيتطور عن كده

**elpasha1** · 05-04-2011 03:29 AM

غير زيت وفلتر

**black_louts200** · 09-04-2011 01:00 AM

السلام عليكم ورحمة الله اولاً أحب اقولك اني اشتريت سيفيا 99 اتوماتيك من حوالي سنه ونص واتنصب عليه عند الميكانيكي ومن ساعتها وانا قررت اني اعمل كل حاجة لوحدي من غير اي ميكانيكي لدرجة اني اشتريت مفتاح الكبالن وكمان زرجينة السسته بتاع المساعدين المهم ما اطول عليك قول طول المشكله بتاعتك دي كانت عندي وكان سببها هو حساس اسمه tps وده هو اللي بيبعت الإشارة الخاصة بفتحة الهوي علشان الكمبيوتر يش بنزين اكتر ويبلغ كمبيوتر الفتيس علشان ينقل في المعدل الطبيعي
ملحوظة مهمة جدااااااااااااااااااااااا اااً
احنا معندناش فلتر في عربيتنا انما عندنا حاجه اسمها مصفة زيت ودي ممكن تغيرها كل 20000 عشرين الف كيلو