-
نار ال i10
السلام عليكم لو سمحتوا عايزة رايكم : انا الى الان مستقرة على ال i10 وعجبانى عشان مساحتها الداخلية الاكبر من البيكانتو بس خوفى كله من اسعار قطع غيارها دى غالية جدا يعنى سعر الفوانيس الخلفية والامامية والمرايات الجانبية صعب جدا مش معقول خاااااااااااااااااااااااا ااااااااالص وكمان بسمع ان فى حاجات ممكن تكون مش موجودة فى التوكيل مع العلم ان غبور محتكر قطع غيارها واكلم اى حد عنها من اصحاب المعارض يقولوا ابعدى عنها عشان الاسباب دى وكمان عشان وكيلها غبور .. بس ازاى تبقى هيونداى اشترت كيا وتبقى مهتمة بكيا اكتر من هيونداى انا مش فاهمه ارجوكوا ساعدنى فى قرارى وشكرااااااااااااااااااااا اااا
-
و عليكم السلام ورحمة الله وبركاته
حضرتك العربيتين واحد يعتبروا في التقنيه والكماليات واحد اللي يفرق فقط هو الشكل الخارجي و الأتساع الطفيف المحسوب لل I10
أما غير لك فليس هناك فرق جوهري
أما أسعر قطع الغيار ممكن حضرتك تتصلي بالتوكيلين وتسألي عليهم وفيه موضوعين لأسعار قطع الغيار ممكن تطلعي عليه
http://www.nilemotors.net/Nile/69042-i10.html
http://www.nilemotors.net/Nile/69223-i10.html
وحضرتك قرري وشوفي أسعر قطع الغيار مناسبه أم لا
بالنسبه للبيكانتو أنا معنديش علم بأسعار قطع الغيار
أما بالنسبه للتوكيل فأنا أكاد أجزم و أتحدي أن توكيل كيا يكون في نفس مستواه أو خدمه ما بعد البيع خلال فترة الضمان حتي الآن لم اشتكي
وبيغيرلي حاجات كتير غاليه جدا علي حساب الضمان مع أنها مبتكنش وصلت لدرجة التلف
غبور جيد جدا من خلال التعامل في 3 عربيات أنا شخصيا شايفه توكيل محترم حتي الآن
وهذا لا يقلل من شأن توكيل كيا لكن هناك اعضاء أشتكوا من أن الضمان لا يسري علي كافة أجزاء السياره علي عكس غبور
ونأتي لنقطه أخري أن أنا ملاحظ تفاوت أسعار السيارتين ال I10 أغلي بكتير من البيكانتو
البيكانتو علي ما أتذكر تبدأ من62 الي 73 أما ال I10 تبدأ من 66500 الي 7500
و الأختيار لحضرتك العربيتين حلويين جدا بالنسبه للفئه لكن الأسعار حضرتك اللي تقرري حسب الميزانيه
-
شكرا استاذ حسام انا فعلا حاولت استفسر على اسعار كيا واتصلت بالتوكيل وكان الرد انى اتصل بمركز صيانة ابو رواش ولا حياة لمن تنادى فى انهم يردوا وكمان بالنسبة للتوكيل انا عايزة استفسر من حضرتك على حاجة و اعذرنى لانى جديدة فى موضوع السواقة والعربيات ضمان هيونداى 3سنين او 100000كم المفروض اختار اى نوع من الضمان كمان اذا حصل اى حاجة للعربية فى فترة الضمان انا مش بدفع ثمن الحاجة الى حتتصلح لانى عارفة ان فى الصيانه الدورية فى فترة الضمان بدفع مصنعية ..ياريت حضرتك توضحلى النقطة دى .. وبالنسبة لسعر الهيونداى انا ناوية ان شااااااااااااااء الله اجيب الشكل القديم هاف اوبشن ودة عامل 63 الف والجديد هو اللى عامل 66 الف بس الشكل القديم مقارنة بالبيكانتو ومقارنة بامكانياته يستحق الفلوس طبعا لكن البيكانتو ب63 الف تعتبر فاضية ... وشكرا لحضرتك واسفة انى طولت علييييك
-
فى حاجة عايزة اضيفها البيكانتو الشكل الجديد نازل فى 2012 يعنى لو جبت بيكانتو دلوقتى مع الاختلاف فى شكلها الجديد بتاع 2012 اكيد دة هياثر على سعر اعادة البيع ..صح؟ وهو ممكن مع الوقت سعر قطع غيار الهيونداى يقل ..وشكرا
-
أولا لا شكر علي واجب
أنا شايف أن حضرتك أستقريتي علي الهيونداي i10 كده تمام بالسعر المذكور
بالنسبه لنقطه الضمان هو الضمان يسري بواقع 3 سنوات ___أو___ 100000 كيلومتر أيهما أقرب يعني ال3 سنوات تتم قبل ال100000 ينتهي الضمان أو ال100000 تتم قبل ال 3 سنوات ينتهي الضمان
بالنسبه لتلف أي جزء خلال فترة الضمان يتم أستبداله دون دفع اي شئ ممكن يكون فيه ضريبه أو رسوم بسيطه
أما بالنسبه للصيانه الدوريه فيتم دفع تكاليف الصيانه والمصنعيات و في أغلب الأوقات بيتم خصم نسبه اذا كانت الصيانه خلال الضمان
وموضوع سعر قطع الغيار هو مقبول الي حد ما وهو مش مرتفع جدا لكن أن قطع الغيار ترخص صعبه شويه هو ممكن يكون فيه خصومات وعروض
وبالنسبه للبيكانتو أكيد لو الشكل الجديد نزل سيؤثر علي سعر اعاده البيع
و الله الموفق
-
بجد يا استاذ حسام مش عارفة اشكرك ازاى ..بس اسمحلى استغل خبرة حضرتك شوية .واعرف هى كل موديلات ال i10 نازلة بفرامل abs .. ولالا ..عشان الشكل القديم لما شفته فى معرض الراجل قال انه فيها لكن ببص على النت لقيت كلام تانى ..وشكراااااااااااااااااااا ااااااااااااااااااااااااا
-
بالنسبه لموضوع abs أنا معرفش لاكن ممكن حضرتك تتأكدي من لمبة التابلوه قبل الدواره هتلاقي لمبه حمرا مكتوب فيها abs
و مبروك مقدما.... وفي أنتظار تقرير مصور عن العربيه إن شاء الله ,
-
ان شاء الله هرفع صورها اول ما اجيبها وشكرااااااااااااااااااااا ااااااااااااااااااااااااا ااااا جدا لحضرتك .. بس فعلا نقطة فرامل abs عايزة اتاكد انها موجودة فى كل فئات ال i10
-
ايه الارقام اللى فى التوكيل اتصلتى بيها ومردتش عليكى وعايزة عرفى منهم ايه
توكيل كيا كويس فى القطامية وابو رواش
لكن طبعا ابتدى يزحم
قطع غيار البيكانتو ارخص من الهيونداى I10
وممكن تلاقى محلات برة التوكيل بتبعها
وهتلاقى فى الموضوع ده مقارنة شاملة عنهم http://www.nilemotors.net/Nile/187588-10.html
واى سؤال عن البيكانتو انا موجود
-
شكرا استاذ سعد انا كلمت فرع ابو رواش عشان اسال عن قطع الغيار اكتر من مرة ومحدش رد عليه وانا معاك ان قطع غيار الهيونداى اغلى بس فى حاجة ليه اشترى بيكانتو فاضية ب 63 وانا ممكن اشترى الهيونداى موديل قديم بنفس السعر كمالياته جامدة وكمان البيكانتو الشكل الجديد هينزل فى 2012 فبالتالى سعر اعادة البيع هيبقى ضعيف كمان فرامل i10 احسن ..بس مش عارفة حاجة عن فرامل البيكانتو .. بصراحة انا واحدة عايزة تجيب عربية وتعيش معاها ..اكيد مش هساااافر بيها .بس مشاويرى جوة المدينه ..ارجوكم..افيدونى
Content Relevant URLs by
vBSEO 3.6.0 PL2