-
مين يقدر يساعد ام كريم
ام كريم ست غلبانة عبارة عن كتلة من المشاكل
اولا هي ارملة لاردني الجنسية ومعاها بنت في ثانية اعدادي وولد خامسة ابتدائي
عايشة في حجرة بحمام مشترك مع الجيران
مريضة بالسكر وعندها مشكلة في ركبتها مش بتقدر تمشي كويس
انا مش طالبة لها مساعدات مادية
انا عايزة اللي يقدر يساعدها في نقطتين
الاولى تشترك في التامين الصحي لانها بتروح القصر العيني وبالنسبة لها المشوار متعب عشان رجلها ومكلف لانها بتاخد اكتر من مواصلة
هي بتقول حاولت تعمل بطاقة للتأمين الصحي والموظفين قالوا لها مينفعش لانها كانت متزوجة اردني
بس مش مقتنعة بالكلام ده لانها هي مصرية
والمشكلة الثانية اصعب ومعقدة اكتر وهي مشكلة الجنسية لاولادها .. هي حاولت في السفارة بتاعتهم بس معرفتش تعمل حاجة
مفيش طريقة تخليهم ياخدوا الجنسية المصرية ؟..ياريت اللي يقدر يساعدها ميتأخرش غلبانة بجد وكله بثوابه
-
ربنا يجازيكي ياأم محمد
أنا قولت مالها أم كريم ..
يريتني أقدر أساعد في أي ناحية من الإتنين .. شوفي د.أحمدعبدالغني أو د.ضحى يمكن يقدروا يساعدو في موضوع التأمين الصحي
-
لازم تروح تسال في الهيئه العامه للتامين الصحي في شارع الالفي هو الموضوع سهل ومحتاج شويه اجرائات هي لازم تجيب استمارة 111 وتقدمها وبعدين تروح للكشف الطبي وبعدين تقدمها للتامين الصحي اعتقد دا علي قد علمي
-
موضوع الجنسيه المصريه لأم مصريه وأب غير مصرى
متاح من حوالى سنه دلوقتى
بتقدم طلب عادى
وكل كام شهر بيتم بحث الطلبات والموافقه على الجنسيه
زمان كان محاكم ودوشه
دلوقتى خلاص مفيهوش مشكله بإذن الله
وأى زميل محامى ممكن يقولنا على الإجراءات
Content Relevant URLs by
vBSEO 3.6.0 PL2