الموضوع: استفسار عن ساجا 2011 في مصر

المشاركة الأصلية كتبت بواسطة Abdelrahman.H

أهلا بحضرتك معانا في نايل موتورز


ال Proton SAGA FL حتنزل مصر السنه الجايه إن شاء الله يعني موديل 2012 وده لأن إلى الآن لم يتم إنتاجها بدركسيون شمال ....


مش ممنوع إنك تحط لينكات خارجيه إلا لو كانت لينكات لمواقع ومنتديات منافسه أو لينكات بغرض الإعلان

شكرا يا استاذ عبد الرحمن علي التوضيح

و ما شاء الله لا قوة الا بالله علي الصورة الي حاطتها في توقيعك

المشاركة الأصلية كتبت بواسطة powerofhelll

للاسف الموديل ده لسه منزلش مصر
و اسعار قطع الغيار مش مبالغ فيها عاديه مش رخيصه و فيه بدائل لو عايز و عربيه محترمه جدا

اكون شاكر فضلك لو وضحتلي البدائل الحقيقة انا معجب جدا بالبروتون و جاري حاليا محاولة تجميع شوية فلوس كمان لاني الجين 2 و البيرسونا جننوني خلاص و بدات اقرا موضوعات في المنتدي عنهم

المشاركة الأصلية كتبت بواسطة wassim_nasser

أستاذ أحمد زي مالإخوة قالولك كده .. انا برضه كنت محتار حيرتك و يمكن أكتر بين الساجا واللوجان وبرضه خدت بالي من الساجا فيس ليفت دي و هى جامدة .. خلينى بس الخصلك حوار الحيرة دي .. العربيتين جامدين بالنسبه لسعرهم بس لاحظ كمان ان اي عربية بالسعر ده وارد جدا يكون فيها عيوب تستاهل الرجوع للتوكيل (إن كانت الساجا أو اللوجان) .. فى الحالة دي يبقى تختار العربية اللي صيانتها أقربلك وأسهلك يعنى انا الموضوع إتحسم بالنسبالي علي اللوجان عشان انا عايش فى سوهاج وبروتون مالهاش مراكز صيانة فى الصعيد انما رينو لها فرع صيانة ف اسيوط و هايفتحوا مركز صيانة معتمد فى سوهاج قريب .. أما لو حضرتك عايش فى القاهرة او الاسكندرية يبقى توكل علي الله ودوس فى الساجا العربية تكسب اللوجان لأنها اغلي 2000ج بس اوتوماتيك وثباتها بشهادة ملاكها كويس وفي الاول وفى الاخر علي رأي محمد بيه سعيد (الأستاذ ميمى) أركب دي واركب دي واللي تعجبك خلص فيها ع طول .. ربنا يوفقك والف مبروك مقدما

شكرا يا وسيم علي ردك انا فعلا ناوي انزل قريب معرض سيارات او توكيل البروتون علشان اشوف كل موديلات البروتون

المشاركة الأصلية كتبت بواسطة mememsaid

اهلا بيك معانا ياحمد زميل عزيز في المنتدي وعفبال ما نهنيك علي انضمامك معانا في بروتون
انا هاحاول ارد علي كل نقطه انت سالت عليها ويارب مانساش حاجه ولو نسيت انا تحت امرك في اي استفسار
اولا اختيارك للعربيتن دول هما افضل اختيار في الفئه السعريه ديه
العربيتين حلوين وممتازين في الثبات والقوه مع ان الساجا تكسب في السحب وقوه الماتور مع انها 1300 واللوجان 1600
والساجا فيها ميزه عن الوجان انها فيها اوتوماتيك اللي مش ممكن الواحد يستغني عنه وخصوصا لو كنت من سكان القهره وهي افضل عربيه اوتوماتيك في راي في الفئه بتاعتها وخصوصا ان الفتيس الاوتو اللي فيها ماتسوبيشي فاطبعا افضل من اي فتيس موجود في اي عربيه كوري
اما بقي لو انت من بره القاهره فاسال الاول علي مراكز الصيانه هل موجود مركز معتمد عندك ولا لا
اما بخصوص الشكاوي من التوكيل فا فيه اختراع اسمه مركز عصام وصفا وده حل مشكله التاخير في التوكيل والناس اللي فيه ناس فاهمه ومتعاونه لابعد الحدود اما لو فيه حاجه بايظه في العربيه فا التوكيل بيغيرهالك عكس توكيلات تانيه كتيييير بيفكر يلبسها للعميل الاول ازاي بس بيتاخر شويه عبال ما يغيرها بس مش التاخير اللي بيه تبقي العربيه واقفه لا بتبقي شغاله ولما بتبجي قطعه الغيار بيغيرهالك
اما قطع الغيار هي فعلا غاليه شويه وده بسبب ان العربيه مش منتشره اوي بس ماينفعش نبقي في منتدي فيه ناس عباقره وميكنش ليها حل فا البدايل الارخص كتير وكمان اصليه فا لو انت مهتم هتلاقي مواضيع كتير عن البدايل عن الساجا
نيجي بقي لموضوع الساجا الجديده
طبعا شكلها تحفه والاوبشن اللي فيها اكتر بكتير من القديمه بس لسه مانزلتش مصر وهتنزل السنه الجايه ان شاء الله بس لو بصتلها بالعقل كدا ماتعقدش ان كل الاوبش الجديده ديه هتنزل ببلاش اكيد هتفرق في الفلوس كتيييييييييييير بس الاساسيات زي ماهي
اخيرا بقي عشان انا فعلا طولت عليك راي لو من سكان القاهره اتكل علي الله وبعد الاستخاره استفيد بالسعر القديم عشان ماتعرفش الجديده ديه هتنزل بكام وركز علي الاوتوماتيك
ولو فيه اي حاجه عايز تسال عليها انا في الانتظار

انا مش عارف اشكرك ازاي علي ردك الوافي الشافي جزاك الله خيرا و وفقك للخير

بعد كتر تفكير شايف اني اللبروتون تكسب خصوصا فعلا انها اوتوماتك خصوصا زي ما قلت اني من سكان القاهرة و الزحمة متعبة جدا

بعد اذنك انا عندي استفسار بخصوص البيرسونا لاني بحاول اليومين دول اجمع مبلغ من الفلوس و في حالة ربنا يسر الحال و قدرت اشتري البيرسونا هاتوكل علي الله لاني برده معجب بيها جدا

هي البيرسونا 2011 في مصر اللي هي الاليجانس اللي فيها ABS و EBD ولا زي الساجا لما نزلت في مصر 2011 بس بنفس مواصفات 2010