متى اقوم بعمل رجلاش للفرامل مع العلم انى غيرت تيل وطنابير للفرامل الاماميه والخليفه من شهر يناير 2011
وما فائده عمل الرجلاش
عرض للطباعة
متى اقوم بعمل رجلاش للفرامل مع العلم انى غيرت تيل وطنابير للفرامل الاماميه والخليفه من شهر يناير 2011
وما فائده عمل الرجلاش
تعمل رجلاش لما تلاقي بدال الفرامل ابتدي يوطي معاك او فرامل اليد ابتدت تعلي معاك ولية عدة فوائد
1- يزود عمر التيل الأمامي لأن تحميل الفرامل بيتوزع علي التيل الامامي و الخلفي
2- يحسن اداء الفرامل وخصوصا لما تيجي تهدي - اي ساتجابة الفرامل بتكون اسرع كتير-
3- يزود قوة الفرامل و يخلي العربية تقف في مسافات اقصر
و عدم عملة هيسبب عكس الفوائد المذكورة
ما هي عدد التكات المثاليه في فرمله اليد؟
من 4 الى 5
اقتباس:
المشاركة الأصلية كتبت بواسطة moko_2004
انا حصل عندى من اسبوع فرامل اليد بقيت خفيفة مية وبتترفع لحد فوق خالص
وفا كدة اكيد عايزة رجلاش ازاى اعملة بنفسى
متابع باهتمام
مينفعش تعمل رجلاش بنفسك دي عملية محتاجة ميكانيكي و اوقات بتحتاج مخرطة لأن لو غلطت مش هتعرف تركب الطنبورة تاني
بتتم كالتالي
1- ترفع العربية و بتفك العجل الخلفي
2- بتفك المسمار اللي بيمسك الطنبورة
3- بعد ما تفك الطنبورة بتشوف هل ليها شفة ولا لأة لو ليها تبعتها المخرطة تتخرط ويتشال الشفة
4- تبدأ تغير مسمار الرجلاش و تشد السوست بحيث تقريب التيل للطنابير علي اقصي ما تقدر
5- تقفل الطنبورة مكانها و تركب مسمار الطنبورة
6- تركب عجل العربية وتنقل علي الجنب التاني و تكرر العملية
مما ذكر اظن صعب انك تعمل الموضوع ده بأيدك و لكن هو مهم
سؤال ممكن حد يسالة مفيش حل لموضوع الرجلاش دة مش ممكن اجيب حاجة او نوع فرامل تاني يريجني؟
و الأجابة ينفع أنك تغير الصرة الخلفية لصرة بفرامل سكاكين واعتقد في موضوع هنا للأستاذ عصام غنايم فية شرح بالصور للقصة دي و التعديل و التكلفة
تسلم يابشا على الرد الجميلاقتباس:
المشاركة الأصلية كتبت بواسطة moko_2004
انتهى عصر متابع باهتمام فبعد 25 يناير يجب ان نفيد ونستفاد مش الرد يكون متابعاقتباس:
المشاركة الأصلية كتبت بواسطة basm
روحت عملت رجلاش للفرامل عن طريق العجلتين اللى ورا وفعلاً الميكانيكى عمل اللى اتقال فعلا بالحرف الواحد وقصر سن القلووظ اللى داخل الطنابير الخلفية
وفعلا زراع فرامل اليد قصرت مسافته
والفرامل بتاعة الرجل اترفعت لفوق وبقت اكتر استجابة بنسبة 100% فى التهدئة والوقوف المفاجيء
بس فى حاجة غريبة حصلت معايا بشكل شخصى
بعد ما استلمت العربية روحت ع البيت ما اخدتش بالى من صوت الضوضاء اللى فى الشارع بصوت احتكاك فى العجلة الخلفية اللى ورايا
صوت كأنه جسم غريب بيحك فى مكان ما فى العجلة الشمال لان الصوت متناسب مع سرعه القيادة
كأنه حديد فى حديد
روحت للمكيانيكى تانى بعد ما كنت وصلت البيت
فك تااااانى العجلتين واشتغل من الاول تاااااانى والصوت راح
بس مش عارف كان ايه الصوت ده وعمل ايه الميكانيكى مش عارف
واستلمتها تمام وزى الفل
ايه التوقعات فى هذا العيب وشكراً
م/خالد
هتلاقية مركبش مسمار الطنبورة كويس او عوجة فكان بيحك مع طرف الخزنة فيعمل الصوت دة وهو فكه وركبة صح الدنيا بقت فل
اطمن ومبروك علية اداء الفرامل