دواسه الدبرياج نزلت لاسفل ولم ترجع اوتوماتك ... وكان الطريق زحمه
اضطريت للارجاعها بطرف رجلى وهذا حدث اكثر من مره
بصيت على ماستر الدبرياج السقلى لقيته سليم ...... ياترى المشكله ده من ايه
عرض للطباعة
دواسه الدبرياج نزلت لاسفل ولم ترجع اوتوماتك ... وكان الطريق زحمه
اضطريت للارجاعها بطرف رجلى وهذا حدث اكثر من مره
بصيت على ماستر الدبرياج السقلى لقيته سليم ...... ياترى المشكله ده من ايه
مستر الدبرياج العلوي باظ ويجب تغييره في اسرع وقت
هل ماستر الدبرياج العلوى ممكن يخلى الغيارات ثقيله
ومكانه فين ......او ان امكن صوره له وثمنه كام
متابع
فك قربة المية حتلاقيه تحت منها
السعر حوالى 100 جنية
اتاكد قبل الشراء ان المشكلة مش فى الخرطوم الكاوتش اللى بين الماستر العلوى و السفلى
MMamdouh
انا قصدى ان من ضمن اسباب المشكلة ممكن يكون الخرطوم... بص علية قبل ما تشترى ماستر ب100 جنية و تكتشف ان الماستر بتاعك سليم
كقم الاصلاح بيبقى عبارة عن الكاوتش الداخلى اللى بيركب على البساتم اللى جوة الماستر... و على فكرة دة فاشل جدا جدا
عشان تتاكد فين المشكلة حتعمل الاتى:
حتشيل الغطاء الكاوتش بتاع الماستر التختانى... لو لقيت اى اثار لزيت باكم تحت الغطاء يبقى الماستر التحتانى تالف
دور العربية و حط اولانى و خلليك دايس دبرياج... لو بعد شوية (30 ثانية الى دقيقة) لقيت العربية بتعشق لوحدها و بتمشى يبقى فيه تسريب لزيت الهيدروليك و غالبا حيبقى من الخرطوم الكاوتش
بص على العامود اللى رابط دواسة الدبرياج بماستر الدبرياج لو علية زيت ببقى الماستر العلوى مفوت
MMamdouh
جبت من الاخر يا ابو يوسف ودي صورته بعد فك القربة
http://i827.photobucket.com/albums/z...2042011010.jpg
حصلت معايا مرة ثانيه لقت الدواسه نزلت لتحت واقعداضغط عليها برجلى لحدماترجع وفى احد ى المرات لقيت الدواسه محجره فى النص ومش عايزه تتحرك
روحت لميكانيكى قلى هى مهربه كبس زيت وغيرناماستر الدبرياج
يعنى ايه مهربه كبس
انا الموضوع ده حصل معايا في سيارتي اللانوس القديمة حوالي اربع مرات خلال اسبوع و بعد كده بدون اي مقدمات و انا واقف في اشارة جيت اطلع لقيتها قطعت خالص و مش بتمشي و قطرتها الي الميكانيكي لقاها قاطعة اسطوانة و ديسك تماما و غيرتهم . مش عارف هل العيب ده له علاقة بالاسطوانة و الديسك و قرب انتهاء عمرهم الافتراضي و لا لا؟