أخبار تهم جميع الصيادلة .. (برجاء الانتباه)
مساء الخير علي السادة الأفاضل أعضاء منتدانا الجميل نايل موتورز .. الموضوعات اللي هانقولها هنا تهم جميع الصيادلة وأكيد معظمنا سمع عنها بس برضه انا هانقلها عشان الصيادلة اللي ماعرفوش يعرفوا وده لعموم الفائده من منطلق فى الإعادة إفادة
*أول موضوع بخصوص الحد الأدنى لمساحة الصيدلية وده وصلنى عنه مسج من نقابة الصيادلة انهم قدروا يرجعوا الحد الأدنى المسموح به لمساحة الصيدلية ل 25 متر بعد ماكان أصبح 40 متر .. وده طبعا فايدة كبيرة جدا وخصوصا ان فيه ناس كتير كانوا مقدمين ورق ترخيص صيدلية وكانوا منتظرين المعاينة وراحت عليهم بسبب القانون ده
*تانى موضوع هانتكلم فيه و هو الإقرار الضريبى للصيدلية وده حصل فيه بعض التعديلات هاسردها حالا عشان كلنا نعرفها :
قامت نقابه الصيادلة بتشكيل لجنة التقت مع السيد رئيس مصلحة الضرائب العامة وتم الإتفاق علي أن ماتم التوقيع عليه من بعض ممثلي النقابات الفرعية لايلزم صيادلة مصر .. وتعلن النقابه انها متمسكة بالإتفاقية التي تم توقيعها مع مصلحة الضرائب والصادر بها تعليمات تنفيذية رقم 58 بند 181 لسنة 2005
-كيف تكتب الإقرار الضريبى؟
*الاقرار الذي سوف يقدم هو نموذج 27 إقرارات منشآت صغيرة وصيادلة فئة (أ)
*يرجى من السادة الصيادلة محو العبارة التالية بالكوريكتور (كما يعد تقديم الصيدلى لإقراره الضريبى علي هذا النموذج بمثابة موافقة علي اسس المحاسبة الواردة بالإتفاقية) و تلك العبارة بالصفحة الاولى رقم 101
*أمام جملة الأوعية الخاضعة ومقدار الضريبة المستحقة يتم كتابة الجملة التالية (الاقرار مقدم طبقا للتعليمات التنفيذية رقم 58 بند 181 لسنة 2005
-أولا تحديد رقم الأعمال (وده الرقم اللي بعت بيه طول السنة) :
أ - رقم أعمال الأدوية والبان الاطفال عن طريق شهادات من الشركات المنتجه أو الموزعة أو عن طريق حصر فواتير الشراء أرقام فقط وليس تقديم مستندات (يعنى نكتب فى الاقرار الاجمالي اللي بعنا بيه مش ضرورى تقديم فواتير)
ب - أدوات التجميل والمستلزمات الطبية والمبيدات الحشرية والاكسسوارات يتم تحديدها بحد أقصى 10% من البند (أ) طبقا لكل ملف علي حدة وحسب التقديرات السابقة
ج - الأصناف الأخري (لعب أطفال أو اجهزة رياضية) يتم تحديدها حسب سير الملف فى السنوات السابقة (يعنى زي ماكنت بتتحاسب من 2005 هاتستمر زي مانت)
* يتم جمع الرقم الناتج من البنود (أ) و (ب) و (ج) فيتكون رقم الأعمال (رقم البيع الاجمالي وليس صافى الربح)
ثانيا - تحديد مجمل الربح (وده برضه مش صافى الربح) :
أ - الأدوية والألبان صافى ربح 15.19 %
ب-ادوات التجميل والمستلزمات الطبية والمبيدات الحشرية صافى ربح 16% (يعنى ستاشر ف المية من سعر الجمهور يعنى مثلا علبه الراجون اللي ب 6 جنيه مكسب الصيدلي فيها 96 قرش)
ج-الاصناف الأخرى 20%
ثالثا المصروفات :
أ - المصروفات المستندية (اللي لها مستند أو دليل) وتشمل الايجار والنور والمياه والتليفون يتم الاحتفاظ بها لحين تقديمها عند المحاسبة (ودي نسبتها 1.5%)
ب - مصروفات اجور ومرتبات وتكاليف العمالة طبقا لبيان تفصيلي يوضح العمالة المتفرغة وغير المتفرغة و نوع العمل (وظيفة العامل فى الصيدلية) والوقت (مدة العمل) ويتم سداد ضريبة كسب بنسبه 4.5% من مرتب العامل
ج - المصروفات الغير مستندية مثل ورق اللف والادوات الكتابية والنثريات بحد أقصى 1.5%
ملحوظة : يتم كتابه هذه المصروفات كما هى فى الحقيقة ثم يؤخذ منها 7.5% من مجمل رقم الأعمال سابق الذكر
د - مصروفات التأسيس للصيدليات الجديدة و مصروفات التجديد للصيدليات التي مر عليها اكثر من 10سنوات من التأسيس أو التجديد تكون مؤيدة بمستندات و تستهلك علي 5 سنوات تحت بند إجمالي مصروفات
رابعا تحديد صافى ربح الصيدلية :
يتم جمع المصروفات وطرحها من اجمالي الربح ينتج صافي الربح
خامسا خصم التبرعات :
تخصم التبرعات للجهات الحكومية بدون حد أقصى وتخصم التبرعات للجهات الخيرية بحد أقصى 10% من الوعاء الخاضع للضريبة
سادسا الايرادات الاخرى (ده للصيادلة اللي لهم مصدر دخل تانى غير الصيدلية زي مرتب من شركة أو عمارة بيأجر شققها) :
إذا كان لديك إيرادات اخري مثل المرتبات والمكافآت عن أي نشاط أخر يكتب الصافي الخاضع للضريبة أمام البند 101
سابعا الثروة العقارية
إذا كان لديك إيرادات من الثروة العقارية الخاصة بإيجار الوحدات المفروشة أو الوحدات ذات الايجار المحدد المدة يتم احتسابها بتحديد قيمة الايجار السنوى و يطرح منه 50% مصروفات و يكتب الصافى أمام البند 104
بجمع صافي الدخل من الصيدلية والمرتبات والثروة العقارية (إن وجدت) يكتب الناتج امام البند 105
يخصم مبلغ 5000جنيه شريحة معفاه أمام البند 106
يتم تحديد الوعاء الخاضع لضريبة البند 105 مطروح منه بند 106
ثامنا كيفية الحساب الضريبى
-شريحة 15000 الاولى 10%
-شريحة 20000 الثانية 15%
-مازاد علي ذلك 20%
يخصم من الضريبة :
أ - الضرائب المسددة بالزيادة بند 111
ب- المبالغ المسددة بنظام الخصم والاضافة بند 113
ج- الضرائب المستقطعة تحت حساب ضريبة المرتبات بند 116
صافي الضريبة يكتب أمام بند 119
*يمكن تقسيط الضريبة المستحقة علي 3 دفعات بدون فوائد حتى تاريخ 30/6/2011
