مساعده فى الطفاية وشنطة الاسعافات والمثلث

ازيكم ياجماعة..ياريت ياجماعة محدش يبخل عليا فى الرد لانى بجد محتاج المساعده

دلوقتى انا عايز اجيب طفاية وشنطة اسعافات ومثلث عشان مش عندى
فناس بتقولى اشترى دلوقتى وناس بتقولى استنى عند تجديد الرخصة شهر 7 واشتريهم من المرور اضمن..فمش عارف اصدق مين؟؟

- وكمان انا مش عارف اشترى الطفاية منين وبكام وكام كيلو؟؟ولما اشتريها ابص على ايه؟؟

- وشنطة الاسعافات اجيبها بكام ومنين؟؟وتكون قانونية وابص على ايه وانا بجبها؟؟ولو بتتكون هتكون ارخص؟؟وايه هى موادها؟؟

- والمثلث انا شفت اسعار ليها من اول 5 جنيه وانت طالع ومش عارف اجيب منين القانونى وبكام؟؟

عربيتى اكسيل 1500 سى سى مو 96

مستنى الرد والمساعده لان الايام دى التفتيش على الحاجات دى فشبرا عندنا رخم اوى

المثلث والاسعافات جبتهم ب55 جنيه من المرور والاهم الوصل بتاع التجديد الي بتاخده الطفاية كانت ب120 ممكن تروح تشتريهم من المرور في اي وقت من اي منفذ لبيعهم وبتاخد وصل بالحاجة الي اشتريتها ياريت تحتفظ بيه لحين التجديد وبكدة انت هتنتفع بيهم من دلوقتي وساعة التجديد

مين ده اللى بيفتش على الشنطة و المثلث

الطقايه ممكن تجيبها من وكيل بفاريه فى عماد الدين كنا شرينها 90 جنيه

اخر حاجة اعرفها انهم بيبصوا على الطفاية فقط لا غير

استنى التجديد احست

مع ان رأيي تستني التجديد بس لو مضطر يبقي مممكن تجيب الطفايه من البفاريه ارخص او من اي مرور هتلاقي فيه منافذ بيع الطفايه كنت لسه جايبها ب120 شاملة السلطات والمثلث والشنطة ب55

اشكركم اخواتى على الرد واهتمامكم بموضوعى
هى الطفاية بتبقى 1 كيلو؟؟ وابص على تار يخ انتاجها؟؟
وبتاعت البافارية معتمده زى بتاعت المرور ولا هيرخموا عليا وقت التجديد؟؟

انا اشتريت الطفاية من المرور وان برخص تقريبا بنفس سعرها برها ومحدش بيسال على شنطة ولا مثلث وانت بترخص

انتنا لسا عايش وهم المثلث وشنطه الاسعافات انتهي هذا العصر يا اخي مصر قبل 25 يناير غير بعد25 يناير

اشكركم اخواتى على الرد والاهتمام

اقتباس:

---

انتنا لسا عايش وهم المثلث وشنطه الاسعافات انتهي هذا العصر يا اخي مصر قبل 25 يناير غير بعد25 يناير

---

اعمل ايه بس..انا خايف لا تتاخد مخالفة وانا مش حمل مصاريف اطلاقا الفترة دى وخصوصا ان التجديد عندى شهر 7 الجاى

انا متابع معاك

لاني استخدمت حاجات كتير من شنطة الاسعافات فعلا في حادثة وقفت فيها

فهل اجددها ولا استني الترخيص؟؟؟

بس بصراحة

القطن والشاش نفعوا كتير علي الاقل في اننا كنا بنوقف نزيف المصاب

انا شايف انهم مفيدين ياجماعه

اقتباس:

---

انا شايف انهم مفيدين ياجماعه

---

انا من راى حضرتك فعلا

اقتباس:

---

المشاركة الأصلية كتبت بواسطة moustafa_saad

انا شايف انهم مفيدين ياجماعه

---

بالتاكيد مفيدين

بس مش زي بتوع المرور ماكانوا بيموهموا الناس والكلام الفاضي بتاعهم

المفروض شنطة الاسعافات تكون في كل بيت وفي كل عربية

والله انا شالت عليها فى المرور وانا برخص وقلتلهم عاوز اشتريها وهما اللى مريديوش وقالوللى ان الملاكى ماليهوش شنطه ومثلث
طبعا الكلام ده عندنا فى دمنهور

انا من سنة بالظبط جبتهم من المرور رغم اني مكنش عندي تجديد ولا حاجه
جبتهم لان الواحد بعيد الشر عننا كلنا ممكن يظطر ليهم
وحصل اني استخدمت الاسعافات
وطبعا كل الادوات اللي استخدمتها اشتريت زيها تاني عشان تفضل علبة الاسعافات كامله وبالعكس زودت حاجات مش موجوده فيها
اهمها البنج الموضعي ومادة معقمة....

وجودهم اساسي مش لازم القانون يعلمنا الصح والغلط

تحياتي

وانا برضه سألت عليها فى مرور المنصورة وهم قالوا مش موجود

باشا اشتري كل حاجة من المرور و ريح دماغك .