الموضوع: هام بخصوص جمارك السيارات

انصحك تجيب نيسان صني جديده
عليها عرض حلو اوي
تدفع نص تمنها بالقسط و تمشي بيها 3 سنين
و لو عايزها ليك خالص ممكن بعد ال 3 سنين تدفع باقي تمنها

هي جديده اصلا ب 37 الف ريال و عربيه محترمه جدا جدا جدا
و عشان الصيف و جو السعوديه اللطيف بزياده التكيف بتاعها روعه و من اقوى التكيفات الي شوفتها و مابيأثرش ع الماتور

المشاركة الأصلية كتبت بواسطة saadelden

انصحك تجيب نيسان صني جديده
عليها عرض حلو اوي
تدفع نص تمنها بالقسط و تمشي بيها 3 سنين
و لو عايزها ليك خالص ممكن بعد ال 3 سنين تدفع باقي تمنها

هي جديده اصلا ب 37 الف ريال و عربيه محترمه جدا جدا جدا
و عشان الصيف و جو السعوديه اللطيف بزياده التكيف بتاعها روعه و من اقوى التكيفات الي شوفتها و مابيأثرش ع الماتور

شكرا يا باشا على المعلومة
بس افتكر انه لو دفعت نص القسط بعد 3 سنين حترجع لهم العربية صح؟
يعنى كانى دافع 19 الف ريال غير مستردة
او كانى اشتريت العربية ب 37 الف و بعتها ب 19 الف بعد 3 سنين

بس انا لسة فى اول الطريق و محتاج احوش كل مليم للجواز و لظروف الحياة

المشاركة الأصلية كتبت بواسطة mahmoudselim

شوفلك عربية مستعملة حالتها كويسة وقضي بيها غرضك لحد ما ربنا يفتحها عليك وهاتلك عربية زيرو "محترمة" علشان لما تفكر تنزل بيها مصر ان شاء الله .. ويوم ما هتبيع العربية المستعملة مش هتخسر فيها كتير ان شاء الله لانها كدا كدا هتجيبها بتمن قليل.
نصيحتي ليك متستعجلش علي الزيرو وانتا لسة بتبني حياتك برة مصر .

صح انا ببنى حياتى
و بردة لو جبت العربية زيرو قبل منزل ثمنها اعلى من زيرو مصر
و ثمنها اعلى من كسر زيرو مصر بردة

المشاركة الأصلية كتبت بواسطة m.moustafa

بص انا مش عايز احبطك بس زي ما انت قولت الصيف في الرياض نار وانت لسه ما شوفتوش العربية هنا في السعودية 1100 سي سي وموديل 2006 في صيف الرياض هتبقى عامله زي اللادا في صيف مصر.

نصيحتي ليك لو تقدر ترفع حدك شوية هيكون احسن او لو تقدر تستنى 3 شهور لحد ما المرتب ينزل في البنك وتشوف حاجة تقسيط سواء ياريس او افيو او اكسنت هيكون احسنلك

اول مرتب حينزل البنك باذن الله شهر 5 يعنى اخر يوم فى شهر 7 حيكون تالت مرتب نزل افتكر كدة الصيف عدى نصة

بجد هل ال 1100 سى سى مش حتعمل حاجة للدرجة دى؟

انا مش عايز تكييف ساقع لو مجرد معادلة حرارة الجو بشوية برودة خفيف رضى دا بس الى محتاجة

بص انا بتكلم على 1100 سي سي في عربية مستعملة هتتعبك جدا عشان كده بقولك ارفع سقفك شوية انا كنت شاري لواحد صاحبي من الحراج صني ماشيه 60 الف ومفهاش الهوا وكانت عامله 20 الف وممكن زي ما قالك استاذ طارق تلاقي لانسر بسعر كويس برضه يعني رينج 15 الف هيجيبلك عربية السي سي بتاعها عالي شوية وتخدم معاك خصوصا لو حبيت تسافر تروح الدمام او غيره تلاقي عربية مريحاك مش تتعبك.

على فكرة انا بكلمك الكلام ده وانا اساسا معايا بيكانتو في مصر 2010 وبحبها جدا وعربية ممتازة بس لمصر مش لهنا

مستعمل » سوق مستعمل » للبيع سيارة بروتون2008

دي صفحة من مستعمل فيها عربية برتون جين 2 مطلوب فيها 11 الف ريال موديل 2008 وماشيه 66 الف ريال ممكن تبص عليها بصه

احسن عربيه مستعمله في السعوديه كانت الكريسيدا
بس مشكله السعوديين مابيسوقوش زي البني ادمين

قليل اما تلاقي واحد بيمشي ع السرعه القانونيه
كله عايز يجري و خلاص

الفكره ف العربيه المستعمله هناك انها تكون ما مشيتش كتير ف فتره كبيره

ممكن تلاقي مرسيدس 230 ف حدود 12 الف و فيها تكيف و باور و ماتكونش فيها اي مشاكل
ممكن تلاقي كريسيدا موديل 89-90 ف حدود 10 - 12 الف حسب الحاله
ممكن تلاقي متسوبيشي جالانت موديل التسعينيات و ف حدود 10000 بس مشكلتها قطع الغيار
ممكن تلاقي كورولا 94-97 لو حالتها كويسه هتعمل 14 الف بالكتير
ممكن نيسان صني 97 - 99 ف حدود 12 الف

حاول تنزل الحراج تدور ع الحاجات الي قولتلك عليها
دور ف الوسيط و الاسبوعيه و جرايد الاعلانات هتلاقي فيها حاجات كتير

انا اما كنت ف السعوديه كان معانا كورولا 97 و قعدت لحد 2007 معانا و كانت ماشيه نص مليون و كان الماتور عايز طقم شمبر بس
بعدها خدنا كورولا 2006 و ماشيه لغايه دلوقتي ف حدود 400 الف
بس الفكره ف ان الماتور لسه بحالته و العربيه بيتعملها الصيانه بتاعتها في معاها ( بصراحه العربيه دي اخرها تغيير زيت و ماتعملش فيها حاجه تاني لغايه دلوقتي )
فكر ف الياباني هتلاقيه بيعيش اكتر من الكوري