الموضوع: انتوا فين يا ملاك السيات 133

المشاركة الأصلية كتبت بواسطة windsofchange

المنتدي عندنا نايم شويه بس انت منورنا يا د راديووووو شكرا عالكلام الجميل ده بس ازاي الردياتير الاصلي ال2 ماسورة كان مريحها اكتر؟ وفي واحد اعرفه قطع في الصاج من تحت العربية ماحية الردياتير بحيث وانت ماشي يخش للموتور هواء من تحت وبيحلفللي عمرها ماهتسخن معاك سمعت الحكاية دي

انا نفسى مش عارف ازاى الاتنين ماسورة كان احسن
بس فى حاجة مهمة العربية دى علمتهالى
ان افضل حاجة بالنسبة لاى عربية هى الفابريقة بتاعتها - انا بتكلم طبعا من الناحية الاقتصادية و العملية و راحة البال - .

نصيحة على الماشى لحد محد من ملاك 133 يظهر
عندنا فى السيات العربية لما بتسخن 99% من الصانيعي بيحصروا العيب فى حاجتين يا رادياتير عايز يتنظف يا طرمبة مية عايزة تتغير
و تعد تظبط فى الاتنين دول و العربية بردو بتسخن
ففالاخر يقولولك اصل السيات من عيوبها انها بتسخن
المهم فى مرة مقتنعتش بالكلام ده و روحت عند واحد غاوى ميكانيكة وواخدها هواية لقا ان الوصلة اللى بين وش السليندر و الخرطوم اللى داخل فيه مسدود لان الحتة دى ضيقة جدا ...... المهم سلكها والعربية بقت زى الفل
الخلاصة العربية دى لو دورة التبريد بتاعتها مية مية مش هتسخن معاك فى حدود التشغيل العادى

تمام حاجة متجيش عالبال والخاطر حكاية الوصلة دي دي فبر ولا حديد ووظيفتها ايه بتمشي فيها مياه التبريد واكيد طبعا تسمع عن رابطة الغلابة اصحاب السيات علي منتدي آخر والله هم مش غلابة بس هي طرفة من صاحب الرابطة ههههههه

امتلكت 4واحدات من هذة السيارة فى حياتى، وتعتبر اكتر ماركة سيارة اشتريتها، الاولى عام 1995 وبعتها اول عام 1997 وكانت افضلهم، الثانية كانت عام 2001 واستمر ت معى عدة شهور وبعتها فى آخر 2001
الثالثة كانت عام 3003 وبرضه عدة شهور ثم بعتها فى آخر 2003
الرابعة فى 2005 وبعتها فى 2007
الأولى كانت ممتازة
الثانية والثالثة كانوا معقولين وان كانت اعطالهم كثيرة
الرابعة توبتنى عن انى افكر ان الماركة دى موجودة اصلا على وجه الأرض

العربية دى ليها ميزات وليها عيوب

ميزات: ثابته على الأرض ، شاسيهها متين جدا ، صالون مساحته معقولة بالنسبة لحجم السيارة، قطع غيار الموتور متوافرة وبكثرة وكل قطع غيار ال 127 بتركب على موتورها،
عيوب: السخونة المفرطة التى تقصف عمر المحرك بسرعة، نسب تخفيض الجيربوكس بتخلى العربية متجريش برغم ان موتورها قدرته الحصانية معقولة، الجيربوكس بتاعها اعطالة كثيرة جدا وقطع غياره من الصعب جدا العثور عليها زمفيش فتيس غير بتاعها بيركب عليها، المارش بتاعها بيبوظ بسرعة جدا، كاربراتيرها مشاكله كتير ،مشاكل الفلانشات ، القدم الشديد للسيارة يجعلها عرضة لمشاكل غير متوقعة(احد اصدقائى وقع بيه كرسى السائق وهو ماشى بالعربية ولقى نفسه فى الشارع تحت لعربية بسبب البارومة ، وربنا ستر انه لحق فرمل)

تعديلات تصلح لها: تركيب موتور 127، تركيب مارش 127، تركيب كاربراتير 127 (مع تعديل بسيط فى كل من الموتور والمارش علشان موتورها بيلف عكس اتجاه موتور ال127)، ميت ألف تعديل لنظام التبريد وكلها بلا فائدة، تعديل نظام جر السيارة الى كبالن

بمنتهىالامانة ومع كل احترامى وتقديرى للى راكبين هذة السيارة، اللى راكبها اهو عارف بيتعامل معاها ازاى، لكن لو حد بيفكر يشترى يدور على اختيارات اخرى، لأن تكاليف صيانة هذة السيارة مرعبة وقطع غيارها فيما عدا الموتور صعب العثور عليها، انا اخر سيارة سيات جبتها اقسم بالله صرفت عليها فى سنة ونص اكتر من ضعف مجموع اللى صرفته على صيانة صنى 2007 لمدة 3 سنوات +اللى صرفته كورولا 2010 لمدة سنة ونص، (مجموع صانات الصنى +بطارية جافة خلال 3 سنوات 1500 جنيه، مجموع صيانات الكورولا فى سنة ونص +بطارية جافة 1500 جنيه، المجموع 3 آلاف جنيه) العربية السيات 133 انا صرفت عليها 6 آلاف جنيه،عملت لها عمرة موتور(بسبب السخونة)، غيرت الفتيس مرتين، عدلتها كبالن، عدلت نظام التبريد عملته كهرباء وركبت لها مروحة اللادا، ورغم ذلك مافيش مشوار كانت بتكمله للآخر وتتفنن فى ابتكار اعطال لا يمكن تخطر للأنسان على بال ، اول مرة فى حياتى اشوف عربية الأكس بتاعها بيخرج من مكان بياته فىالكوبلن(حصلت معايا فى عربيتين سيات 133)، المارشات دى كانت بتستهلكهم زى البنزين والزيت، كنت كل شهرين او تلاتة اجيب مارش، اول وآخر عربية ااشوفها فى حياتى بدال الدبرياج بتاعها بيفوت فى الأكس بتاعه(حصلت معايا فى عربيتين سيات) ولما الحم البدال فى الأكس بتاعه تقوم الأرضية تضرب تحت منه وآجى ادوس دبرياج ينزل بالأرضية والعربية متفصلش ، ومرة الضفيرة بتاعتها ولعت وانا ماشى فوق كوبرى وكانت لما تخلص كل الأعطال اللى تخطر على بال واللى ما تخطرش فردة كاوتش تضرب ولازم تضرب فوق كوبرى او نفق، يعنى كان العادى بتاعى مع أى عربية انى انزل من البيت ، اروح بيها مشوارى وارجع بيها، مع ال سيات 133 كان العادى انى انزل من البيت ، اخرج بيها، ارجع من غيرها

[quote=windsofchange;3873407154]تمام حاجة متجيش عالبال والخاطر حكاية الوصلة دي دي فبر ولا حديد ووظيفتها ايه بتمشي فيها مياه التبريد واكيد طبعا تسمع عن رابطة الغلابة اصحاب السيات علي منتدي آخر والله هم مش غلابة بس هي طرفة من صاحب الرابطة ههههههه
[/quote]
انا طبعا عارف الرابطة دى و كان نفسى تبقى فى رابطة زيها على صفحات منتدانا العزيز
و الوصلة دى فعلا بتعدى فيها مياه و طبعا لما تتسد العبية بتسخن جامد و محدش بيبقا عارف السبب

[QUOTE=sab3aawy;3873407469]امتلكت 4واحدات من هذة السيارة فى حياتى، وتعتبر اكتر ماركة سيارة اشتريتها، الاولى عام 1995 وبعتها اول عام 1997 وكانت افضلهم، الثانية كانت عام 2001 واستمر ت معى عدة شهور وبعتها فى آخر 2001
الثالثة كانت عام 3003 وبرضه عدة شهور ثم بعتها فى آخر 2003
الرابعة فى 2005 وبعتها فى 2007
الأولى كانت ممتازة
الثانية والثالثة كانوا معقولين وان كانت اعطالهم كثيرة
الرابعة توبتنى عن انى افكر ان الماركة دى موجودة اصلا على وجه الأرض

العربية دى ليها ميزات وليها عيوب

ميزات: ثابته على الأرض ، شاسيهها متين جدا ، صالون مساحته معقولة بالنسبة لحجم السيارة، قطع غيار الموتور متوافرة وبكثرة وكل قطع غيار ال 127 بتركب على موتورها،
عيوب: السخونة المفرطة التى تقصف عمر المحرك بسرعة، نسب تخفيض الجيربوكس بتخلى العربية متجريش برغم ان موتورها قدرته الحصانية معقولة، الجيربوكس بتاعها اعطالة كثيرة جدا وقطع غياره من الصعب جدا العثور عليها زمفيش فتيس غير بتاعها بيركب عليها، المارش بتاعها بيبوظ بسرعة جدا، كاربراتيرها مشاكله كتير ،مشاكل الفلانشات ، القدم الشديد للسيارة يجعلها عرضة لمشاكل غير متوقعة(احد اصدقائى وقع بيه كرسى السائق وهو ماشى بالعربية ولقى نفسه فى الشارع تحت لعربية بسبب البارومة ، وربنا ستر انه لحق فرمل)

تعديلات تصلح لها: تركيب موتور 127، تركيب مارش 127، تركيب كاربراتير 127 (مع تعديل بسيط فى كل من الموتور والمارش علشان موتورها بيلف عكس اتجاه موتور ال127)، ميت ألف تعديل لنظام التبريد وكلها بلا فائدة، تعديل نظام جر السيارة الى كبالن

بمنتهىالامانة ومع كل احترامى وتقديرى للى راكبين هذة السيارة، اللى راكبها اهو عارف بيتعامل معاها ازاى، لكن لو حد بيفكر يشترى يدور على اختيارات اخرى، لأن تكاليف صيانة هذة السيارة مرعبة وقطع غيارها فيما عدا الموتور صعب العثور عليها، انا اخر سيارة سيات جبتها اقسم بالله صرفت عليها فى سنة ونص اكتر من ضعف مجموع اللى صرفته على صيانة صنى 2007 لمدة 3 سنوات +اللى صرفته كورولا 2010 لمدة سنة ونص، (مجموع صانات الصنى +بطارية جافة خلال 3 سنوات 1500 جنيه، مجموع صيانات الكورولا فى سنة ونص +بطارية جافة 1500 جنيه، المجموع 3 آلاف جنيه) العربية السيات 133 انا صرفت عليها 6 آلاف جنيه،عملت لها عمرة موتور(بسبب السخونة)، غيرت الفتيس مرتين، عدلتها كبالن، عدلت نظام التبريد عملته كهرباء وركبت لها مروحة اللادا، ورغم ذلك مافيش مشوار كانت بتكمله للآخر وتتفنن فى ابتكار اعطال لا يمكن تخطر للأنسان على بال ، اول مرة فى حياتى اشوف عربية الأكس بتاعها بيخرج من مكان بياته فىالكوبلن(حصلت معايا فى عربيتين سيات 133)، المارشات دى كانت بتستهلكهم زى البنزين والزيت، كنت كل شهرين او تلاتة اجيب مارش، اول وآخر عربية ااشوفها فى حياتى بدال الدبرياج بتاعها بيفوت فى الأكس بتاعه(حصلت معايا فى عربيتين سيات) ولما الحم البدال فى الأكس بتاعه تقوم الأرضية تضرب تحت منه وآجى ادوس دبرياج ينزل بالأرضية والعربية متفصلش ، ومرة الضفيرة بتاعتها ولعت وانا ماشى فوق كوبرى وكانت لما تخلص كل الأعطال اللى تخطر على بال واللى ما تخطرش فردة كاوتش تضرب ولازم تضرب فوق كوبرى او نفق، يعنى كان العادى بتاعى مع أى عربية انى انزل من البيت ، اروح بيها مشوارى وارجع بيها، مع ال سيات 133 كان العادى انى انزل من البيت ، اخرج بيها، ارجع من غيرها[/QUOTE]
انت عقتدنى حرام عليك
انا هنزل اولع فى العربية