مركز القطامية كلاكيت تانى مرة

**MMMERO** · 01-04-2011 04:15 PM

بجد مش عارف اشكر الاستاذة نهلة ازاى لكن فعلا لو فية حد زى نهلة فى كل توكيل فى مصر منكش هيبقى فى مشكلة مع اى عميل بس الحمد لله احنا عندنا الاستاذة نهلة فى كيا ربنا يديمها نعمة :)
وكمان عاوز اشكر المهندس محمد هاشم راجل فى قمة الذوق والتفهم والحرفية فى شغلة
والموضوع ان انا فى مشروع دلوقتى فى باكستان يعنى رجل هنا ورجل هناك وفعلا معنديش اى وقت اضيعة وانا فى مصر وفجأة لقيت العربية لما بفرمل الدريكسيون بيرجرج وفعلا كلمتهم لقيت اهتمام غير عادى خاصا اننا كنت راجع باكستان بعد يومين والتنابير اتغيرت والدنيا الحمد لله رجعت كما كانت ويمكن احسن
الف الف شكر للاستاذة نهلة والمهندس محمد هاشم وان شاء الله من نجاح الى نجاح دائما
محمد ابراهيم-اوراسكوم

**Khaled_Nowaihy** · 01-04-2011 07:55 PM

الشكر أقل واجب والله نحوها هى والـ staff بتاع القطامية ... ناس محترمين بجد
والحمد لله انك لحقت تصلحها قبل السفر
وترجع لنا بالسلامة ان شاء الله
على فكرة .. هى نهلة قاطعت المنتدى وللا ايه ؟ بقى لى كتير مش شايفها

**yasso0101** · 02-04-2011 03:08 PM

الف مبروك على التصليح وهيه عضوه خدومه وانشاء الله الخير اللي بتعمله هيكون في ميزان حسناتها وبشكر المهندس محمد هاشم على ذوقه وخدمته للاعضاء

لو تقولي انته خليجي ولا وكيل وايه اللي حصل بالضبط

**moha4tec** · 02-04-2011 08:38 PM

السلام عليكم
انا احب اكرر شكرى للمهندسه نهله فى توكيل القطاميه على مجهودها و تعبها ,و الاهتمام اللى بنشوفه فى التوكيل بالنسبه لاعضاء نايل موتورز و غيرهم من منتديات تانيه
و البشمهندسه مقاطعه المنتدى لان فى ناس بتعمل حوارات كتير و بتتكلم بدون علم ,و بيكون لتخدم و اتعمل معاه واجب فى التوكيل و يجى يقول العكس و ينكر الجميل ,
و مع ذلك لا تتردد الاستاذه نهله عن التوصيه عن اى خدمات فى التوكيل مع كل هذا الافتراء .
و اكرر انها انسانه محترمه و تقوم بهذا لاجل وجه الله فقط .
و انا شخصيا و غيرى تم توصيه على كشف العربيه و والله مدفعتش شلن او قرش واحد حتى .
ووالله اللى تم فى فحص العربيه فى توكيل تانى اخدوا فيه مبلغ و قدره
و انا بقول كلمة الحق فقط فقط فقط بدون تجميل او زياده او اطراء
و السلام ختام

**MMMERO** · 03-04-2011 09:33 AM

المشاركة الأصلية كتبت بواسطة yasso0101

الف مبروك على التصليح وهيه عضوه خدومه وان شاء الله الخير اللي بتعمله هيكون في ميزان حسناتها وبشكر المهندس محمد هاشم على ذوقه وخدمته للاعضاء

لو تقولي انته خليجي ولا وكيل وايه اللي حصل بالضبط

انا ياباشا وكيل بس حبيت اشكر سرعة الاستجابة خصوصا وانا كنت مسافر ومعنديش وقت والعربية كانت عاملة 10000 كيلو بس و كل ما كنت بستعمل الفرامل كنت بلاقى الدريكسيون بيتهز فى ايدى ولكن كامن بتفرمل عادى
بجد انا اضايقت اوى لما عرفت ان الاستاذة نهلة قاطعت المنتدى