الموضوع: رد واجب على كل من يهاجم الاخوان المسلمين أو السلفية - دعوة للحوار -

المشاركة الأصلية كتبت بواسطة dolly13

هل حضرتك توجه المقال الى كل من يخالف التيارات الاسلامية سواء اخوان او سلفيين ومحاولة فرض الدولة الدينية
ام توجه الكلام الى من انتقد هذه الفديوهات ؟
وصدقنى ده هايفرق كتير معايا علشان اعرف اتناقش مع حضرتك

اولا مفيش حاجة اسمها دولة دينية فى الاسلام الدولة فى الاسلام دولة مدنية بمرجعية اسلامية

ثانيا محدش عايز يفرض حاجة لان فيه انتخابات

هو الشيخ ابو اسحاق الحويني قالها كلمة..( اللى بييجي علينا ما بيكسبش)

والله العظيم انا مش اخوان ولا سلفي
و لكن اكن لهم كل احترام و تقدير نظرا لاحتكاكي بهم عن قرب
هم شباب و شيوخ غاياتهم نبيلة - بيحبوا مصر و بيحبوا الناس و نفسهم ان الناس كلها تدخل الجنه
و طبعا لكل قاعدة شواذ و لكن 95% منهم ناس محترمين لاقصى الحدود و ال 95% دول هما اول ناس بتهاجم ال 5% المخطئين اللي بيتشبهوا بيهم و بيخطؤوا
و للاسف جميع وساء الاعلام بتعحط ال 5% تحت المجهر و بتعيد و تزيد في نشر صورهم و اخطائهم

اولا لما اقول اني باختلف مع السلفيين مش معني كده انهم مش مسلمين او اني مش مسلم
النقاط اللي باخذها عليهم:
1- اضفاء صبغد دينيه علي تعديلات سياسية مالهاش علاقة بالدين يعني ماحدش قال ان نعم تحفظ الماده الثانية للدستور و لا تلغيها ماحدش قال كده لكن الاخوان والسلفيين قالوا كده وعلي الطرف الاخر القسيس اللي في الفيديو برضه عمل زيهم تمام وانا بارفض الاتنين عشان ده اسمه تدليس علي الناس واللعب علي وتر الدين مع العلم اني ما انفعش اربط دين بنعم او لا فهل اذا كانت النتيجة لا فده معناه ان الشعب قال لأ للدين لازم نسمي الامور بمسمياتها

2-الشيوخ ما ينفعش يقولوا انهم كانوا بيهزروا او ما يقصدش كده ده داعية يعني لازم يكون كلامة موزون ومعرف معناه كويس

3- الشيخ محمد حسان حلو في الفقه بس مش حلو في السياسة لما طلع وقال ان المظاهرات دي فتنة لو كان سكت كان احسن ده كده هو الي عمل فتنة والناس لو صدقته كانت روحت وفضل الحال عي ما هو عليه وازاي بعد كده نزل تاني المظاهرات وقال انا مع الثورة وانت عارف ان وجدي غنيم رد عليه

4- السلفيون اللي نزلوا يتظاهروا ضد يحيي الجمل شكلهم حلو بلحي طويلة وثياب قصيرة وتحسبهم شيوخا متفقهين وفي نفس الوقت كان بيقولوا نحن فداؤك يا الله ..... عشان خاطري حد يقولهم كده حرام


5- ما ينفعش نولي انفسنا الأمور ونقطع ودن ده ونهاجم ده ونحرق قبور مسلمي حتي لو أضرحة وحتي لو ده غلط مين اللي ولاكوا ألأمر ؟؟؟؟

6- التدين السليم ليس تدين ظاهري بس لازم يكون الاتنين

7- ألمانيا عندها حق ان مرجعيتها مسيحية ماعرفش انت زعلان ليه؟ دي بلدهم وهناك كنت بتمارس شعائرك الاسلامية اكتر من هنا في مصر

8- ماحدش قال ان احنا عايزينها ليبرالية مطلقة علمانيه عايزينها زوي ما كانت دولة مدنيه بمرجعية اسلامية

المشاركة الأصلية كتبت بواسطة ahmedabdfat

اولا مفيش حاجة اسمها دولة دينية فى الاسلام الدولة فى الاسلام دولة مدنية بمرجعية اسلامية

ثانيا محدش عايز يفرض حاجة لان فيه انتخابات

+1
لن نصل الى بر الأمان ألا بشرع الله
بلا قوانين وضعية بلا ديمقراطية غربية مطلقة........ أهلا بالديمقراطية وفقا لضوابط شرع الله الأسلام

المشاركة الأصلية كتبت بواسطة caysersosaih

اولا لما اقول اني باختلف مع السلفيين مش معني كده انهم مش مسلمين او اني مش مسلم
النقاط اللي باخذها عليهم:
1- اضفاء صبغد دينيه علي تعديلات سياسية مالهاش علاقة بالدين يعني ماحدش قال ان نعم تحفظ الماده الثانية للدستور و لا تلغيها ماحدش قال كده لكن الاخوان والسلفيين قالوا كده وعلي الطرف الاخر القسيس اللي في الفيديو برضه عمل زيهم تمام وانا بارفض الاتنين عشان ده اسمه تدليس علي الناس واللعب علي وتر الدين مع العلم اني ما انفعش اربط دين بنعم او لا فهل اذا كانت النتيجة لا فده معناه ان الشعب قال لأ للدين لازم نسمي الامور بمسمياتها


2-الشيوخ ما ينفعش يقولوا انهم كانوا بيهزروا او ما يقصدش كده ده داعية يعني لازم يكون كلامة موزون ومعرف معناه كويس

3- الشيخ محمد حسان حلو في الفقه بس مش حلو في السياسة لما طلع وقال ان المظاهرات دي فتنة لو كان سكت كان احسن ده كده هو الي عمل فتنة والناس لو صدقته كانت روحت وفضل الحال عي ما هو عليه وازاي بعد كده نزل تاني المظاهرات وقال انا مع الثورة وانت عارف ان وجدي غنيم رد عليه

4- السلفيون اللي نزلوا يتظاهروا ضد يحيي الجمل شكلهم حلو بلحي طويلة وثياب قصيرة وتحسبهم شيوخا متفقهين وفي نفس الوقت كان بيقولوا نحن فداؤك يا الله ..... عشان خاطري حد يقولهم كده حرام


5- ما ينفعش نولي انفسنا الأمور ونقطع ودن ده ونهاجم ده ونحرق قبور مسلمي حتي لو أضرحة وحتي لو ده غلط مين اللي ولاكوا ألأمر ؟؟؟؟

6- التدين السليم ليس تدين ظاهري بس لازم يكون الاتنين

7- ألمانيا عندها حق ان مرجعيتها مسيحية ماعرفش انت زعلان ليه؟ دي بلدهم وهناك كنت بتمارس شعائرك الاسلامية اكتر من هنا في مصر

8- ماحدش قال ان احنا عايزينها ليبرالية مطلقة علمانيه عايزينها زوي ما كانت دولة مدنيه بمرجعية اسلامية

الرد طبقا للرقم اللي انت حاطه
1- الاخوان شافوا ان من المصلحة الاستقرار - لتنظيم الدار و البدء في الممارسة بالضبط و من حقهم يعملوا الدعاية اللي هما عايزينها زي ما هما شايفين!!! و امريكا نفسها بتستغل الدين في السياسة زي بوش لما عمل دعاية لانتخابه انه حيمنع الشذوذ و حيحارب العادة السرية و حيحارب باسم الصليب!!!
زي ما الليبراليين و اليساريين مارسوا كل الدعاية المسموحة و غير المسموحة للدعاية للا
و اخيرا تدخل النصارى بكل قوة للدعاية بلا و اعتبارها فرض على كل نصراني و الدعوة في كل كنيسة لها هي ما ادت الى تحويلها الى معركة على المادة الثانية
عموما البند ده خلص و الشعب قال كلمته و ارجو احترامها

2- مين اللي قال ان الداعية او الشيخ ميخطئش؟؟؟؟؟ ليه يعني حد قال عليه ربنا؟ و لما واحد قال كلام مش موزون خرج 10 شيوخ من علماء السلف و صححوه و قالوا انه جانبه الصواب! فهذا يدل زي ما قلت ان 95% في الاتجاه الصح ان شاء الله
3- والله من حقك تقول رايك في الشيخ محمد حسان و الراجل ما انكرش و قال كلمته و مارجعش عنها و قال انا كنت بهزر - له حجته و دليله و منطقه - و من اسباب حرية الراي و التعبير ان نحترم راي بعض
4- انا مش عارف لو واحد قال نحن فداؤك يا الله ايه الحرام فيها - ممكن حضرتك تنورنا برضه يا شيخ ايه الحرمانية فيها

5- كل اللي انت قلته من باب التشويه الممارس ضد اي اسلامي من قبل صحف الليبرالية و اليسار
اللي اتقطع ودنه الدنيا كلها قالتها - فاتح بيت دعارة و اتخانقوا معاه و اتعور في ودنه في وسط الخناقة - ما فيش اصلا حاجة اسمها حد قطع الودن و ممكن تقرأ قبل ما تعمل كوبي و بيست من اي كلام و خلاص - و الاضرحة اللي بتقول عليها طلع الشيخ ابو اسحق الحويني و هو علامة من علماء السلف قال كلمته و هي حرام حرقها او هدمها - و النيابة بتحقق في الحصل و الفاعل حياخد جزاءه سواءا بدقن او بشنب

6- اؤيدك بشدة التدين ظاهري و داخلي - علشان كده مش كل واحد مربي دقنه نقول عليه ده سلفي او متدين - عامله و ناقشه و بعدين تعرلف اذا كان تدينه ظاهري او بيراعي ربنا في كل معاملاته فعلا

7- الله يفتح عليك - مرجعيتهم مسيحية و احنا لازم تبقى مرجعيتنا مسلمة ان شاء الله غصب عن الكل
و برضه من حق النصارى يصلوا و يمارسوا شعائرهم بكل حرية في مصر المسلمة زي ما مارسوها طوال 1400 سنة

8 - زي ما كانت دي انا مش فاهمها! زي ما كانت كانت مسخرة و الامن بيضرب في كله - اعتقال اخوان و سلف - تفجير كنايس و مزارات - اعتقالات بالجملة - اللي بيواظب على الصلاه بيعقل - لو دي المرجعية اللي انت عايزها انا اعارضك
مصر دولة مدنية تمارس الشعائر الاسلامية - ذات مرجعية دينية اسلامية - تكفل حقوق الاقليات في العبادة و الاعتناق الديني و الممارسات

انا بقى حسالك سؤال - هو المانيا بتحتفل بعيد الفطر و الاضحى؟؟؟؟؟ اصلي شايفك معجب بالمانيا و حرياتها
ادينا في مصر بنحتفل براس السنة الميلادي و بنحتفل بعيد السعف و الفصح و كل اعياد الارثوذكس و الكاثوليك على الرغم انهم اقليات
يبقى مين احسن.؟ مصر واللا المانيا؟ و اللا فرنسا اللي منعت الحجاب في الاماكن الخاصة و المدارس و الجامعات و الهيئات الحكومية و منعت النقاب حتى في الشوارع؟
و سلملي على الحريات اغربية

1- الاخوان يعملوا دعاية اه مافيش مشكلة لكن ياتري هل حضرتك موافق ان الدين له علاقة بالتعديلات الدستورية او نعم او لا ؟؟؟ وبعدين انا برضه باعيب علي المسيحيين انهم عملوا زي الي عملة الاخوان بالظبط ما عنديش اعتراض علي ده ابدا كل اعتراضي هو اقحام الدين في التعديلات.

2- انا معاك طبعا انه بشر وممكن يغلط بس معني كلامك ورد باقي الشيوخ انه فعلا كان غلطان لما قال ان نعم انتصار للدين

3- انا محترم رايه بس الداعية مش واحد بيقول رأي شخصي وخلاص ده له اتباع وناس بتمشي ورا الفتوي الي بيقولها وياريت تقولي رايك ان رأيه ده ممكن يعمل فتنة ولا لأ؟

4- انا مش شيخ بس الفداء يكون لشخص يحتمل وفاته او مقتله وكوني فداؤه معناه اني اضحي بروحي عشان ما يموتش ياتري هل يصح التحدث عن الذات الالهيه بهذا التعبير؟؟؟؟؟؟

5-اوكي ممكن يكون فعلا مدسوس عليهم ما عنديش مشكلة بس مش أنا الي بقول

6- مافيش اختلاف والحمد لله

7- كده كده مصر هتفضل مرجعيتها اسلامية ولن تكون دولة علمانيه بس عايز اوضح ان في فرق بين دولة دينية ودولة اسلامية فمصر دولة اسلامية دينها الرسمي الاسلام واحكامها مستمدة من الشريعه الاسلامية او علي الأقل لا تعارضها وان شاء الله هتفضل كده

8- لأ طبعا انا بقول زي يعني زي ما كانت الدستور بينص في الماده الثانيه منه وليس قصدي اعتقالات او اي شيئ من هذا بلا شك
مصر دولة مدنية تمارس الشعائر الاسلامية - ذات مرجعية دينية اسلامية - تكفل حقوق الاقليات في العبادة و الاعتناق الديني و الممارسات زي ما قلت تمام هو ده اللي انا عايزه

بالنسبة لألمانيا انا مش معجب ولا حاجة ولا فرنسا أنا بس قلت انهم دول مسيحية ذات أغلبية مسيحية عشان كده طبيعي تكون مرجعيتهم مسيحية زي ما احنا دولة مسلمة ذان أغلبية مسلمة ومرجعيتنا الاسلام

وطبعا احنا أحسن منهم مع اني مش موافق علي اللي كان بيعملة مبارك انه يدي الشعب كله اجازات عشان اقليات ولا انه يسكت علي الي كان بيعمله البابا شنودة السادات كان احسن طبعا في النقطة دي

أخيرا أنا لست متعصب لرايي بس بصراحة كنت أفضل ان كل الناس تقول رأيها في الاستفتاء بلا أي ضغوط من أي جهه خصوصا جهه الدين وكده كده كلنا لآزم نقبل بالنتيجة وشكرا لسعه صدرك وربنا يصلح حال البلد