محتاج مساعدة من أهل الإسكندرية وخصوصا المهندسين

**sab3aawy** · 13-04-2008 09:48 PM

حيث اننى مرتبط بتنفيذ مشروع فى الإسكندرية فأنا محتاج اشترى بعض اللوازم الكهربائية من الإسكندرية

فهل لدى واحد من مهندسى الإسكندرية فكرة عن مكان يباع فيه مستلزمات المشاريع الكهربائية مثل:

لوحات توزيع صغيرة ومتوسطة120 ×80 سم مثلا، حوامل كابلات بلاستيك وصاج، كونتاكتورز و أوفرلود ،....الخ

فلو فيه مكان فى الأسكندرية تباع فيه هذة الأشياء ارجو الإفادة ولكم جزيل الشكر

**محمد ابراهيم 1** · 13-04-2008 10:11 PM

يا باشا عينى لك
ولو إنى مش مهندس
لكن جنب شغلى فيه شارع كامل إسمه شارع السبع بنات
فيه كل ما يخطر على بالك
من أدوات كهربائيه
وده بالنسبه للتوصيلات العاديه وفيه محل جنبى برضه عنده حاجات كهربائيه غريبه مش بتاعه بيوت
زى ال كونتاكتوز والنيل موتورز اللى إنت بتقول عليهم دول

**thegoodhacker** · 13-04-2008 10:25 PM

انت تؤمر يا (ابو السباع) :)
بص يا سيدي ..... فيه شارع مشهور اوي بالحاجات دي اسمه ( السبع بنات ) و ده في المنشية
وفيه شارع تاني اسمه ( النبي دانيال ) و ده عبارة عن شارع طويل يربط بين (محطة مصر ) و(المنشية )

**aliabutaleb** · 14-04-2008 10:34 AM

باشمهندس
لما تيجي تروح إن شاء الله تركن عربيتك في ساحة الانتظار اللي قدام سراي الحقانية وسط ميدان المنشية.
متفكرش انك تركن في الشارع نفسه قدام المحل اللي هاتشتري منه
وانت واقف قدام الحقانية ووشك لها هاتلاقي شارع السبع بنات هو اول شارع على شمالك
هاتمشي أقل من دقيقة عشان تدخله
وبالتوفيق ان شاء الله

**Islam_galal** · 14-04-2008 12:37 PM

سبعاوي باشا اسمحلي أعرض خدماتي
بالنسبة للأغراض الغير منزلية هو شارع السبع بنات فيه محل اسمه (فولتا و مش فاكر الباقي)
لو نزلت اسكندرية ممكن تكلمني علي المحمول و نلف سوا أو أسألك مهندس كهرباء صديقي يدلنا

حابعت لسعادتك المحمول علي الخاص