الموضوع: تكييف للنص نقل

السلام عليكم ورحمة الله

كان عندى استفسار من حضراتكوا ,, انا جبت عربية شيفرولية نص نقل مو 97 لظروف شغلى وطبعا السواقين طلعوا عينى لدرجة انى غيرت 3 سواقين ف 6 شهور بس

وعليه اخدت القرار ان انا اللى اركبها لحد م الاقى سواق ابن حلال

المهم طبعا الصيف داخل علينا والجو هيبقا لذيذ جدا جدا ف كنت عايز اعرف ينفع اركب تكييف للعربية دى ولا لأ؟؟؟

ولو ينفع تكلفته توصل كام ولو فى نصايح بخصوص الموضوع ده اكون شاكر جدا جدا جدا ليكو

واسف للاطالة