لو عايز أكشف علي عربية مستعملة قبل ماشتريها أوديها التوكيل ولا لميكانيكي؟
لو عايز أكشف علي عربية مستعملة قبل ماشتريها أوديها التوكيل ولا لميكانيكي؟
اعتقد التوكيل اضمن بس هيبقى اغلى
تحياتي
لو عربية موديل حديث وغالية يستحسن التوكيل وهيديلك تقرير فني شامل عنها اساسيات وموتور وعفشة وكهربا وكله
لو موديل قديم خللي سمكري يبص عليها لو اساسياتها تمام يشوفها ميكانيكي
وربنا يوفقك للخير
شكرا يا جماعة
@rotato
ياريت تقولنا مكان البنزينة و الموضوع تكلفته كام و بيكشفوا علي ايه بالضبط بعد اذنك
لو عربية حديثة وفيها تكنولوجيا كتير يبقى توكيل طبعا
لو غير كده يبقى مكان عنده سكانر صنايعية بيفهموا
يعني ايه سكانر؟
علشان مفتيش انا ولدي هو اللي اشتري العربية من القاهرة انا من الاسكندرية
البنزينة بتكشف علي اداء الموتور كام % و كمان علي الدهان اذا كان فبركة او مرشوشة و كذا حاجة كدة بس ناسي
الحكاية دة كلفت حوالي 120 جنية بس بكرة انشاء اللة اعرفلك كل حاجة بالتفصيل
ده جهاز بيوصل على ال computer بتاع العربية عشان يشووف إيه حالة اجزاء منها زي الحساسات وشوية حاجات تانية إيه هي معرفش عشان مفتييش
يعني فالانوس مثلا هي دي مهمته
بص ياباشا اللي أنا قصدي عليه فيه عربيات التكنولوجيا بتاعتها مش عليا بس أكيد فيها كمبيوتر والجهاز اللي بيكشف عليها ممكن يكون عند مركز خدمة
إنما بقى لو هنتكلم على bmw e90 مثلا يبقي أكيد توكيل عشان الكمبيوتر بتاعها بيكون معقد شوية
هو آه بيكون موجود بره بس متهيألي التوكيل هو أحسن حاجة ده غير إن فالتوكيل بيكون فيه ملف للعربية بحالتها وكمان فالتوكيل بيقدروا يكشفه على حاجات ممكن بره مايبوصش عليها
@rotato
معلش تاعبك معايا :)
@mailo
متشكر جدا علي التوضيح :)
الأفضل بنزيمة و خلاص سؤاء موديل جديد او قديم عشان بيقيسوا حالة الموتور برده و بيديك تقرير بالحالة خارجيا و داخليا
و برده روح لسمكري معرفة يمسك العربية حتة حتة و يفيها قوام و سف و حوض و ارضية من تحت و صدر امامي و كله