حاجة غريبة

**crazylambada** · 13-04-2008 10:23 PM

مصر تعاني من تضخم بالاضافة الى الزيادة السكانية
مما يؤدي الى زيادة السلع الاستهلاكيه اوكيه ماشي
بس مفيش اي مبرر لارتفاع اسعار السيارات بشكل غريب
اولا الجنيه المصري سعره ثابت امام العملات الاجنبية
و كما ان المعروض من السيارات يكفي و يزيد الحاجة
ليه سعر العربيات يزيد
مفيش اي مبرر غير واحد بس
الجشع
و كله بيحطوا في ايدين التوكيل و صاحبه
و ده بيخلي الفرق بين الاغنياء و الفقراء يزيد و اختفاء لطبقة المتوسطة
المهم
يجب فرض ضرائب تصل ل 40 فيالمية على هؤلاء الاشخاص
للاسف الاقتصاد الراسمالي مانع الحكومة من انها تحدد اسعار هذه السلع
خصوصا انها سلع رفاهية و ليست اساسية
بس الفلوس اللي ناخدها من التوكيلات لو ندعهما في البنزين
يبقى شلنا حاجة و حطينا حاجة

**1.8Tee** · 13-04-2008 11:03 PM

....Demand > Supply

**pcegypt** · 13-04-2008 11:20 PM

في معظم الأحيان بيكون السبب هو الجشع طبعا ، بس خلي بالك ان الجنيه المصري مازال مرتبط بالدولار والدولار دلوقت امام العملات الاجنبية حالته سيئه وما يغركش انه ثابت قصاد الجنيه المصري لكن قدام اليورو والين في ادنى مستوياته وده طبعا بياثر على سعر الياباني والاوروبي وكان ممكن يكون فيه استفاده لو كانت العربيات الامريكي لها سوق في مصر ، وبرضه كان جشع التجار هايخليهم ياخدوا الفرق في جيوبهم.

تحياتي

**SEATLOVER** · 13-04-2008 11:45 PM

مشكلتك يا crazy انك فاهم زيادة عن اللزوم
حاولتراجع نفسك شوية
حاول تبقى فاهم غلط ذينا ..وانت هاترتاح جداً

**crazylambada** · 14-04-2008 09:21 AM

متشكر على المرور يا رجالة
و انا بستغرب فعلا من الحاجات دي
و ممكن يكون هبوط الجنيه المصري بسبب هبوط لدولار هو السبب
بس مصر عمله سلة عملات
يعني مبقتش ربطة عملتها بالدولار
لا رباه بالجنيه لاسترليني و الدولار و الين و اليورو
بطريقة لو ارتفعت عملة او انخفضت عملة تظل ثابتة و لا تهتز سواء بالارتفاع او الانخفاض