بولونيز 88

**abdousharkawy** · 01-04-2011 10:20 PM

الاخوة الافاضل السلام عليكم
امامى سيارة بولونيز موديل 88 فابريكة دواخل وخوارج بس هى ممكن تحتاج وش نظافة
عمرة موتور من شهر ودى اول عمرة للموتور
بصراحة هى داخلة دماغى قوى
السؤال بقى
تساوى كام؟ هو صاحبها بيقول 14
انا بسمع اراء مختلفه فى البولونيز
اللى يقولك اوعى تجيبها دى عربية زباله
واللى يقول دى جميلة جدا
انا بصراحة محتار قوى وشكلها بيعجبنى
على فكرة انا عاوزها للسفر من المنصورة للاسكندرية كل اسبوع فهل تقدر على المسافه؟

**abdousharkawy** · 01-04-2011 10:38 PM

ياجماعة من فضلكم حد يرد عليا لو سمحتم

**keko** · 02-04-2011 01:07 AM

هوا عموما اى عربية فابريكة برة وجوة تكون فرصة بس تتاكد فعلا انها فابريكة برة و جوة لانك ساعتها هتكون ضامن انها معملتش اى حوادث وكمان انت بتقول انها اول عمرة يعنى المفروض ان رقم الموتور هو رقم الشاسيه كلام جميل فاضل انك تبص كويس قوى على قوايم العربية والكرونة اما العفشة امرها سهل اما تشتريها او لا دا يرجع لاحتياجاتك من العربية

**abdousharkawy** · 02-04-2011 10:22 AM

الف شكر لردك بس
ايه رايك فى البولونيز كعربية عشان انا محتار لانى سمعت عنها كلام كتير عكس بعضه
وهل هى تستحمل السفر كل اسبوع؟

**keko** · 06-04-2011 07:04 AM

بص يا ريس عيوب البولونيز بما انى كان عندى بنت عمها 125
عفشة ورا ناشفة جدا
القوايم بتشرخ مع الوقت
فراملها مش قوية قوى بس اعتقد دى تتظبط
فيه ناس بتقول ان البارومة بتمسك فيها بسهولة انا مجربتش بصراحة
موتور ال125 كانت قطع غياره غلية قوى يعنى مثلا طرمبة البنزين ضعف سعر اللادا من نفس الماركة ووش السلندر 500ج مقابل 250 فى اللادا لو البولونيز نفس موتور ال 125 تبقى نفس النظام
اما الميزات
على عكس ما يقال العربية سحبها كويس والموتور على الوزن كويس بس يكون موتور كويس و فتيس 6 غيار
قوة تحمل خرافية فى التحميل وعفشة تشيل بلاوى بدون مبالغة انا مرة ركبت 12 فرد عادى ومرة حملت 5000 شاسيه بتاع وشاشا الكهرباء وعادى
الصاج متين جدا وشاسيه قوى
عفشة ورا كلها ب 150 ج ومفيهاش مشاكل كتير
فيه حاجتين فى البولونيز ارخص من اى عربية تانية الدفرانس كامل سعره 700 وممكن تفاصل لحد 500
الفتيس ال 5 غيار ب 700 وممكن تفاصل ل 500 برضه مقابل 1100 فى اللادا و 1300 للشاهين

انا بفكر حاليا اشترى بولونيز واسقط عليها موتور شاهين واغير ربع امامى للشكل الجديد اللى شبه رينو 19 شوية بس لسة بدرس الموضوع

**abdousharkawy** · 06-04-2011 08:16 PM

الف شكر لردك
يعنى افهم من كلامك انى اتوكل على الله واشترى وانا متطمن

**keko** · 07-04-2011 07:02 AM

لو العيوب مش شاغلاك والميزات دى تنفعك يبقى اتوكل على الله بس برضه موضوع السعر انا معرفش ماشية كام فى السوق اسال حد فاهم وشوف تساوى كام مع مراعاة انها فابريكة خوارج ودى برضه تتاكد منها علشان العربية دى تقيلة فى بيعها ولو اشتريتها غالية هتخشر كتير

**abdoumahros** · 10-04-2011 05:11 PM

انا كانت عندي برضه موديل 88 عربيه حلوه جدا حماله اسيه وواسعه وقطع غيارها رخيصه ومشاكلها قليله جداوثباتها كويس عيبها انها تقيله شويه في السحب وموش ناعمه لكن موش خشنه زي اللادا
وربنا يوفقك

**ragab nadi** · 23-08-2015 01:26 AM

السلام عليكم انا جديد في المنتدي ,
انا عندي بولونيز 88 وبشدها , وهي عايزه كرونة , في ناس بتنصحني اني اعدلها كرونة تيوتا يباني , يتري
حد مجرب الحكاية دي

**Mr Amer Zamzam** · 17-06-2019 02:39 AM

السلام عليكم ورحمة الله وبركاته

مين أفضل حد في القاهرة اجيب منه حاجات بلونيز الفينات وسعره كويسة وحاجته نظيفة
وعاوز أجيب علبة باور لان الماتور معاه كل حاجته وانا كبستله خراطيم ووقفت علي علبة الدريكسيون الباور اجيبها ايه لو ملقتش بلونيز

والاربع الابواب الفينات بلونيز يعملوا كام

ياريت تردوا عليا لاني هسافر وانا من اسيوط فعاوز اروح متوهش والف حوالين نفسي