الأمان على طريق مصر أسكندرية الصحراوى

**AF_DIAB** · 01-04-2011 11:05 PM

السلام عليكم

أنا ياجماعه عضو جديد عندكم فى المنتدى الشيق ده وكان عندى استفسار عن لو حد عنده فكرة عن الأمان فى السفر من القاهرة إلى الأسكندرية بواسطة الطريق الصحراوى وخاصة مع الأسرة
أو لو حد عنده معلومه ايه أفضل الطريق الزراعى ولا الصحراوى

وأشكركم مقدما

**kimo_smiles** · 04-04-2011 06:38 PM

أنا كمان عايز أعرف عشان ﻻزم أسافر قريب
بس كلام صحابى أن الصحراوى و الزراعى كويسين بس فى النور
بالليل محدش منهم جرب

**3ateef** · 04-04-2011 06:41 PM

متابع ولو يا ريت حد يكون عنده خلفيه عن نظام الطريق بالليل...

**Atrees** · 04-04-2011 06:45 PM

بلاش الزراعي - خليك صحراوي نهارا - وخد معاك اي وسيلة دفاع عن النفس

**أبوسيف** · 04-04-2011 06:47 PM

ابعد عن الزراعى خالص ، بتوع النقل بيزعلوا لما يلاقوا ملاكى ماشى عليه

**Dr_Mido** · 04-04-2011 07:39 PM

انا رجعت يوم الجمعه اللى فاتت بالليل

طريق نيله الساعه 2 وربع متحرك من اسكندريه كان معايا على الطريق كله 3 عربيات ملاكى ونقل ماشى عامل احلى دماغ واحد منهم تاة ودخل طريق العلمين وما ادراك ما طريق العلمين عامل هو و الصحراوى زى افلام الرعب الامريكى كدة اما تبقى ماشى بالعربيه ومفيش اى اضاة غير عربيتك انت بس انا جربت وطفيت النور مفيش اى حاجه تشوفها وعلى مجبت البيه اللى دخل غلط كنت حاسس ان العبيتين لو اتفجحرو محد هياخد باله اساسا

مفيش ولا عسكرى لاشرطه ولا جيش و لا عساكر لعبه حتى على الطريق نهائى انا لولا كنت مضطر للرجوع للقاهرة مكنتش رجعت انا راجع وحاطط السلاح على التابلوة وماشى 160 اوعى تتحرك صحراوى بعد 10 بالليل والمحور والدائرى كذلك انعدام امنى كامل مفيش غير كمين يتيم عند جامعه الدول وكان فى خناقه بين الكمين ونقيب طيار كان عاوز يكليبش رائد شرطه علشان شتمته يعنى مفيش حمايه نهائى زيهم زى خيال الماته فى الغيط

**AF_DIAB** · 04-04-2011 08:43 PM

ألف شكر ياجماعة على الإهتمام والرد انا فعلا سافرت إسكندرية يوم السبت ولسه راجع النهاردة رايح جاع على الزراعى صباحا وللعلم الطريق الزراعى ظريف جدا وسالك ومفهوش أى مشاكل ومتسمعوش لأى إشاعات
وكان فى كمان على الوصله الجديدة اللى فيها كارتة الرسوم لجنة شرطه ورادار كمان
اما الصحراوى فانا سمعت انه مفهوش مشاكل صباحا بس مجربتش بنفسى

**Simsimzo** · 04-04-2011 09:23 PM

فعلا الطريق الزراعي اامن بمراحل من الصحرواي بس مشكلته في النقل لان فعلا هزارهم رخم جدا
وكمان الطوب الصغير والزلط والحصو اللي بيطير من النقل المحمل دا اسوا شيء مظبطلي الكبوت نقر بالعبيط والاكصدام كذلك
والصحراوي صحراوي مخيف فعلا والعربيات عليه قليلة بليل