النظريات البطيخيه في العربيات الصينيه ( موضوع كوميدي للنقاش حول السيارات الصينيه )

**tito_1980** · 02-04-2011 12:45 AM

انا قولت احطه في الاجتماعي عشان اكبر كميه اعضاء يشوفوه و تعالوا نبدأ و بسم الله الرحمن الرحيم

النظريات البطيخيه هي فرضيات لمعرفه مدي جوده ثمره البطيخ و مدي حلاوه طعمها و للاسف الشديد في الاونه الاخيره استخدمت هذه النظريات في تقييم السيارات الصينيه

يعني واحد يجيلي يقولك ( العربيات الصيني زي البطيخ يا حمره يا قرعه ) طبعا ده واحد بيهزر و واحد تاني يقول ( الايه بي اس اللي في العربيات الصيني انت و نصيبك يا يشتغل يا ما يشتغلش ) طبعا ده كلام موظف التوكيل و بيستعبط كالعاده

في الاول خلونا نستعرض مميزات العربيات الصينيه

1- صاج ناشف كأتجاه معاكس للسيارت الحديثه

2- تصميمات جميله لانها منقوشه من عربيات جميله

3- كم كماليات كبير بالنسبه للفئه السعريه اللي العربيات دي فيها

4- عوامل امان مش متوافره في باقي العربيات اللي في فئتها السعريه

نيجي بقه للعيوب العربيات الصينيه و قبل ما اتكلم علي عيوبها الكلام اللي بقوله ده من وجهه نظري التي تحتمل الصواب و الخطأ يعني ميخشش واحد يشتم عشان معاه عربيه صيني و يدافع عنها و لا كأني بذم في جوز عمته

عيوب العربيات الصينيه
1- خامات تحت المستوي زي خامات الاسبيرانزا كده و في خامات نقدر نقول عليها معقوله زي خامات الجاك و البريليانس و لكن برضه لم يرقوا لجوده خامات اسوأ عربيه كوري عي مر التاريخ

2- التقفيل دون المستوي برضه لان معظم العربيات الصيني بتتقفل في مصر زي الاسبيرانزا يعني صيني مصري ( بجت المجد من رجليه ) و في اللي بتتقفل في الصين و دي معقوله شويتين عن المصري بس برضه صيني ( قال يعني الصيني حلو اصلا )

3- مش هتكلم عن الكماليات اللي بتعطل كل شويه و عوامل الامان اللي ساعات بتطلع من المصنع مش شغاله اصلا و اللي شغال دلوقتي هيبوظ في خلال 3 سنين علي الاكثر يعني محدش يقولي عربيتي فله و شمعه منوره ما هتبوظ كمان شويه متقلقش

4- قطع غيار غير متوافره خارج التوكيل تقريباو اللي موجود في التوكيل صيني او مصري و لا حول و لا قوه الا بالله

و بعد سرد المميزات و العيوب اتضحلي انك لازم غصب عنك تطبق النظريات البطيخيه دي علي العربيات دي و للاسف الشديد النظريات دي مبتنطبقشي الا علي البطيخ عشان كده معظم الناس اللي معاها عربيات صيني تعبانه في عيشتها

و اللي يجنك اكتر تلاقي واحد عايز مقارنه بين اللانسر و الاسبيرانزا مثلا ازاي معرفش ؟ انا بقول ممكن نقارن بضع السيارات الكوري مع من فئتها في الياباني و بقول ممكن مع اني مش مقتنع اني اقارن صيني بكوري او كوري بياباني

و في النهايه احب اقول انا حيادي تماما و لا امتلك عربيه من اللي ذكرت في الموضوع و لو الصيني بقه احسن من الياباني في يوم هقول كده و انا فرحان من كل قلبي و اللي هيهاجم الصيني ساعتها هولع فيه و يجعله عامر

**MOUSTAFA_SAAD** · 02-04-2011 08:53 AM

انا معاك فى اللى بتقوله بس مختلف معاك فى حاجتين
1 الصاج الناشف مش عارف قصدك ايه لان تقريبا صاج العربيات الجديده كله واحد وخفيف جدا
4 عوامل الامان اللى فيها العبره هنا باختبارات التصادم الاوروبيه والدرجه الى حتاخدها فيها ومش معنى انه حطلك اير باج تبقى العربيه امنه

واخيرا انا معجب جدا بعربيه اسمها اسبيرنزا بصراحه العربيه دية انا سوقتها قبل كده فى الموديل الهاتش باك بتاعها

**wael17** · 02-04-2011 09:28 AM

موافق علي كلامك 100%
انا كان معايا سبيرانزا 516 من 2007 لحد 2010

**A7MED_PHARMA** · 02-04-2011 09:40 AM

المشاركة الأصلية كتبت بواسطة wael17

موافق علي كلامك 100%
انا كان معايا سبيرانزا 516 من 2007 لحد 2010

ودي بعتها بكام دي؟؟؟؟؟

فعلا مشكلة..كنت بعمل حاجة في عربيتي عند الميكانيكي..كن واقف وحد معاه سبيرانزا..
العربية مخبوطة في الجمب ومعمولة ....ومخبوطة في الشنطة..وطبعا مش لاقي قطع غيار إستيراد
ومش عارف يبيعها .. ولاعارف يصلحها عدل زي الناس..
غير إن كانت المكنة محتاجة شوية حاجات مش فاكرها ....كان لازم يروح التوكيل
يعني خرررررررررراب بيوت مستعجل

**د.محمود صلاح** · 02-04-2011 12:49 PM

معاناه سنة وشهرين مع الجيلي ck1 من 2006 - 2007 من الزيرو وخسارة عند البيع 23 الف ج وكنت ببوس على ايد اللي خدها ..

الأسباب كما تفضلت وذكرت بالضبط

**wael17** · 02-04-2011 07:06 PM

المشاركة الأصلية كتبت بواسطة a7med_pharma

ودي بعتها بكام دي؟؟؟؟؟

فعلا مشكلة..كنت بعمل حاجة في عربيتي عند الميكانيكي..كن واقف وحد معاه سبيرانزا..
العربية مخبوطة في الجمب ومعمولة ....ومخبوطة في الشنطة..وطبعا مش لاقي قطع غيار إستيراد
ومش عارف يبيعها .. ولاعارف يصلحها عدل زي الناس..
غير إن كانت المكنة محتاجة شوية حاجات مش فاكرها ....كان لازم يروح التوكيل
يعني خرررررررررراب بيوت مستعجل

انا عربيتي كانت عاملة 80 الف كم و مغيرة باب
ثمنتها هنا في المنتدي ب 44-45 الف
و بعتها لواحد معرفة كان هايدفع 45 الف و بعدين قال عايز يقسط قلتله قسط تبقي 50 الف عشان يدفع كاش بس لاقيته وافق!!!!!!
دفع 30 الف و كل شهر الف جنيه علي 20 شهر (انا وافقت علي القسط عشان معرفة و ضامن انه هايدفع)
العربية جديدة ب 59 الف و انا شايف اني بعتها بيعة كويسة و مش خسرانة...ركبتها 4 سنين ب 12 الف عشان كنت جايبها ب 62 الف أول ما نزلت مصر بعد ما جبتها بكام شهر طلعت ل 68 الف....يعني ممكن ناس تكون اشترت ب 68 و باعت ب 45 و دي خسارة كبيرة

**tito_1980** · 03-04-2011 12:52 AM

المشاركة الأصلية كتبت بواسطة moustafa_saad

انا معاك فى اللى بتقوله بس مختلف معاك فى حاجتين
1 الصاج الناشف مش عارف قصدك ايه لان تقريبا صاج العربيات الجديده كله واحد وخفيف جدا
4 عوامل الامان اللى فيها العبره هنا باختبارات التصادم الاوروبيه والدرجه الى حتاخدها فيها ومش معنى انه حطلك اير باج تبقى العربيه امنه

واخيرا انا معجب جدا بعربيه اسمها اسبيرنزا بصراحه العربيه دية انا سوقتها قبل كده فى الموديل الهاتش باك بتاعها :oc_sun1[1]:

يعني بص علي صاج اسبيرانزا 516 و بص علي صاج الفيرنا و ساعتها هتعرف الفرق , صاح الاسبيرانزا تقيل و محمل اما بتاع الفيرنا ورق كعاده الحديث عموما و الكوري خصوصا

المشاركة الأصلية كتبت بواسطة wael17

موافق علي كلامك 100%
انا كان معايا سبيرانزا 516 من 2007 لحد 2010

و اخبارها ايه معاك بالظبط ؟

المشاركة الأصلية كتبت بواسطة a7med_pharma

ودي بعتها بكام دي؟؟؟؟؟

فعلا مشكلة..كنت بعمل حاجة في عربيتي عند الميكانيكي..كن واقف وحد معاه سبيرانزا..
العربية مخبوطة في الجمب ومعمولة ....ومخبوطة في الشنطة..وطبعا مش لاقي قطع غيار إستيراد
ومش عارف يبيعها .. ولاعارف يصلحها عدل زي الناس..
غير إن كانت المكنة محتاجة شوية حاجات مش فاكرها ....كان لازم يروح التوكيل
يعني خرررررررررراب بيوت مستعجل

معاك حق

المشاركة الأصلية كتبت بواسطة د.محمود صلاح

معاناه سنة وشهرين مع الجيلي ck1 من 2006 - 2007 من الزيرو وخسارة عند البيع 23 الف ج وكنت ببوس على ايد اللي خدها ..

الأسباب كما تفضلت وذكرت بالضبط

يا ريت حضرتك تقولنا علي مشاكل الجيلي

**د.محمود صلاح** · 04-04-2011 11:23 PM

الجيلي تحس انك راكب شخليله كل حاجة بتطقطق وتشخلل والبلاستيك اللي في الصالون من النوع الردئ بتاع اللعب الصيني ..
غير تلف بوردة الزجاج الكهرباء وتلف علبة الباور وتلف ماكينات السنتر ووووووالخ من الآخر ليست للعمر الطويل

**tito_1980** · 05-04-2011 12:47 AM

المشاركة الأصلية كتبت بواسطة د.محمود صلاح

الجيلي تحس انك راكب شخليله كل حاجة بتطقطق وتشخلل والبلاستيك اللي في الصالون من النوع الردئ بتاع اللعب الصيني ..
غير تلف بوردة الزجاج الكهرباء وتلف علبة الباور وتلف ماكينات السنتر ووووووالخ من الآخر ليست للعمر الطويل

ايه البلاوي دي كلها ؟ ربنا يكون في عونك

المشاركة الأصلية كتبت بواسطة hondaman

كنت لسة شايف احد الاعضاء فى موضوع بيتكلم على عربية صينى واحد رد علية قالة انا لسة شاريها ( نفس العربية ) ومكملتش شهر ورح صلى الجمعة يجى يدور مش عايزة تدور الى اخرة
بصراحة مش عارف يعنى انا اشترى عربية جديدة اسمها زيرو واجى ادورها مترداش مهما كان العطل مينفعش اصلا حاجة زى دى تحصل اومال انا شاريها زيرو لية تفرق اية عن 128 مستعملة
بس حقيقى مش قادر افهم لما يكون معايا 100 الف جنية واروح اشترى عربية صينى عشان زيرو موضوع مش منطقى بالنسبالى واحط خط تحت كلمة زيرو عشان اللى بيشترى بيشترى عشان خاطر الكلمة دى مش اكتر

+11111111111111111111