الموضوع: الشعب يريد اسقاط المشير

يااااااه يا دكتور ... عشان حضرتك بتحط ردودك جوة الاقتباس بتصعب علينا اقتباس ردودك.

المشاركة الأصلية كتبت بواسطة dr-mohamed

معاك طبعا بشرط محاكمات مدنية عادلة تتوافر فيها كل حقوق الدفاع سواء في اول درجة او في الاستئناف او النقض عارف ليه ؟
لان ده حق لكل متهم ايا كان من هو
ولانك لو عايز تسترد مليم واحد من الخارج لن تسترده ابدا الا بهذه الشروط
والمحاكمات بالطريقة دي هاتاخد وقت كبير مش هاتخلص في يوم وليلة او حتي شهور قليل

كلام حضرتك سليم 100%.
بس لو كان المجلس العسكري طلع بيان مطمئن زي بيان يوم الخميس عن منع زكريا وصفوت وسرور من زمان كان طمئن الناس ونفى عنه تهم التباطؤ والتواطؤ وفي نفس الوقت أخدت الاجراءات القانونية وقتها.

ده زكريا عزمي فضل في منصبه لغاية وقت قريب
وسرور طلع لنا في المصري اليوم وكأنه مع مطالب الثورة قلبا وقالبا منذ سنين!

النهاردة المجلس العسكري طلع بيان مطمئن جداً ... وأعتقد انه رد فعل للتخوفات من عدم محاسبة الفاسدين وبسبب مظاهرة أمس.

المشاركة الأصلية كتبت بواسطة dr-mohamed

بص يا صديقي اعتقد والله اعلم انها مطالب لاغلبية الشعب لكن الاختلاف في الكيفية والوقت والطريقة وترتيب الاولويات عن نفسي ولا يفرق معايا المناوي لانى اصلا مش بشوف التليفزيون المصري الا نادرا ومتهيالي معظم الناس زيي الاهم عندي دلوقت تظهر البلد بشكل الاستقرار امام العالم الخارجي لعودة الاستثمارات والسياحة واي مظاهرة بتحصل بتظهر البلد غير مستقرة امام الاخري

تمام يا فندم ... يبقى احنا متفقين في الأهداف النهائية ... مختلفين في سرعة وترتيب تنفيذها.
أنا رايي ان الاستثمارات والسياحة مش هترجع الا بعد اقصاء الفساديين من مناصبهم ووضع انظمة تنافسية شفافة تحمي تكافؤ الفرص لجذب الاستثمارات.

وبما اننا متفقين على الأهداف ... أرجو من حضرتك رجاء أخ صغير من أخ كبير عدم التهكم من الشباب المتحمس لتطهير البلاد من الفساد قبل الشروع في البناء.

المشاركة الأصلية كتبت بواسطة dr-mohamed

انت قلت بنفسك 6 مليون مش الفين في مليونية واقل من 10 الاف في مليونية تانية واقل من 80 الف في مليونية اخري ومتهيالي ده يبين الفارق في التاييد الشعبي العام لكل منهم

تمام ... لأن طبيعي ان أغلب الغضب كان منصب في شخص مبارك وطبيعي ان الحماس يقل في المطالبة باسقاط باقي رجال النظام.
وزي ما قلت لحضرتك الشعب نفسه قصير بس اتفقنا ان ده مش معناه ان ضد المطالب دي.

المشاركة الأصلية كتبت بواسطة dr-mohamed

المقصود الا يعتقد البعض انهم يمثلون الاغلبية وهم ليسوا كذلك وحجم المشاركة في المظاهرات فعلا بيظهر حجم التاييد الشعبي لها ليه مش عايز تقتنع بده
الناس كلها تقريبا كانت مقتنعة ان النظام السابق فاسد وخرب البلد علشان كدة نزل اللى حضرتك قلت انهم لا يقلوا عن 6 مليون والناس معظمها كان مقتنع بالموافقة على التعديلات الدستورية بغض النظر عن الاسباب والناس معظمها مش موافق على تالظاهر دلوقت ليه منحترمش راي الاغلبية دلوقت زي ما الكل احترمه وقت الثورة ؟؟؟
وهناك بالفعل مطالب خاصة في التظاهرة الاخيرة وانت رفضت بعضها
وعدم المشاركة لا يعني بالضرورة الموافقة عليه
والمشاركة لا تعني ايضا الموافقة فالكثيرين ينزلون من باب الفرجة ليس الا وهو ما قاله احد زملائنا هنا

ممكن نقول حجم المشاركة بيظهر حجم التحمس الشعبي مش التأييد
احنا اتفقنا ان الأغلبية مؤيدة لجوهر المطالب بس غير متحمسة للتظاهر ويمكن رافضة التظاهر في حد ذاته زي ما حضرتك قلت
ده مش معناه اني مانزلش اتظاهر عشان تتحقق المطالب دي

المشاركة الأصلية كتبت بواسطة dr-mohamed

وخطورة نتيجة التعديلات لم تكن في النتيجة فقط بل بما مثلته من الضعف الرهيب عن كل الاتجاهات السياسية ولكل مرشحي الرئاسة الذين دعوا لرفض نعم واختيار لا في مقابل الشعبية الرهيبة والقدرة على توجيه الراي العام لرجال الدين سواء كان الاخوان او السلفيين او الكنيسة

ولو .... أنا لا تعنيني ضعف باقي القوى السياسية ومرشحي الرئاسة
وتقريبا مفيش قوى سياسية (سواء ضعيفة أو قوية) دعت للمظاهرة باستثناء حركات احتجاجية مثل الائتلاف و 6 ابريل
ما يعنيني هي مشروعية المطالب.
وألوم القوى السياسية القوية عدم وقوفها وراء هذه المطالب.

د.محمد


حضرتك بتكتب على الكيبورد العربي بسرعة أوي ماشاء الله


حضرتك معلقتش على بقيت المظاهرات إلي كانت في باقي المحافظات ...... لعل المانع خير


معلش أنا بحاول بس أفهم وجهة نظر حضرتك ....... منين حضرتك عايز الفاسدين الكبار يتحاكمو محاكمة مدنية عادلة و رافض مطالب الشباب ؟؟؟؟؟!!!!!!

المشاركة الأصلية كتبت بواسطة dr-mohamed

1) محاكمة مبارك وعائلته و حبيب العادلي والمسؤولين عن قتل المتظاهرين
2) سرعة زكريا عزمي وصفوت الشريف وفتحي سرور والتحري عن مصادر ثرواتهم ومحاكمتهم محاكمات عادلة
معاك طبعا بشرط محاكمات مدنية عادلة تتوافر فيها كل حقوق الدفاع سواء في اول درجة او في الاستئناف او النقض عارف ليه ؟
لان ده حق لكل متهم ايا كان من هو
ولانك لو عايز تسترد مليم واحد من الخارج لن تسترده ابدا الا بهذه الشروط
والمحاكمات بالطريقة دي هاتاخد وقت كبير مش هاتخلص في يوم وليلة او حتي شهور قليلة

و في نفس الوقت ...... مقتنع إن عمر الفاسدين حيتم ادانتهم في أي محاكمة

المشاركة الأصلية كتبت بواسطة dr-mohamed

وبعيدا عن شفيق فيه شخصين من اللى ناس كتير دلوقت بيقولوا لازم يتحقق معاهم انا شبه واثق ان لا يمكن حد هايعرف يطلع او يمسك دليل عليهم ولو اتقدموا لاي محكمة هياخدوا براءة

طب المفروض نعمل إيه ؟؟؟؟؟ نسيب الفاسدين الكبار ولا نحاسبهم ؟؟؟؟؟ نحاكمهم ولا عفا الله عما سلف ؟؟؟؟؟ نفتح الشباك ولا نقفله ؟؟؟؟؟


على سبيل الهزار ...... حضرتك بتفكرني بالأستاذ خليفة خلف الله خلف خلاف المحامي

أنا بهزر مع حضرتك لتلطيف الأجواء

تحياتي