الشعب يريد اسقاط المشير

**dr-mohamed** · 02-04-2011 09:54 AM

المشاركة الأصلية كتبت بواسطة محمد محمد

فت نظري ان فيه 4 منصات في الميدان وكل واحد عايز يتكلم بيتكلم
اصدقائي جالهم حالة استياء مكملناش ربع ساعة ومشينا.

المشاركة الأصلية كتبت بواسطة itsonlyme

بالنسبة للمنصات فهي كانت فعلاً فوضى والمتحدثين كانوا سيئين.

متحدثين المنصة المفروض يمثلوا النخب ... والنخب تركت الميدان.
فتحدث من لا يجيد فن الخطابة ولا يعرف كيف يوحد الصفوف.
ده يعيب النخبة التي تركت الميدان ولا يعيب الآلاف من الجماهير التي مازات واعية وتطالب بسرعة محاسبة الفاسدين

عمال أفكر ... اذا الاخوان كانوا منظمين منصة كان الوضع بقى ايه ... كانت المنصة بقت منظمة والخطاب الموجة منها مختلف تماما ... لكن للاسف الاخوان انسحبوا
طيب شباب الائتلاف اللي دعوا للمظاهرة ... ليه منظموش منصة برضو بخطاب موحد ومنظم؟

المشاركة الأصلية كتبت بواسطة wawoo

هو الاخوان بقو اغلبية دلوقتى ..انت قررت كدة من نفسك حتى قبل انتخابات مجلس الشعب و الشورى ..دى حاجة ظريفة خالص امال فى الانتخابات بجد ناويين يعملو اية ..
يعني التيارات الكثيرة المختلفة مع بعضها واللى خرجوا كلهم في ميدان التحرير امس يعتبروا كلهم علي بعض اغلبية ؟.
انا طبعا مش بقول ان الاخوان اغلبية الشعب لكن في نفس الوقت هم الاكثر شعبية من باقي الاحزاب والجماعات
و بعدين مين قال ان المظاهرة لازم تمثل الاغلبية ..المظاهرة كانت تمثل المطالبين بمطالب محددة وكلها مطالب شعبية
كيف لا تمثل الاغلبية وتعبر عن المطالب الشعبية ؟؟؟؟؟؟؟؟ مش فيه تناقض في العبارة ؟؟؟؟؟؟؟؟
يترى الاخوان مش عجبهم المطالب ولا مش عجبهم انهم مش طرف اساسى فيها ..
طريقة من ليس معنا فهو ضدنا
ومحاولة لاحراج الاخوان بشكل ظريف وادعاء انهم اما لا تعجبهم المطالب اللى حضرتك افترضت مقدما انها مطالب الاغلبية واما يرغبون في ان يصبحوا الطرف الاساسي
على فكرة المنصة كانت تنظمها جيد جدا ,, و فى ناس من النخبة اتكلمو زى الاستاذ محمد عبد القدوس مثلا
اصدقك ولا اصدق المشاركتين المقتبستين في اول كلامي والاثنين كانا في التحرير امس والثانية تحديدا لعضو من اشد الداعين والمؤيدين لتظاهرة الامس
و كمان مش ضرورى النخبة بس هى اللى تتكلم بس ..اى حد عندة راى مع مطالب الثورة و محب ليها يتكلم براحة .

صح كل واحد يطلع ياخد الميكروفون ويتكلم مش مهم هو مين ولا ايه ولا بيفكر ازاي ولا كلامه ممكن يسبب ايه ما البلد كلها دلوقت اصبحت مفكرين

**ehab_mansour** · 02-04-2011 10:06 AM

أولا :-الناس مش عايزه تفهم ان ميدان التحرير حاليا أصبح مزار للشعب المصري يعني فيه عدد كبير من الناس اللي بتروح دي عايزه تروح الميدان تتفرج وتقزقز لب وتقضي يوم جميل وشكرا علي كده ولا في دماغها مطالب ولا غيره
ثانيا ياريت اللي بيهاجم الاخوان او غيرهم من الاسلاميين لو عنده دليل يسيء لهم او ضدهم يقلنا عشان نبقي علي نور لأن الأيام دي مهمة جدا في تحديد مصير مصر ولذلك لابد من معرفة كل شيء علي حقيقته حتي لا ننخدع في أحد ولكن تكون معلومات صحيحة ومقنعه

وشكرا

**wawoo** · 02-04-2011 10:24 AM

المشاركة الأصلية كتبت بواسطة dr-mohamed

صح كل واحد يطلع ياخد الميكروفون ويتكلم مش مهم هو مين ولا ايه ولا بيفكر ازاي ولا كلامه ممكن يسبب ايه ما البلد كلها دلوقت اصبحت مفكرين

و دة يزعلك فى اية لما البلد كلها تبقى مفكرين هو حد يتمنى اجمل من كدة ..وتفرق فى اية هو مين و بيفكر ازى ..ما يفكر زى ما هو عاوز و يقول اللى هو عاوزة ...ولا عاوز نعمل زى الحزب السابق نعمل ملف لكل واحد فى امن الدولة و نراقب بيقول اية و بيتكلم مع مين عن مين و دولة بوليسية الكل مراقب فيها و محدد اقامتة بشكل غير مباشر

اظن انت بتتكلم اهة فى المنتدى اكبر من المنصة اللى فى التحرير و احنا منعرفش انت مين ولا بتفكر ازى و رغم ذلك بنسمعك عادى و بنرد عليك لما يلزم الامر ..

مش فاهم اية المشكلة ان كل واحد يعبر عن راية فى المنصة او فى اى حتة ..ولا هى حرية الراى مباحة لبعض الناس فقط و غيريهم لأ ..اية المنطق العجيب دة ..

اظن يعنى اللى بيتكلم على المنصة بيكلم ناس عندها عقول و ادمغة و تقدر تستوعب كل الكلام وتفرق بين الصح و الغلط و مش محتاجة واصى عليها و على عقولها و على تفكيرها من احد ..

..الكلام دة كان فى العهد البائد و كل دة حيتغير بالتدريج و الناس مع الوقت حتستوعب يعنى اية حرية الراى و حرية التعبير و ان كل واحد يعبر بطريقة بدون وصاية من احد مادام لا يخرج عن القوانين او يحرض على اعمال متنافية مع الاخلاق والاداب العامة

..هى فترة انتقالية كام سنة كدة و تخرج الناس من القومقوم بتاع الحزب السابق و تتنفس هواء الحرية و يفهمو معنها فعلا و يمرسوها على الارض فى التحرير و فى الصحافة و فى القنوات و فى كل منبر متاح ..

انا متفهم تخوف البعض من حرية الراى و حرية الفكر لانهم عاشو سنوات من القمع والكبت للراى على يد النظام البائد ..

**wawoo** · 02-04-2011 11:07 AM

المشاركة الأصلية كتبت بواسطة adelseliem

لما النخبه ما تتكلمش , يبقى محدش تانى يتكلم
مين بقى أتكلم أمبارح وكان من النخبه
والبرادعى أتكلم وقال أيه

ايوة كنت امبارح موجود بعد صلاة الجمعة على طول ..و بقولك الاستاذ محمد عبد القدوس اتكلم ,و لا دة مش من النخبة فى رايك...عموما براحتك كل واحد عندة النخبة الخاصية بية ..

و انا محضرتش وجود البرادعى و لا اعلم اذا كان حضر ولا .و بعدين كل واحد راح الميدان فى توقيت مختلف و فى مكان مختلف ..وارد يكون فى منصات اخرى لم اراها و راها غيرى ..هذا لا يتناقض مع راى الى راح فى توقت مختلف او شاف عدم تنظيم فى وقت من الاوقات او شاف ناس تانية بتتكلم..

اكيد يعنى انا مش موجود فى الميدان من 9 صباح ل 5 مساء و مش موجود فى كل مكان فى الميدان فى نفس التوقيت عشان احضر و اشوف كل حاجة بتحصل فية ..

على فكرة اللى كان بينظم المنصة الكبيرة عند هارديز هو نفسة منظم الجمعات السابقة مش فاكر اسمة بس كان بيتشغل فى قناة الجزيرة ..دة بقى علامة ممزية للثورة

**hobiko** · 02-04-2011 12:27 PM

شوية تعليقات

1) الإخوان و السلفيين مش هما بس إلي قالو نعم ناس كتير من الشعب المصري قالو نعم و أعرف مسحيين قالوا نعم

2) 77 % دي كانت نتيجة الإستفتاء على التعديلات الدستورية ....... دة معناه إن الأغلبية موافقة على التعديلات الدستورية فقط لاغير ...... مش عشان إنت قلت نعم يبقى رأيك بعد كدة على طول الخط ...... هو دة رأي الأغلبية ...... فيه ناس كتير من اصدقائي و أهلي و زمايلي قالوا نعم و نزله المظاهرة

3) أنا موافق على إن الاخوان عندهم قدرات تنظيمية متميزة ...... بس أسف جداً الاخوان لو عايزين يعملوا مليونية fee 24 ساعة ...... دي مبالغة جداً ...... لو كانوا يعرفوا يجمعوا الملايين من قبل الثورة كانوا عملوها

4) المظاهرة مكنتش التحرير بس ...... في مدن كتير في مصر انطلقت منها المظاهرات ....... الأعداد في اسكندرية هنا كانت كبيرة فعلاً

5) المظاهرة دي ولا كانت من أنصار البرادعي بس ولا أنصار عمرو موسى بس ....... في جمع إبراهيم كان فيه سلفيين و كان فيه اخوان و كان فيه شباب و كان في منقبات ...... كان فيه كل أطياف المجتمع

6) احنا ليه فاصلين مابين ائتلاف شباب الثورة و الاخوان ....... إلي أعرفه و متأكد منو ...... إن الاخوان ممثلين في الائتلاف و خرج منهم ناس كتير امبارح و شباب ذي الفل ....... للأسف قيادة الاخوان بردو لسه بتلعب اللعبة اياها ....... مصدرة الشباب في وش المدفع ....... و مستخبية

**smsm_cato** · 02-04-2011 12:39 PM

قريب قوى هنلاقى يفط مكتوب عليها الشعب يريد رحيل الشعب لانه كانمع مبارك ايد واحدة لمدة 30 سنة

**wawoo** · 02-04-2011 12:49 PM

المشاركة الأصلية كتبت بواسطة hobiko

6) احنا ليه فاصلين مابين ائتلاف شباب الثورة و الاخوان ....... إلي أعرفه و متأكد منو ...... إن الاخوان ممثلين في الائتلاف و خرج منهم ناس كتير امبارح و شباب ذي الفل ....... للأسف قيادة الاخوان بردو لسه بتلعب اللعبة اياها ....... مصدرة الشباب في وش المدفع ....... و مستخبية

الله ينور يا هوبيكو ..اتفق معاك تمام

فى نقطة الاخيرة بس انا كنت فاهم زيك كدة ان الاخوان حاجة واحدة .انما على ارض الواقع جماعة الاخوان لم تشارك امس و دى بتمثل الجماعة الاصلية التى تدعى ان عندها القدرات الخارقة على حشد الناس .

انما الاخون اللى شاركو امس هما شباب الاخوان وليسو ممثلين للجماعة و تقريبا مختلفين فى افكراهم عن الجماعة الاصلية و هؤلاء الشباب مع الثورة من اليوم الاول ..و قريبا يمكن يعملو حزب اخر منفصل تمام عن الجماعة و دة ضد رغبة القيادات فى الجماعة الام اللى عاوزة حزب واحد فقط هو اللى يمثلها

..عشان كدة الجماعة ترفض اى احزاب اخرى تخرج من رحم الاخوان او من اعضاء سابقين فى الجماعة غير الحزب الخاص بيها ...يرفضون تمام من يقوم بالانفصال عنهم و يعتبرونة معادى لهم ..لية بقى عشان انفصال احد القيادات حيجزب معاة عدد من الاخوان المؤييد لة و كدة تفقد الجماعة جزء من القوة التصويتية لها فى الانتخابات و بالتالى احلامهم فى الوصول لمجلس الشعب او غيرها تكون مهددة ..

و عندك مثال حزب الوسط اللى احد قياداتة عصام سلطان كان من الجماعة سابقا و لكن انفصل عنها و عمل حزب الوسط ..انقلبت الجماعة علية و مش بس كدة دى تعاونت كمان مع الحزب السابق لمنع اقامة الحزب كلة ..
شوف المقطع دة عشان تفهم الجماعة ازى بتتعامل مع اعضائها السابقين ...طبعا الحوار دة قبل الثورة ..و هناك تنبء باحدث الثورة كمان

[youtube]http://www.youtube.com/watch?v=j4o6riStX04[/youtube]