الموضوع: الشعب يريد اسقاط المشير

المشاركة الأصلية كتبت بواسطة cheetos_892005

اول شعارين مش غلط اوي ....واتناقشنا امبارح

بس مش وقته خالص خالص خالص للصبح

التالت ده استهبال و عاطفيه .......

بص انا ممكن اجيب مايك ب 100 جنيه و امشي اطلب سندوتش فول

محدش هيكلمني في الميدان .......

انزل الميدان اقف بدون هتافات ما عدا اللي يعجبك او تلاقيه هو ده المطلب الشعبي فعلا

هو ده مش بس اللى ضايقنا كان فيه يفط يتطالب بوجود دستور جديد للبلاد ومجلس رئاسي ولا كأن فيه استفتاء نزيه حصل.
الشاهد ان بقي فيه نظام املائات علي الناس تعمل ايه ومتعملش ايه والوحدة بتاعت ايام الثورة معدتش موجودة زي الأول والتفرق هو المظهر السائد في الميدان.

كان بيتقال شعارات كتير والمشير مكانش سبب المظاهره اصلا... وان كان زى ما شيتوس ذكر الموضوع فى ان برضه ...
حصل ايجابيات كتير وحضرتك ناقل سلبيات بس ليه ...ممكن حد يقولك الاخوان والسلفيين لم يشتركوا النهارده وهتسمع اسباب كتير نتيجه عدم مشاركتهم صدقنى....
اتمنى الى يحب بنقل ينقلنا الصوره كامله ايجابيات وسلبيات مش كلام معين يظلم بيه حد..والكلام عام وليس شخصى للاستاذ محمد صاحب الموضوع

نظرية استخدام نفس تكتيك الهجوم لقلب المائدة. كيف سقط المخلوع .عن طريق المظاهرات. إلي ماذا تهدف المظاهرات. إلي الحرية. هل الحرية قاصرة علي شخص ما أم انها متاحة للجميع. متاحة للجميع إذا كل شخص حر في شعاراته. أنت تتظاهر ضد مبارك إذا لا يجوز لك ان تمنعني من التظاهر لأجل مبارك. (هذا ماحدث عند مسجد مصطفي محمود ). المظاهرات الفئوية . أخيرا محاولة تقسيم المظاهرة الواحدة عن طريق تنوع الشعارات المستفرة والأعمال المخربة وذلك لاثارة الرأي العام وهو القوة الداعمة للثوار ضد المتظاهرين.

المشاركة الأصلية كتبت بواسطة medo_2060

كان بيتقال شعارات كتير والمشير مكانش سبب المظاهره اصلا... وان كان زى ما شيتوس ذكر الموضوع فى ان برضه ...
حصل ايجابيات كتير وحضرتك ناقل سلبيات بس ليه ...ممكن حد يقولك الاخوان والسلفيين لم يشتركوا النهارده وهتسمع اسباب كتير نتيجه عدم مشاركتهم صدقنى....
اتمنى الى يحب بنقل ينقلنا الصوره كامله ايجابيات وسلبيات مش كلام معين يظلم بيه حد..والكلام عام وليس شخصى للاستاذ محمد صاحب الموضوع

مضمون المطالب اكبر شيء ايجابي...بالنسبة لنقلي السلبيات فده يمكن يرجع الى ان دي اول مرة اروح ميدان التحرير ثانيا مفضلتش هناك كتير فطبيعي ان عيني تبقي واخدة اسلوب النقد..

ربنا يسترها
و المطالب تبقة فى اللذيد و متبهوقش منهم
الاعتدال يا جماعة

مشاهدات خاصة :

غير ملحوظ وجود امنى بالميدان ..... فقط تواجد رمزى أمام بوابة المتحف المصرى
نفس الوجوه المتطلعه للحريه والعداله ... وتتمنى غد أفضل.
هتافات ولافتات متفرقه تعبر عن رؤية اصحابها وتهم آخرين .
لافته كبيره بعنوان ( جامعة حره ) يسير خلفها مجموعة من البنات محاطين بزملائهم الشباب بشكل مريح للنظر .
وفود وجماعات وأسر وأفراد متتاليه تدخل الى الميدان من كل اتجاه .
قوائم من المطالبات مختلفة العبارات ولكن بنفس المضمون .
منصات متعدده و المطالب والهتافات شبه واحده فى مضمونها .
مجموعة ملتفة حول ( حمدين صباحى ) و أخرى تتحدث مع ( لواء جيش ).

من الطرائف : قدوم مجموعة 20 - 30 شخص ( غير مؤكد هويتهم سواء ليبيين أو مصريين ) داخلين للميدان من عند المتحف يحملون رايات خضراء ويهتفون بالتأييد للقذافى .
قذفهم السكان الأصليين لميدان التحرير بالهتافات المضاده للعقيد و بالحريه لليبيا ....... دقائق معدودة ثم تقهقروا ( مهرولين ) باتجاه ميدان عبد المنعم رياض ثم تبخروا واختفت الرايات الخضراء.