عاوز اعرف خامات فرش العربيات الجلد او القطيفة بتتباع بالمتر فين علشان عاوز اشترى خامة نظيفة و اديها للسروجى يظبطها لان الخامات اللى ورهانى مش قد كده
عرض للطباعة
عاوز اعرف خامات فرش العربيات الجلد او القطيفة بتتباع بالمتر فين علشان عاوز اشترى خامة نظيفة و اديها للسروجى يظبطها لان الخامات اللى ورهانى مش قد كده
متاااااااااااااااااابع
لازم السروجى يحددلك هتجيب كام متر
فيه 3 محترمين جدا فى داخل المناصره بس مش عارف الاسامى
و فيه ناس كتير فى الشارع بتاع بين الصورين
ازيك يا باشمهندس محمد
فينك واحشني والله
بص يا سيدى فى واحد فى ش محمد فريد معروف جدا جدا امام شارع قوله امام مسجد عماد الدين5دقائق من محطه محمد نجيب
وواحد تاني كبير جدا فى شارع مجلس الشعب امام مسجد الشيخ صالح اسمه سعد تقريبا وده عنده كل حاجه جلد -قطيفه -شماسات -فرش باب -مقابض خراطيم كاوتش للابواب -كله كله عربيات بس
لو مش عارف توصل كلمنى وانا اوصفلك او اوصلك ميجيش من بعد ذوق حضرتك وخدماتك وتليفونى 0101154220
السلام عليكم ورحمة الله و بركاته
الأخ MAKA
انا اشتريت الخامات بتاعتي إللي موجودة في موضوعي دة
http://www.nilemotors.net/Nile/21060...post3873392342
من منطقة المناصرة جنب العتبة علي طول مجرد انك وانت في ميدان العتبة تسأل فين شارع محمد علي و تدخل فيه شوية و تسأل فين إللي بيبيعوا المشمعات و فرش السيارات و مستلزمات السروجي
انا جبت خاماتي كلها من محل واحد اسمه (شركة علي موسي علي الشريف ) و دة رقمه إللي علي الكارت
0123475268
او
23951511
و برده يا ريت تتابعنا بالأسعار و الدنيا بتقول ايه
و برده شوف ماقالة الأخ W-M-a طالما هو اعطاك اماكن اخري شوف في كذا مكان و شوف الفرق بين الخامات
ربنا يوفقك
استاذ ماكا حضرتك مش عارف تروح المناصره ولا بين الصورين؟
انا باتكلم على بتوع فرش العربيات
الى في شارع محمد على اغلى من الى جوه و خاماتهم مش افضل
هاوصف لك تروح زى ما بعمل
هتدخل شارع محمد على من عند العتبه و تمشى و تسيب سوق الفاكهه على شمالك
و تدخل اول شمال على ناصيته ناس بتبيع اثاث منزلى و امشى فى الشارع ده طوالى تقريبا 300 متر هتلاقى محل كبير على شمالك واخد ناصيه
ده ارخص و بيشرح الخامات بامانه حتى لو معندوش و عنده فوم جاهز للكراسى و المخادع و عنده برضه مشغل بينزل جاهز و ممكن يفصل لك
يا باشا انت اكتر و الله بس مشاغل الحياة للاسف بتلهى و اعذرنى انى مقصر فى حقك
اقتباس:
بص يا سيدى فى واحد فى ش محمد فريد معروف جدا جدا امام شارع قوله امام مسجد عماد الدين5دقائق من محطه محمد نجيب
وواحد تاني كبير جدا فى شارع مجلس الشعب امام مسجد الشيخ صالح اسمه سعد تقريبا وده عنده كل حاجه جلد -قطيفه -شماسات -فرش باب -مقابض خراطيم كاوتش للابواب -كله كله عربيات بس
لو مش عارف توصل كلمنى وانا اوصفلك او اوصلك ميجيش من بعد ذوق حضرتك وخدماتك وتليفونى 0101154220
كلك ذوق و الله يا استاذ وائل و طول عمرك خدوم و بتاع واجب
الوصف سهل باذن الله هتوكل على الله و انزل اتفرج ان شاء الله و لو عوزت حاجة هكلمك يا باشا و انت دايما صاحب واجب و مبتتاخرش على حد
تسلملى يا باشمهندس ادهم و شكرا على الوصف و اسم المحل هنزل اخد لفة باذن الله و اتابعكم بالخامات و الاسعار
و موضوعك بسم الله ما شاء الله ممتاز
يا باشا تسلملى على الوصف الدقيق و كلك واجب
بس لو اتعبك معى و تفتكر اسم المحل يبقى بيس :Oc_sun1[1]: