ليه كده نفسى اعرف !!؟؟؟!!!
اولا السلام عليكم ورحمة الله وبركاته
انا عارف ان الموضوع طويل بس معلش كمله للاخر
ويارب نكون كلنا بخير وبصحة وسلامة وربنا يوفقنا اننا نكون عايشين فى بلد متقدمة بجد وتفضل مصر على طول الزمان رافعه رأسها عالية بين الدول (( كلام جميل ونفسنا نحققه ولكن مش هيتحقق الا بالعمل الجاد والتفكير العقلانى الجاد والتمسك بالدين ))
السؤال ما يحدث هذه الايام من بداية فتنة واتمنى الله ان لا تحدث هذه الفتنة ولكن الفتنة لن تكون بين مسلم ومسيحى فقط ولكن بين المسلمين بعضهم البعض (( للاسف اقسم بالله بكتب الكلام ده وانا بعيط وحاسس بنوع من الهم ))
ايوة فى فتنة بين صفوف المسلمين اولا : يوجد اكثر من اتجاه دينى فى اليلد (( الاخوان _ السلف _ الصوفيين ))نجد تشبث الاخوان بأرائهم وفعل كل شئ للوصول الى العمل البرلمانى والوصول لسدة الحكم يصرف كل ما هو غالى ونفيث فى سبيل ذلك
طيب هو انت اتجاه دينى ولا سياسى ؟؟ يقولك دينى سياسى _ وشوية يقول سياسى ولكن التمسك بالدين شئ مهم (( طبعا كلام حلو اوى اوى اوى )) طالما انت دينى فى المقام الاول ثم سياسى قولى كده ايه مشروعاتك لاعلاء كلمة الاسلام فى مصر وفى دول العالم وبالاخص لانك جماعة كبيرة وموجود فى كثير من الدول ؟؟؟ سؤال لم يكن له اى اجابة
السلف ظهروا فى الصورة جديدا بزى الاسلام والدين وهذا شئ عظيم ولكن تدخلوا فى العمل السياسى بفرض ارائهم فقط وكل من يناقشهم فهو علمانى ليبرالى (( وهذه كناية انه كافر ولكن بيقولها بطريقة تانية لانك لو سألته يعنى ايه علمانى يقولك كافر ))
وظهو الكثير من المشايخ مما يظهرون فى التليفزيون والخطب على المنابر وهم يكفرون اناس كتير ويقول هذا وذالك والتعرض لمسائل بعيدة كل البعد عن الدين وفى حالة العتاب واللوم (( المقولة الشهيرة , اصلى كنت بهزر )) مع ان فى حديث شريف ان اللى يقول كلام ويرجع فيه ويكون كدب لا يدخل الجنة
ما فعله السلفيون فى الاضرحة حيث قاموا بهدم الكثير من الاضرحة فى القليبوية والدقهلية وهددوا بهدم ضريح الحسين وهنا الكارثة ومربط الفرس ؟
(( انت ايه دخلك بحاجة زى دى انت ليس ولى امر علشان تعمل كده وبالطريقة دى انت بتسئ لدينك ؟؟ وهل انت كده بتحافظ على دينك لا والله انت بتضر دينك وانت بتعمل كده علشان تحاول تبان فى الصورة وتفرض رايك ))
طيب مفكرتش انك لما تعمل كده هتلاقى الصوفيين يبدأوا يتكلموا ويقولوا حقنا وبالتالى الشيعة هيقولوا حقنا وهتدخل فى دائرة عريضة قد تصل الى حفرة من النار وانت انشغلت عن الهدف الرئيسى وهو دينك اولا ثم بلدك
طيب لو كل واحد ركز فى نفسه ودينه وبدا يصحح اخطائه وبدأنا نشتغل شوية ده ياراجل البوذيين متقدمين عننا قولى بقا احنا عملنا ايه لنفسنا ؟؟ ولا حاجة الا الجدال العقيم حول مدنية ولا دينية علمانى ولا ليبرالى وخلاص نطلع بفايدة لا والله
ياريت نصحى بقا وكفاية اقسم بالله احنا بنضر نفسنا بنفسنا الخير من الله والشر من انفسنا
كلامى ممكن ميعجبش حد انا عارف بس ده الصح من وجهة نظرى