الموضوع: ليه كده نفسى اعرف !!؟؟؟!!!

المشاركة الأصلية كتبت بواسطة skybird

كلامك في الصميم ويحتاج لنقاش جاد

الاختلافات وتعدد التيارات في هذه المرحلة شئ طبيعي جدا وهتفضل الصراعات تشتد ولكن ستظل في اطارها السياسي وبعد كده هيتم فرز كل القوة السياسية وسيبقى الاصلح والانفع للناس
اما الغير مقبول
فهو الانتقال من العمل السياسي الى التعدي بالخراب
مثلا
هدم اضرحة اولياء الله الصالحين والتهديد بالتعدي على ضريح سيدنا الحسين عليه السلام فهذا الفعل اجرامي شنيع لم تر الانسانية له شبيها
سيظل هؤلاء يملؤهم الغيظ على اولياء الله صالحين حتى وهم في قبورهم فينتقمون من علمهم وتقواهم بنبش قبورهم ليريحوا نفوسهم المريضة
اما الادعاء بان هذه الاضرحة اوثان تعبد من دون الله فهو للضحك على البسطاء لانهم لو كانوا جادين لنشروا الوعي عند الناس بدل ان يمسوا حرمة الاضرحة مع العلم انه لايوجد مصري يعبد ضريح فهو ادعاء كاذب
ذكرني هذا الفعل بما فعلته حكومة البحرين حين وجدت المتظاهرين يجتمعون في ميدان اللؤلؤة قامت بهدم الميدان بدل ان تقوم بالاستجابة لمطالب الناس

الدكتور على جمعة مفتي مصر قال اليوم لهؤلاء الذين هدموا الاضرحة والذين يريدون التطاول على ضريح سيدنا الحسين عليه السلام " قُطعت ايديهم وارجلهم " واسمعهم كلام سيقلق منامهم ان شاء الله

لا يا سيدي لا اعتقد ان كلامك صحيح
لم يتعد احد علي ضريح بسبب الانتقام او التجريح في الميت بل بالعكس هو اكرام له
ما ينتهك باسم الاضرحه وتطاول علي الله وعلي الرسول لا يجوز شرعا
وما حدث ((برغم اني ارفضه)) لا اعتقد انه بسبب ضغينه مع ميت بل مع جهل بالدين
ولذلك انا ضد اللي حصل والمفروض يحصل توعيه للناس بدل من اثاره البلبله

المشاركة الأصلية كتبت بواسطة m_car

الفتنة لن تكون بين مسلم ومسيحى فقط ولكن بين المسلمين بعضهم البعض (( للاسف اقسم بالله بكتب الكلام ده وانا بعيط وحاسس بنوع من الهم ))
ليه يا استاذ بتعيط طوال شهر مارس وفبراير لم اجد لك مشاركة واحدة تمدح فيها الاسلاميين بل كله مدح في البرادعي والغد والليبرالية والسخرية من الملتحي ابو دقن
ايوة فى فتنة بين صفوف المسلمين اولا : يوجد اكثر من اتجاه دينى فى اليلد (( الاخوان _ السلف _ الصوفيين ))
طيب ما فيه اكتر من اتجاه في الليبرالية الغد منقسم على ذاته ثم البرادعي ومجموعته والوفد ومجموعته ولا التعدد عند الليبراليين حلال وعند الاسلاميين حرام او بدعة ؟
نجد تشبث الاخوان بأرائهم وفعل كل شئ للوصول الى العمل البرلمانى والوصول لسدة الحكم يصرف كل ما هو غالى ونفيث فى سبيل ذلك
تقصد ان الاخوان باعوا كل ما هو غالي ونفيس للوصول للحكم ؟
هات دليلك ولا مجرد اختلافهم في الراي مع تيارات اخري اصبح بيع لكل ما هو غالي ونفيس ؟؟؟؟؟؟
طيب هو انت اتجاه دينى ولا سياسى ؟؟ يقولك دينى سياسى _ وشوية يقول سياسى ولكن التمسك بالدين شئ مهم (( طبعا كلام حلو اوى اوى اوى )) طالما انت دينى فى المقام الاول ثم سياسى قولى كده ايه مشروعاتك لاعلاء كلمة الاسلام فى مصر وفى دول العالم وبالاخص لانك جماعة كبيرة وموجود فى كثير من الدول ؟؟؟ سؤال لم يكن له اى اجابة
طيب زي ما بنلوم الاخوان انهم ليس لهم حتي الان مشروع متكامل او برنامج متكامل لاعلاء كلمة الاسلام نلوم على الاخرين عدم وجود برنامج لعمل اي شئ مجرد كلمات جوفاء واحلام وهجوم على الاسلاميين لانهم اقرب للشارع منهم
السلف ظهروا فى الصورة جديدا بزى الاسلام والدين وهذا شئ عظيم ولكن تدخلوا فى العمل السياسى بفرض ارائهم فقط وكل من يناقشهم فهو علمانى ليبرالى (( وهذه كناية انه كافر ولكن بيقولها بطريقة تانية لانك لو سألته يعنى ايه علمانى يقولك كافر ))
اول مرة اعرف ان علماني يعني كافر ولا علشان واحد ملتحي قالك كدة على حسب كلامك انت يبقي كل السلف بيقولوا كدة ؟؟؟
وظهو الكثير من المشايخ مما يظهرون فى التليفزيون والخطب على المنابر وهم يكفرون اناس كتير ويقول هذا وذالك والتعرض لمسائل بعيدة كل البعد عن الدين وفى حالة العتاب واللوم (( المقولة الشهيرة , اصلى كنت بهزر )) مع ان فى حديث شريف ان اللى يقول كلام ويرجع فيه ويكون كدب لا يدخل الجنة
الكثير من المشايخ يكفرون العلمانيين ؟ الكثير يعني اكثر من 3 هات ادلتك
ورجعنا تاني لموضوع الشيخ يعقوب هو انتم متعبتوش من الهجوم على الشيخ يعقوب ؟
وبعدين انت حكمت على الشيخ يعقوب انه كان كاذب لما رجع في كلامه وانه لن يدخل الجنة ؟؟؟؟؟ ايه الهنا اللى احنا فيها ده هو احنا رجعنا مرة تانية لصكوك الغفران ؟
مش شايف انك انت نفسك بتكفر غيرك وتحرمه من دخول الجنة وتدعي كذبه وتدعي معرفتك لما في باطنه ؟؟؟؟؟؟؟
ما فعله السلفيون فى الاضرحة حيث قاموا بهدم الكثير من الاضرحة فى القليبوية والدقهلية وهددوا بهدم ضريح الحسين وهنا الكارثة ومربط الفرس ؟
مصدر حضرتك طبعا الجرائد واللى بيقولوا انهم صوفية
طيب انت عارف بيحصل ايه عند الاضرحة دي والموالد ؟؟؟؟؟؟
شفت طلب العون من غير الله والتوسل باللى بيقولوا عليهم اولياء ؟
فيه احاديث كثيرة جدا تنهي عن ذلك
سيدنا عمر حين وجد الناس قد افتتنوا بشجرة البيعة قام بقطعها ولم يكن احد يتوسل بها والمطلوب ان يترك الناس ستوسلون بأموات لا يملكون لانفسهم ضرا ولا نفعا ؟؟؟
(( انت ايه دخلك بحاجة زى دى انت ليس ولى امر علشان تعمل كده وبالطريقة دى انت بتسئ لدينك ؟؟ وهل انت كده بتحافظ على دينك لا والله انت بتضر دينك وانت بتعمل كده علشان تحاول تبان فى الصورة وتفرض رايك ))
بيضر دينه من وجهة نظرك انت لكن من وجهة نظر الكثيرين لا يضر دينه بل ينفعه
طيب مفكرتش انك لما تعمل كده هتلاقى الصوفيين يبدأوا يتكلموا ويقولوا حقنا وبالتالى الشيعة هيقولوا حقنا وهتدخل فى دائرة عريضة قد تصل الى حفرة من النار وانت انشغلت عن الهدف الرئيسى وهو دينك اولا ثم بلدك
كمان الشيعة هايحتجوا ؟ صح ما البهائية ليهم حق الاعتراف بيهم كدين والشيعة ليهم حق يعترضوا على اي شئ يحدث في مصر
وهل القضاء على ما يتعارض مع صحيح الدين انشغال عن الدين ؟؟؟؟؟؟؟
طيب لو كل واحد ركز فى نفسه ودينه وبدا يصحح اخطائه وبدأنا نشتغل شوية ده ياراجل البوذيين متقدمين عننا قولى بقا احنا عملنا ايه لنفسنا ؟؟ ولا حاجة الا الجدال العقيم حول مدنية ولا دينية علمانى ولا ليبرالى وخلاص نطلع بفايدة لا والله
طيب ما دام ده راي حضرتك ليه بدل ما تعمل موضوع عن كيفية النهوض بالبلد عملت موضوع مخصوص علشان تهاجم فيه التيارات الاسلامية كلها ؟؟؟؟ وليه مشاركاتك اخر شهرين كلها تمجيد في الليبرالية والعلمانية واتباعهما وهجوم على الاسلاميين وسخرية منهم ؟ أتأمرون الناس بالبر وتنسون انفسكم ؟؟؟؟؟؟؟
ياريت نصحى بقا وكفاية اقسم بالله احنا بنضر نفسنا بنفسنا الخير من الله والشر من انفسنا

والله انا شايف ان الضرر ممن يسعي لتشويه كل ما هو اسلامي والتمجيد في كل ما هو ليبرالي او علماني فقط

المشاركة الأصلية كتبت بواسطة m_car

ليه حولت كلامى انى بحارب الاسلام والشيوخ وكأنى مثلا مش مسلم ولا بحب الدين الاسلامى لا انا غيور على الاسلام وبفكر بعقلانية
ببساطة شديدة لانك قلت انك بتعيط من خوفك على الاسلام والمسلمين واخر شهرين لم اجد لك مشاركة واحدة تؤيد فيها اي شئ حسن فعله الاسلاميين او تنتقد اي شئ سئ فعله غيرهم بل وال شهرين كل مشاركاتك هجوم على الاسلاميين وسخرية من الملتحي ابو دقن الجاهل اللى بيكفر العلمانيين ومدح في كل من هو ضد الاسلاميين
اما انك مسلم او غير مسلم او حبك للاسلام فأمر ليس لي علاقة به ولا يمكن ان اقترب منه لانه ليس من حقي او حق غيري التشكيك في عقيدة الاخرين او ايمانهم
ولو كنت انا مساند للبرادعى او الدكتور ايمن نور او مساند لليبرالية ده شئ من غلط لانى بفكر بدماغى وبعقلى اللى ربنا مديهولى مش بردد كلام مثل الببغاء
حقك تؤيد من تريد لكن ليس من حقك توجيه الاتهامات غير الحقيقية للاخرين والتسفيه منهم
وربنا يكملك بعقلك اكتر
انا والدى امام مسجد على فكرة يعنى مش متربى فى بارات ولا ديسكوهات وبعدين السلف دايما متشددين فى رأيهم والراى الاخر هو غلط بدون ادنى تفكير فى الرأى الاخر وممكن يكون الراى الاخر احسن من رأيه
انت ليه بتفترض ان حد قال انك متربي في بار ولا ديسكو ؟؟؟؟
وربنا يخلي لك والدك امام المسجد بس يا ريت تبقي تعرف رايه في الاسلاميين الموجودين على الساحة ممن لا يعجبوك وتسئله عن تشويه صورة الملتحين
وبعدين انت وجهت ليا اساءة لانك اتهمتنى انى بحاول اشوه صورة الاسلام ودى انا مس هحاسبك عليها ربنا اللى يحاسبك (( طبعا هتتريق وتقول انا اسأت ليك ازاى ))
لم اوجه لك اتهام وانما قلت ما تردده في مشاركاتك
وفين التريأة في ردي عليك ؟؟
ولو كنت اسأت اليك او اتريأت عليك - وهو ما لم يحدث- فيا ريت تسامحني لانى لا اريدك ان تاخذ من حسناتي ان شاء الله
وحسابنا جميعا عند الله حيث سيحاسب كل انسان على ما قال او كتب ربنا يرحمنا برحمته ويجعل كل حروفنا وكلامنا لنا لا علينا
وبعدين انا مش بمجد فى اى ليبرالى وعلى فكرة انا ضد العلمانية وبعمنى اصح انا ضد البعد عن الدين نهائيا
ايه ده هي العلمانية تؤدي للبعد عن الدين نهائيا ؟؟؟؟؟؟؟؟؟
معلومة جديدة نعرف راي مؤيدي العلمانية فيها وفيه البعض في المنتدي هنا بيقولوا انها لا تتعارض مع الدين ابدا
ولكن السلف والشيوخ واصحاب الدقون هما مما يأخذون موقف الضد لاى فكر مناهض لفكرهم
تاني اصحاب الدقون ؟؟؟؟
هي دي بقت تهمة تاني اليومين دول وانا معرفش
عرفت مين اللى بيسخر من غيره ؟
وانا مش بتريق ولا بشتم اى واحد مربى دقنه زى ما قلت وبحثت فى مشاركاتى لا انا بقول حقيقة
حضرتك بتعتبر كلامك هو الحقيقة على اي اساس ؟
انت وانا واي حد هنا بيقول راي وليس الحقيقة
وراجع حتي مشاركاتك في الموضوع ده وكلامك عن اللى بدقن

وعلى فكرة لو انت متابع الاخبار صح مش ترديد كلام كنت عرفت ان الجمعية الوطنية للتغير اللى من وجهة نظر الشيوخ انها علمانيين طلبت غلق جميع الديسكوهات وجميع بارات الخمر على فكرة
هات دليل واحد على ان الجمعية الوطنية للتغيير طلبت غلق جميع الديسكوهات وجميع بارات الخمور علشان يبقي كلامك مش ترديد كلام
وشكرا على مشاركتك فى الموضوع ولكن ياريتك تقرأ اكتر وفكر بعقلك

شوف انت في موضوع واحد قلت على شخص بيناقشك ايه:
1- بتوصف نفسك بتقول فكر بدماغى وبعقلى اللى ربنا مديهولى مش بردد كلام مثل الببغاء وبالتالي من يخالفك في الراي هو هذا الببغاء الذي لا يفكر بعقله
2- تاني بتوصف نفسك بتقول انا بقول حقيقة وبالتالي فمن يقول عكس كلامك يقول الباطل
3- المرة دي بتوصف من يخالفك لو انت متابع الاخبار صح مش ترديد كلام يعني تاني اللى بيخالفك بيردد كلام من غير ما يتابع الاخبار مع ان الخبر بتاعك اول مرة اسمعه منك انت شخصيا حالا
4- بتنصب من نفسك في موقف الحكيم الذي ينصح الاخرين وبتقولي ياريتك تقرأ اكتر وفكر بعقلك وكاني لا اقرا ولا افكر بعقلي

المشاركة الأصلية كتبت بواسطة m_car

طيب الجديد بقا انهارده فى برنامج صباحك عندنا على المحور اتصلوا بالمتحدث باسم السلف فى الاسكندرية وهو اسمه عبدالمنعم وسالوه ان هما كانوا عاملين امبارح اجتماع فى احد المساجد وكان طلبهم تطهير مصر من الاصنام وهى تماثيل الفراعنة من وجهة نظرهم انها (( حضارة متعفنه )) وانا سامعها بودنى لانى متابع البرنامج ده

الغريبة انك قلت السؤال اللى سئل للسلفي
ولم تقل رده وكان المطلوب ان نصدق ان هذا هو رده او انه وافق على ذلك
يا ريت تجيب لي فيديو لواحد من مشايخ السلفية الكبار بيقول ان التماثيل الفرعونية اصنام يجب هدمها
مش عارف الكلام ده بيفكرني بالمسلسلات الهابطة اللى بتتكلم عن الاسلاميين ليه