الموضوع: فضفضه للاخوه المتزوجون و غير المتزوجون

المشاركة الأصلية كتبت بواسطة A.Saad

بغض النظر عن موضوع البنات اللى مش داخلة دماغك
بس انا تقريبا راى هيعقدك
الراى ده سمعته من دكتور فى الدراسات العليا وعملت بيه

اى حاجة فى حياتك استثمار
شوف هتديك اللى عايزه ولا لا
وهتديك اكتر من اللى دفعته ولا لا

الجواز نفس الوضع
مش عائد مادى طبعا
لكن عائد الزواج عائد نفسى
هل هتستريح نفسيا اما تتزوج
هل هتكون سعيد باسرتك
اللى شايفه انك مش بتحب الاولاد والنقطة دى مهمة
لان الزواج فيه مسئولية كبيرة
ومتشيلش مسئوليه وانت مش قدها او زهقان منها
لانك هتزهق منها ومش هتكون اب ناجح وممكن الامر يوصل انك تهجر اسرتك
لو قادر تعيش حياتك بدون زواج عيش
واغلب الرجال اما بيكبروا ويوصلوا منتصف الثلاثينات بيوصلوا للمرحلة دى
بس خد بالك ان اما تكبر
فرص الانسانة الكويسة بتقل
والزواج المتأخر ليه مشاكله فى اختيار عمر الزوجة المناسب
وفى صحتك ورعايتك للاولاد وتفاهمك معاهم

هي دي زتونه الموضوع

المشاركة الأصلية كتبت بواسطة dr-mohamed

في دي بالذات وفي الحالة المطروحة امامنا بالذات الكلام ده صح مليون في المية
ليه ؟؟؟؟؟؟
لان هيوفر علي البلد الوقت اللى البنات بتبص فيه لاخونا وشوف الوقت ده لو اتوجه للانتاج بدل البص عليه كل شوية هايفرق معانا في ساعات انتاجية العمل اد ايه مع الوضع في الاعتبار ان تقريبا كل البنات بتبص له يعني فاقد كبير جدا في ساعات العمل

ومن ناحية تانية هايبطل هو كمان يفكر هما ليه بيبصوا له ليه ويوجه الوقت ده للتفكير في العمل

عرفت ازاي ان جواز العضو هايبقي استثمار مفيد جدا على الاقل بالنسبة للدولة ؟؟؟؟؟؟؟؟؟؟

يا عم الموضوع الاولاني تهريج اما ده موضوع جد الجد بمهزرش

المشاركة الأصلية كتبت بواسطة cyborg_ift

يا أخي والله حفظتني اسمك علشان مخشش مواضيعك بعد كده

نفسي أتعرف عليك ... والله بجد مش هزار ...

و الله نفسي افضي و اجي عيد ميلاد المنتدي , ربنا يسهل

المشاركة الأصلية كتبت بواسطة MaZaGAngeE

ابن الشيبة للخيبة

ايه معني المثل ده لو سمحت ؟ عشان حاسس ان فيه اهانه

المشاركة الأصلية كتبت بواسطة human12

الاول انت هتتجوز كام واحده
وههتجوز من اللى بيبصولك؟ ولا من البسبوسه

كام واحده ايه ؟ و بسبوسه مين ؟ و الله الموضوع السابق كان تهريييييييييييييج و ده جد

المشاركة الأصلية كتبت بواسطة Dojuar

المصري المتزوج في ربااااط الى يوم يموت

لو مش هاتعرف تشيل... اصبر

لو مش بتطيق العيال ...اصبر

بس لو اكتشفت ان الجواز جميل و العيال عزوة بس في الوقت الضايع ..هاتندم

أهم حاجة لو المحيط اللي انت فيه ملزق و ماليان بسبوسة ..حاول تبعد

لانك بعد الجواز هاتقارن...ما بين البسبوسة و انت و حظك بقى..عسل...جبنة...بسطرمة...كله بيتحول

ما هو الوقت الضايع ده بيبتدي من امته ؟ و انا هتجوز بسطرمه برضه ؟

المشاركة الأصلية كتبت بواسطة wesam_salom

صاحب الموضوع الصبح بيبقى عايش فى صينيه البسبوسه بالقشطه

مبردش علينا الا بعد ما المحل يقفل

شغال حلواني انا و مش واخد بالي ؟ بقيت بلبس نضاره سوده عشان مشوفش حاجه و انا ماشي في الشارع

المشاركة الأصلية كتبت بواسطة ghazy12

لو الغرض من موضوعك جد, و مش كلام و خلاص...

يبقى هنصحك نصيحه لوجه الله... الجواز ده من اكبر نعم ربنا على الانسان

الجواز... يعني الرزق, يعني الخير, يعني الاستقرار, يعني ثواب في كل
يوم و كل لحظه بتعامل فيها مراتك بما يرضي الله و بالمعروف, و مميزات كتير
لكن كل ده لو اخلصت النيه لله سبحانه و تعالى و نويت الجواز بجد,
صدقني ساعتها, هتلاقي ربنا بيرزقك من حيث لا تحتسب, و مش هتخاف
لا من مسؤوليه (و المفروض ان شاب في سنك شايل مسؤوليه من زماااااان)
و لا هتخاف من خلفه, و لا من اي حاجه... ربنا هييسرلك كل امورك ان شاء الله

لكن لو الغرض من موضوعك الكلام لمجرد الكلام و خلاص او التهريج
يبقى حاول تفكر في اللي قلتهولك كويس, يمكن تغير رأيك و تاخد الموضوع جد...

ملحوظه: انا ضد جملة انك مش مقتنع بــ98% من بنات مصر, لان المحترمين
و ولاد الناس و الاصول كتير بس اللي يدور صح و على اساس سليم و في المكان الصح..

ربنــا يهديــك للخير و يرزقك الزوجه الصالحه يا بــاشمهندس... تحيــاتي

دايما كلامك في الجون والله يا بشمهندس وارائك دائما عاقلة ورزينة في اي مجال زيي بالظبط

المشاركة الأصلية كتبت بواسطة dr-mohamed

صح والله يا فامبير بس قلت اسكت انا ماليش دعوة اتفرج الاول بس
لكن بتدت تندع بدري اوي بيك

المشكلة ان اول عضو يدخل يبقي مصاص دماء امال بقية الاعضاء هايعملوا ايه
هههههههههههههههههههههههه

وفعلا الباشمهندس احمد رحب الصدر ووسع الافق وروحه رياضية جدا واكيد ده اللى دفعه يطرح المشكلة التانية

بس امانة على الباشمهندس احمد ما يحرمنا من المشاكل اللى من النوعية دي واكيد ناس كتير اوي هنا هايحبوا يساعدوه
اهو نخرج من جو الاستفتاء والتعديل والمرشحين

انا اعمل المواضيع عشان اتروق انا و انتوا تتبسطوا , يا لا يا عم اي خدمه

المشاركة الأصلية كتبت بواسطة ghazy12

لو الغرض من موضوعك جد, و مش كلام و خلاص...

يبقى هنصحك نصيحه لوجه الله... الجواز ده من اكبر نعم ربنا على الانسان

الجواز... يعني الرزق, يعني الخير, يعني الاستقرار, يعني ثواب في كل
يوم و كل لحظه بتعامل فيها مراتك بما يرضي الله و بالمعروف, و مميزات كتير
لكن كل ده لو اخلصت النيه لله سبحانه و تعالى و نويت الجواز بجد,
صدقني ساعتها, هتلاقي ربنا بيرزقك من حيث لا تحتسب, و مش هتخاف
لا من مسؤوليه (و المفروض ان شاب في سنك شايل مسؤوليه من زماااااان)
و لا هتخاف من خلفه, و لا من اي حاجه... ربنا هييسرلك كل امورك ان شاء الله

لكن لو الغرض من موضوعك الكلام لمجرد الكلام و خلاص او التهريج
يبقى حاول تفكر في اللي قلتهولك كويس, يمكن تغير رأيك و تاخد الموضوع جد...

ملحوظه: انا ضد جملة انك مش مقتنع بــ98% من بنات مصر, لان المحترمين
و ولاد الناس و الاصول كتير بس اللي يدور صح و على اساس سليم و في المكان الصح..

ربنــا يهديــك للخير و يرزقك الزوجه الصالحه يا بــاشمهندس... تحيــاتي

كلامك الماظات و الله تسلم ايديك و انا اعتراضي علي ال 98% علي حاجات غير اللي انت ذكرتها

المشاركة الأصلية كتبت بواسطة tamatemo

بص

الخلاصة في الموضوع دا

انك بيجيلك وقت ومعاد وبيكون اجلك جه "في الجواز طبعا" علي اساس اني رايح انتحر

بس امتي معادك بيجي ؟؟؟؟

لما تلاقي او بالبلدي "تعتر" في بنت الحلال

اما اللي انتا بتقول عليه ان الاجيال مقندلة


هاقولك بصراحة

بص لنفسك ولشخصيتك في المراية واعرف انتا مين هاتعرف انتا هاتدور علي مين ونصيبك شكلها تقريبا هايكون ازاي

شكل شخصيتها

نصيحتي ليك
اوعي تدور علي عروسة لانك هاتتعب في الموضوع دا كتير مبدورش اكيد يعني هو انا فاضي
سيب الامور ماشية براحتها
وربنا هايرزقك ببنت الحلال


-النصيحة مني انا مضرب سابق عن الزواج -

الرد في الاقتباس

المشاركة الأصلية كتبت بواسطة A7MED_PHARMA

توك توك القذافي حيوان أليف يعيش في الصحراء

وبغض النظر عن توك توك القذاااافي...لو عاوز تتجوز ..إتجوز بدري وماتتأخرش
وإسأل نفسك إنت عاوز تتجوز ليه ...وشوف إحتياجاتك للجواز تساوي تكلفته ومسؤلياته ولا لأ
يعني إحتياجك للأسرة والرغبة والأطفال(لو محتاجهم يعني) يساوي تحمل المسؤلية الرهيبة دي ولا لأ؟؟

ممكن برضه

المشاركة الأصلية كتبت بواسطة mr_vampire

الله يكرمك يادكتور متوقعنيش مع الباشمهندس في حوار . انا كنت من المدافعين عنه فالموضوع التاني وكان فاضل تكة واتضرب معاه. فحبيت احذر من دلوقتي عشان انا مش هتضرب معاه في كل موضوع بقي.

وتااااااااااااااااااااااا اني للتأكيد احنا اتعودنا منه ومعاه علي رحابة الصدر ووسع الافق والروح الرياضية.

ايه حكايه الروح الرياضيه دي ؟ حاسس ان انا في الاستاد

المشاركة الأصلية كتبت بواسطة wesam_salom

ممكن تحط لنا الصوره اللى وعدتنا بيها الاول علشان نقرر الرد المناسب

يخربيت الصوره اللي وجعت بيها مخ المنتدي كله , نزلت اتصور بس هتاخد وقت عشان شغل الفوتوشوب و الذي منه و كمان عايز تعديلات معينه في الصوره عشان تبقي ي الهيدشوتس و متستعجلش علي رزقك

المشاركة الأصلية كتبت بواسطة WaleeD-ZidaN

نصيحة اجيرة اشرب 7up وخليك راجل و مش ماو وتراجع عشان متظلمش بنات الناس قبل نفس

داخل تتريق و كمان سفن اب ؟