اهو النضارة السودة دي فكرتني بفيلم النظارة السوداء ونظارة بربري بتاعة كريم
عرض للطباعة
انتا عارف انه فيه ناس بتبقي فاكره انها هاتنتحر لما تتجوز
لما تتجوز انتا لوحدك تقدر تخلي عيشتك كويسة او وحشة
اما موضوع السن
لما بتكبر فرصك بتقل وشروطك في اللي هاتتجوزها بتزيد
يبقي فرصك اقل
وربنا يديك الصحة بس الواحد بعد 35 مش زي ماهوا في العشرينات ولا زي الاربيعنات
كل مكنت اصغر كل ماكان افضل ليك
واريح
بص يا باشمهندس احمد
لما تكون 25 سنة وعلي ما تدور وتخطب وربنا يكرمك ممكن فيها لغاية 26
ونقول سنة ونص مثلا خطوبة ادي 27 ونص
وسنة ونص طبعا علشان التجهيزات والفلوس والكلام دا كله
يبقي انتا ان شاء الله عريس جديد علي اوخر ال 27 واول ال 28
هاتتمتع بحياتك فترة وربنا يرزقك بطفل او اكتر علي حسب رزقك
لما تكون 29 او 28 سنة يعني شاب ومعاك طفل
هاتعرف تخرج وتفسحه وتمتعه في حياته وتعيشة طفولة سعيدة
وانتا و زوجتك -ان شاء الله- هاتكونو مبسوطين من الطفل والروح الحلوة اللي في وسطكم
الطفل دا يوم ما يكون عنده 20 سنة هاتكون حضرتك قربت علي الخمسين
شوف بقي حضرتك لما تتاخر في بداية الخطوة دي ل 30 مثلا
هاتتجوز علي 33 مثلا
نسبة الانجاب والخصوبة بتقل تدريجيا مع تقدم العمر "ربنا يديك الصحة طبعا"
يعني ممكن يبقي معاك طفل في وقتها او بعدها بكام سنة وليكن عند 55 سنة مثلا
لما الطفل دا يكون عنده 20 سنة حضرتك هايبقي عندك كام سنة؟؟؟ داخل في اوخر الخمسين او بداية الستين
يعني انتا من تفكير وهوا من تفكير تاني خاااااااااااااااااالص
وبعدين سيبك انتا من كل اللي فوق والحسابات دي علشان دي بتاعت ربنا
وركز في الكلمتين دول :
الجواز استقرار وراحة نفسية مايعرفهاش غير اللي اتجوز
الحب في داخل الجواز احلي واجمل الف مرة من الحب برة الجواز او حتي حب ايام الخطوبة
خايف من المسؤولية؟
شوف انتا بتبقي خايف ازاي علي عربيتك وصيانته ولو حصل فيها حاجة بتصلحها اول باول
يعني شايل مسئولية عربية ومش هاتعرف تشيل مسؤولية بيت؟؟؟؟
فيه ناس فعلا ممكن ما تشيليش مسؤولية بيت
بس دول لا يطلق عليهم لفظ راجل او ذكر اصلا
مسؤولية البيت يا باشمهندس مش مصاريف وفلوس ومرتب لا
مسؤولية البيت انك بتاخد القرار الصح في الاتجاه الصح مهما كانت الضغوط اللي عليك ومهما كانت الظروف اللي حواليك
لانك انت قائد سفينه الحياة بتاعتك مش حد تاني
ومعلش بقي طولت عليك
انا راى انك تتكل على الله بس اهم انك تشوف بنت الحلال الى تحافظ على بيتك
حتى لو مش من القاهره وموضوع الاولاد ده من عند ربنا وهو الى بيرزق وهو الى بيعين على التربيه
لو هتقعد تفكر كتير مش هتتجوز وهتخاف من كل حاجه اتكل على الله وسيب كل حاجه له طول مانتى ناوى خير وربنا هيعين
يا تعليقاتك:16:
انا بس عندى شوية اسئلة ياريت تجاوبونى عليها
1=هو ليه 98% ومش 9و99 %
2=هو كام من ال 98% دول اللى مش داخلين دماغ الباشمهندس ممكن يوافقوا يرتبطوا بيه اصلاساعة الجد
3=هو الموضوع الأولانى كان مفروض انه جد ورجع بقى هزار عشان ضغطتوا عليه فى قصة الصورة ياترى ده هيبقى ايه
4=هو ليه النوعية دى من المواضيع بتوصل الردود فيها ل 15 صفحة
5=هو لو واحد اعصابه جامدة ودمه مبيتحرقش ليه يفتكر الناس كلها زيه؟