الحقونـــى انا محتااااااار اخر حيرة

**haroun707** · 02-04-2011 05:57 AM

انا بقالى فترة كبيرة بدور على عربيه وفى الأول كان الرينج بتاعى قليل بالتدريج والحمد لله الرينج على لانى عاوز اخلص واجيب عربيه تريحنى

المهم انا الرينج بتاعى الان بالكثير45000

مش ده المهم المهم بقى انى محتار بسبب كذا حاجة اولاً الناس اللى كل ما اقول لحد على نوع يقولى لا بسبب سواء قطع الغيار وخلافه

المهم انا الرينج ده يجيبلى كذا حاجة

اكسنت 1500 اوئل ال2000 او فيرنا او لانوس او نوبيرا او فيكترا 1996 او كرستاله وحاجات كثير تانيه

ارجوكم ارحمونى من الحيرة دى ورشحولى حاجة تكون كويسه بالله عليكم فى صيانتها وكمان قطع غيارها

مع العلم انا عندى تعليق صغير على الاكسنت انى شايف ان سعرها مبالغ فيه جداً بالنسبه للفيرنا
يعنى الاكسنت انا بشوف عربيات موديل 99 وطالبين فوق ال40000 فى حين ان الفيرنا احدث واقوى فى الموتور والتكنولوجيا
وفى نفس الرينج وكمان اللانسر الكرستاله اجمل واوسع ونفس الرينج بردوا

**yassin_samir** · 02-04-2011 09:34 AM

اشترى لانوس 2 من موديل 2000لحد 2004

**dr_radioooooo** · 02-04-2011 12:09 PM

افضل حاجة فى الفئة السعرية دى اللانوس بس اهم حاجة الحالة

**beshomilan** · 02-04-2011 01:00 PM

فعلا زى ماقالوا الاساتذة
وكمان الفيرنا ممتازة
بس انا رايي متخرجش عن لانوس او فيرنا ومش هتندم اطلاقا ومش هتحس بقطع غيار او مصنعية على عكس الالمانى واليابانى

**KemozTanta** · 02-04-2011 04:36 PM

المشاركة الأصلية كتبت بواسطة yassin_samir

اشترى لانوس 2 من موديل 2000لحد 2004

+11111

نفس حيرتي و دوختي من خمس شهور هااات اللانوس واتكل علي الله واكشف عليها مرة واتنين عند كذا حد و متتكسفش انك تقلب العربية دي من فوقيها لتحتيها قبل ماتشتريها.. بص علي كونتاكت والمبلغ اللي معاك يجيبلك لانوس كاملة 2001 فبريقة او 2003 و 2004 راشة نضافة.. وممكن تلاقي بالمبلغ دا 2001 راشة نضافة وفيها جنط مثلا كدا يعني المهم في النهاية متستعجلش وفلوسك معاك متتحطش غير في حاجة تماام واستحمل شوية لانك هتتعب علي ماتلاقي اللي انت عايزة انا كنت من شهر 7 السنه اللي فاتت بدور واشتريت في نص شهر 11
والشهرين دول حلوين للشرا قبل دخول الصيف والنصب العالمي اللي بيحصل فيه + تشتري من عيلة او مالكها مباشرة بلاش تجااااااااااااار نهائيا