الموضوع: خلصت الميكانيكا الحمد لله و عندى كام سؤال ,,,

المشاركة الأصلية كتبت بواسطة Amr_650

رجالة ,,, الحمد لله ,, خلصت كل الميكانيكا اللى فى العربية النهاردة ,و اشتريت كل قطع الغيار اللى محتاجها ,,

الحمد لله الاوبل مكسفتنيش طلع الحوار كلو جوانات ,,غيرت جوان غطل التاكيهات ,,,و جوان الكارتيرة ,,

و طرمبة الباور ,, الراجل قالى حرام انك تغيرها عشان بتعمل صوت بس ,, لو متقلة الدراكسيون,غيرها انما تغيرها عشان الصوت يبقى حرام ,, قمت مرجعها و اشتريت قطع الغيار بالباقى


الاسعار كالتالى :

1- جوان غطا التاكيهات - اصلى المانى - 45 جنية
2-جوان الكارتيرة ( حاجة غريبة جدااا-لما فكناة من العربية لقيناة بتاع موديل 2000 و العربية اصلا 98 و معايا من الزيرو وعمرى مغيرتو ,,, طلع عينى بتاع 3 ساعات لفينا الحرفيين لحد ملقيتو )

سعرة اصلى المانى - 200 جنية غالى بس عشان الناس عارفة انو مش موجود

3-الكارتيرة االمسمار بتاعها كانو مفوت ,, بدل مغيرها ,, فمت جايب المسمار اللى بعد الاصلى بمقاس ,, و قمت رايح للخراط و وسعنا الخرم و كلة الحمد لله تمام و دة اتكلف 20 ( خراطة + مسمار و كان المانى نظيف اوى )

4-طرمبة الباور اللى رجعتها كانت ب 900 جنية - dbx برازيلى بختم جى ام

5- 2 فانوس فكترا 2000 ب 380 جنية تايوانى

6- 2 فوج 98 تايوانى ب 180

7- مرايا شمال مانيوال كاملة تايوانى ب 145

8- فانوس خلفى تايوانى ب 70

9- سويتش كامل بزرار للفوجات - جديد زيرو يالعلبة - المانى اصلى ب 100 جنية

10- مراية صالون 98 استيراد ب 80


اللى ناقص عندى ال جلدة بتاعة الاكصدام الامامى و دى استيراد ب 150 بس مش وقتها


عايز اسأل بقى شوية اسألة :

1-دلوفتى الفتيس عندى بقالة اسبوع قافش على النقلة الاولى و التانية ,, يعنى بيعض ,,لازم اشيل رجلى من على الدبرياش و ادوس تانى عشان ينقل ,,و لما بيسخن الحوار دة بيقل شوية ,, الراجل قالى دة كدة بدا يبوظ ,, سيبو لحد ميضرب خالص ,, و اشتريلك واحد استيراد ب 700 جنية ( انا شايف الكلام دة تهييس )

2- لوحة البيانات اللى فى الجنب ملهاش اى حل ؟؟؟؟لازم اجيب واحدة استيراد ب 300 جنية على الاقل ؟؟

3- العربية عندى بحطلها كل 3 اسابيع بتاع 1 لتر الى 1و نص لتر مية ,,راجعنا على كل العربية ,مفيش اى تسريب و الماتور زى الفل ,, الراجل بيقولى احمد ربنا ,, كدة العربية مش بتستهلك اصلا ,, دة تمامها ؟؟؟

اخر حاجة عايز حد يكون عمل شغل دوكو و سمكرة عند حد كويس , يكون مجربو عشانا انا بدور دلوقتى على سمكرى و دو كو , و كلة بيسطعبط ,, فى واحد النهاردة بيقولى السمكرة بس ب 2500 جنية ؟؟؟والعربية اصلا يعتبر مفيهاش خبطة

بعد اذنك يا باشا انا هنقل الاسعار في الموضوع ده
http://www.nilemotors.net/Nile/25137...post3873316102

المشاركة الأصلية كتبت بواسطة eng\ahmed

الف مبروك وعقبال ماتخلصها كلها ان شاء الله

موضوع الفتيس عضة بصوت ولا الفتيس تقيل ومش عايز ينقل؟
لو عضة ممكن يكون حاجة فى ماستر الدبرياج ولو تقيل بس على مجموعة التيوش بتاعة العصاية ممكن يكون فيها بوش

موضوع المية طبعا مش طبيعى والميكانيكى بيفتى .. اكبس دورة المية وراجع عليها كويس

الله يبارك فيك ,,,بص ,, انا مثلا وقفت تمام ,, ادوس دبرياش و انقل على الاول ,,مش عايز يدخل فى السير بتاعو ,,اضطر انى اسيب و ادوس تانى و انقل بقوة شوية ينقل ,, نفس الحوار مع النقلة التانية ,انا سمعت ان الحوار دة بيتظبط او فى حاجة بتتغير ,, الله اعلم ,,المهم اللى يصلحو يكون واحد مبيفتيش ,,

اية رئيك ؟؟

, بالنسبة للمية هروح فعلا عند بنزينة و اكبس المية و بالمرة اشيل الصدا اللى جوة الرادياتير

المشاركة الأصلية كتبت بواسطة abdelaziz-waleed

بعد اذنك يا باشا انا هنقل الاسعار في الموضوع ده
http://www.nilemotors.net/Nile/25137...post3873316102

براحتك يا باشا ,, بس يا ريت نحاول نعمل موضوع تانى مثبت فى كل حاجة من غير ردود ,,لحسن انا فتحت الموضوع اتخضيت من عدد الصفح ,,يعنى لازم اقعد 3 ايام عشان اخلصو ,اية رئيك

الله يبارك فيك يا طنانى بية ,,بالنسبة لحوار الفتيس ,, مين اللى بقدر يعملو و يكون فاهم ,, عندى استبحس من الفتييييييس ,, بخاف جداااا منة ,,
المية دى بقى يظهر انها مالهاش حل ,, لما الاوبل بتدلع بتجننا معاها , الراجل راجع على كل حاجة و مفيش اى تسريب ,,فالى دة الطبيعى بتاعها ,,

اوك ,, هستناك بكرة ان شاء الله و ربنا يستر