شكرا جدا على المعلومات القيمة دي
شكرا جدا على المعلومات القيمة دي
معلش سؤال
يعني انا مثلا اعلى عزم عندي على 3400 , اقل استهلاك بنزين لو مشيت بالعربية على 3400 ؟؟؟؟؟
هو مش كده بالظبط .. بس ده اكفأ أداء عموما ( افضل استهلاك مقابل القوة و العزم ).. حتي في بعض أوجه استهلاك البنزين
اقولك إزاي
كنت ماشي علي الخامس و بعدين هديت السرعة و كسلت تسقط نقلة و بدأت تطلع ل 90 تاني من 60 ( الأر بي إم بيبقي تقريبا 1.7 ) ... حتدوس بنزين جامد و العربية مش حتدي معاك و حتاخد بتاع 10 ثوان عشان توصل للتسعين
بينما لو سقطت نقلتين العربية حتدي معاك بسرعة و مش حتستهلك بنزين كتير عشان توصل للسرعة المطلوبة
أما لو انت متأكد ان السرعة ثبتت خالص و مش بتطلع و تنزل ولا فيه سحب .. يبقي تخلي النقلة مرتاحة مش مشكلة
عموما يعني .. الناس اللي بتنقل بدري قوي .. لا بتوفر بنزين و لا بتريح الموتور .. دي بتخرب كل حاجة .. في رينج يفضل تنقل عنده و هو بالقرب من أعلي عزم
بمعنى اية اكفأ
الموضوع ببساطة ومن غير لما ندخل الجيربوكس فى الموضوع دلوقتى لأن الموتور هو مصدر القوة المنقولة للعجل عن طريق الوسيط اللى هو الجيربوكس
دلوقتى مثلا عربية اقصى عزم لها 152 عند 3000 لفة , حددلك نقلة؟؟ ... لأ لأن الحركة من الموتور والارقام دى خاصة للموتور , الجيربوكس وحدة تانية راجبة على الموتور لهدف ما
نشرحها بالبلدى , عندك 50 كيلو مثلا لو رفعتهم بايد واحدة هل نفس المجهود اللى هتبذلة لما ترفع نفس ال 50 بالايدتين ؟
طيب الموتور اقصى عزم لية عند 3000 , دلوقتى لو مشيت على 2000 معناها عزم اقل لنفس وزن العربية يعنى حمل ازيد على الموتور لأن الموتور على السرعة دى العزم اللى هيولدة لتحريك العربية اقل من العزم عند 3000 لفة
بص دايما على كيرفات العزم واستهلاك البنزين هتلاقى اقل استهلاك عند اعلى عزم
معلش أنا ردي جاي متأخر عشان كان عندي امتحانين في الكلية.
بالنسبة للـ 50 كيلو: أنا لما أستخدم الإيدين ده يناظر إني بستخدم موتورين مش موتور واحد، و طبعًا هيبقى الحمل أقل على كل موتور على حده.
أنا قعدت أدور في الموضوع ده و لاقيت الموضوع ده
http://www.nilemotors.net/Nile/672-a.html
و فيه شرح لكل الحاجات الغامضة دي.
زي ماقلت قبل كده ..الؤضع مختلف في الحركة الديناميكية والاستاتيكية
يعني سرعة العربية ثابتة ولا بتتسارع