السلام عليكم
ايه هيه أفضل فكرة مشروع في حدود 100 ألف جنيه؟
ياريت منبخلش على بعض بالأفكار
عرض للطباعة
السلام عليكم
ايه هيه أفضل فكرة مشروع في حدود 100 ألف جنيه؟
ياريت منبخلش على بعض بالأفكار
تدخل شريك في مقاولة عمارة . . . :)
بجد وبدون تهريج
وانت باشا فى بيتكوا
اعملك 5-6 عربية كبده او كشرى او فول وشغل عليها شباب ترحمهم من البطاله وكل عربيه هاتجيلبك بالميت الف جنيه شهريآ ربح...والشاب ده كمان هيطلعه 1500-2000 جنيه ربح صافى
اللى سمعته ان العربيه بتتكلف من 5 الى 10 الاف جنيه
محل ملابس اطفال ونسائي في منطقة تجارية زي الهرم وفيصل
الموضوع ده داخل دماغي اوي
مفيش محل فتح في الهرم إلا وكان فاتح فرع تاني في خلال سنة ماشاء الله عليهم
طبعا لو المحل تمليك يبقى الريسك اقل من الايجار
بص بصة على تكساس في العريش وشعبان وشعبولا في الهرم وضجة في الهرم قافل حاليا للتطوير وله فرع في فيصل
ممكن تروح السودان تعمل مشروع استصلاح أراضي
ممكن تفتح مغسله سيارات بس تكون فى مكان مش موجود زيها ديه مكاسبها برضه بتبقى كويسه وهتبقى اقل من الفلوس ديه وربنا يوفقك
وممكن كمان تعمل dry clean
أو super market أو مطعم
هات شقة صغيرة أو محل على قد المبلغ اللى معاك و أجره
و ريح دماغك من دوشة المشاريع التجارية
اهم حاجه متدخلهمش البورصه
روح اتجوز بيهم ...........هه ده مشروع 100 100
احب افكركم ان الشتيمة حرام
مكتب صغير وتشغلو يعمل دومين ويب سايت vpn
وعيش
عاوز مشروع تشارك مقاوله في عماره افضل شئ اليومين دول واضمن من اي مشروع لان الناس بتخسر خساير كبيره جدآآآآآآآآ السوق تعبان جدآآآآآآآآآآآنصيحه من اخ وبعدين اضمن حاحجة تركن ال100 الف جنيه دلوقتي وتشوف ايه الي هيحصل للبلد لان السوق غير مستق نهائي
الحقيقة ده مش وقت استثمار لان الدنيا لسه مش مستقرة ومش باين ايه اللى حيحصل
فياما نتشيلهم السنة دى لغاية لما نشوف حنروح فين والافضل يبقوا دولارات علشان يبقوا مضمونين
ياما تدورلك على اصل ثابت زى ذهب شقة او حتة ارض بس طبعا حتبقى صغيرة لغاية لما نشوف 2011 دى اخرتها ايه وبعدين لما الدنيا تتصلح تبيع وتبدا مشرع
شوف لك شقة واشتريها وبعدين أجرها
حتى لو في مكان مش ولا بد لحد ما الامور تستقر وبعدها بيع الشقة وأعمل أي مشروع بعد دراسته
نصيحة لوجه الله
اعمل مشروع مزرعة مشروم ( عيش غراب )
انا شخصيا بدرس الموضوع دا جدا دلوقتي و ناوي اعمله في خلال الايام الجايه دي ان شاء الله
تليفوني 0105756566 لو تحب تعرف حاجة
انا بصراحه بأيد مشروع ملابس اطفالى او نسائى بمنطقة الهرم او مشروع مطعم فى منطقة كويسه او سوبر ماركت فى منطقة كويسه بس ألأهم من ده كلو ان لو بتفهمش فى حاه من دول يبقى منصحش
وتانى حاجه تخاف ليه دلوقتى لو كل خاااااااااف يعمل بيزنس دولقتى الدنيا هتقف ومفيش حد هيشتغل فا كلنا لازم نشجع بعض ونوقف على رجلنا انا حاليا اخويا وجوز اختى بيفتحو مطعم فى الزمالك
اشتري محل في فيصل او الهرم واجره
طب ايه رأيكم اشتري تاكسي زيرو وأأمن عليه وأأجره لسواقين
ناس عاملين كده وبيقولوا بيقفل 5000 في الشهر
يا راجل حرام عليك و معاك الخبرة دي و ساكت
عموما هديلك رقمين لشركتين محترمين جدا في المجال دا انت بتعمل معاهم اتفاق بعقد رسمي و ملزم بانهم يوردوا ليك مستلزمات الزراعة و ياخدوا منك الانتاج بالكامل تقريبا سعر الكيلو دلوقتي 20 ج
- م / نبيل فتح الله شركة فنجاي 0106016306
- م / ايمن شركة اويستر 0102726222
و ادعيلي
الغريب ان محدش اقترح عليك تستثمر الفلوس في نفس مجال شغلك بغض النظر هو ايه
مجال شغلي يبقا عاوز ملايين
والله يا باشا انت كلامك قلقني من مشروع المشروم الي قلتلك عليه
بس انت ممكن تستغل وجودك في القاهرة و تزور المزارع دي و تقابل اصحابها و تفهم منهم ابعاد الموضوع ايه
و بعدين اي مشروع جديد لازم يكون فيه نسبة مخاطرة في الاول
و كمان فيه نسبة خسارة مقبولة نتيجة لعدم الخبرة لحد ما تفهم تفاصيل و خبايا الشغل ايه و ساعتها هتحول خسايرك لا قدر الله لمكاسب
غير كده انت ممكن تحاول تعمل تسويق لمنتجاتك في الفنادق و المطاعم و السوبر ماركت الكبيرة و خصوصا لو عرضت سعر كويس
فكر في الموضوع بجدية و سوق قبل ما تبدأ في المشروع و شوف تقبل الناس للتعامل معاك ايه
اللى اعرفه عن المشروع ده ان فى منتجين واحد الشكل المعروف للمشروم وده محتاج تجهيزات وتكييفات لانك لازم تتحكم فى درجة الحرارة بطريقة معينة....لكن المنتج اللى بيتزرع بسهولة فى مصر وبيققى طرى كده ده مبيتسوقش فى مصر بسهولة
دى معلوماتى اللى بترجع لبداية سنة 2000 لما رحت خدت الكورس ده برده فى وزراة الزراعة
بس فى اقتراح كويس انا سمعته فى المجال ده
بما ان الصعب التسويق
يبقى لازم تبدا الاول تسوق فقط لانتاج ناس تانية وده مش شحيكلفك مبالغ كبيرة
ولو قدرت تمشى كويس فى سكة التسويق دى يبقى تقدر تدخل تستثمر فى الزراعة نفسها