تركيب جنوط سبور نوبيرا أصلي 14" في لانوس ... و شكرا لمحمد ممدوح
سلام عليكم
الحمد لله بعد لف كتير تم شراء طقم جنوط سبور اصلي نوبيرا 14" في اللانوس بتاعتي مع تركيب كاوتش 185/60/14 بريدجستون my-01 عليهم
الجنوط اشتريتها من الحرفيين بعد شوية لف و فصال جبتهم من واحد ب850 جنيه , حالتهم كويسة بس مجرحين و فيهم واحد ناقص له طبة
اخدتهم عند بتاع الدوكو رشيتهم , منظرهم بصراحة فرق خالص
و بعدين طلعت على بريدجستون عمارات العبور ركبت عليهم الكاوتش (الفردة = 435 جنيه ) :(
و نظرا لأن العربية عليها ستيكر نايل موتورز فأخدت خصم ال5% :)
انطباعاتي الاولية في الطريق من عمارات العبور لحد بيتي :
السحب قل سنة , او على الاقل حاسس ان العربية بقت اتقل شوية
الراحة الحمد لله زادت كتير مع ان بروفايل الكاوتش قل لحساب الجنط (توبة اجيب كاوتش هانكوك تاني)
الثبات و الفرامل انا حاسسهم بقوا احسن شوية برده
شكرا لمحمد ممدوح , انا وجعت دماغه تليفونات :)
شكرا لأستاذ حسام حسن , الموضوع القديم بتاعه كان مرجع ليا بصراحة
شكرا لنايل موتورز عشان الخصم
الصور قريبا ان شاء الله
