اليومين دول سخنين اوي في الهجوم علي كل ما هو اسلامي
عرض للطباعة
اليومين دول سخنين اوي في الهجوم علي كل ما هو اسلامي
الله يسامحك .. والحمد لله أنا رأيى مش من دماغى انا رأيى ليس إلا من حكم دراستى بالأزهر ودروس العلم اللى بفضل الله بحضرها وعلمائنا اللى بحضر لهم يعنى مش اى حاجة تيجى على بالى بقولها لأ انا اقول بما أدين به لله وعندما يسألنى ربى لماذا قلت كذا سأقول هذا ماتعلمته من شيوخنا فلذلك انا لا اتهكم على من يخالفنى الرأى ولكن دفاعا عن دينى .
استاذي الفاضل...
واجب على كل مسلم (( واجب )) ان يدافع عن دينه و عرضه و ارضه مهما كان...
انا مسلم, و لو رأيت اي تجاوز في حق ديني لن اسكت عنه حتى لو كان موتي هو الثمن...
لكن يا استاذي مش معنى اني ادافع عن ديني, يبقى اتهكم على من يتناقش معي بشكل محترم
او اتفه من رأيه او من وجهة نظره... و خصوصاً لو كان مسلم, و تبدأ الاتهامات بأنه من
انصار العلمانيه و الفكر المضاد للاسلام, و من الغير غيورين على دينهم و لا يدافع عنه..!!!!
ديننا مش كده... و أكيد حضرتك عارف الكلام ده كويس بحكم انك مسلم و كمان بتاخد دروس دين...
اسلوب الحوار في الدين تحديداً هو سلاح الاقناع بالحق... يعني الشيخ اللي صوته عالي (شيخ)
بيضعف من حجته و موقفه, و بيجعل من يناقشه يشعر بضعفه و ضعف قناعته...!!!! مع انه شيخ !!!
عالم الدين اللي بيستخدم عبارات في غير موضعها او كلام منفر, بيجعل من يناقشه يقتنع اكتر
بفكره الخاطئ, و عمره ما هيقتنع بكلام هذا العالم, لانه ماعرفش ازاي يخاطب عقله ثم قلبه...
كل دي امثله مش اكتر على ان اسلوب الحوار, و الكلام المستخدم في الحوار, ممكن يكون تأثيرهم
ايجابي جداا جدااا جداااا, و ممكن يكون تأثيرهم سلبي جدااا جداا جدااا بردو...
الهجوم على اي شخص و استخدام بعض الكلمات في غير موضعها و غالباً بتكون اكبر كتيييير
من الموقف, مش هو ده اللي هينصر الاسلام و المسلمين, او حتى يوعي المسلمين لما يحاك للاسلام...
الخطاب و الاسلوب و الكلام لازم يكون (بالحسنى) و ليس بالتشدد و الهجوم و الاتهامات بدون دليل !!
انا احب كل مسلم في الله, و لكن اسلوب بعض المسلمين يعطي الفكره الخطأ للناس عن الاسلام للأسف
و ده تحديدا اللي بيضايقني من بعض المسلمين... لا اقصدك او اقصد شخص بعينه اطلاقاً
ارجو انك تكون تفهمت وجهة نظري... و ربنا يسامحك و يسامحني و يسامح كل مسلم
تحيــاتي لشخصك المحترم... و جزاك الله خير عن دفاعك و غيرتك على دينك
يا أخى الفاضل الله يبارك فيك مين هما الناس اللى انا اتهمتهم انهم مسلمين بالظاهر هل انا حددت شخص بعينه او قلت مثلا ان كل اللى قالة لأ مسلمين بالظاهر ...يا أخى الله يكرمك النقطة دى مش معقوله يعنى هتعدى كده بالساهل من غير ما افكر فيها .. احسن الظن فيا شوية وعلى الأقل اسئلنى وقولى انا اقصد مين بالكلام ده ؟
وبعدين هو انا بقولك انت قولت ان دى مشاركتك الاخيرة معنى كده انى بقيدك ... والله يا أخى انت رديت على رد احرجنى جدا وزعلت قوى ... يعنى انا كنت بتكلم عادى جدا وانت حملت الكلام اكتر من معناه ... عموما اسأل الله ان يغفر لى ولك
كلامك كله تمام وربنا يبارك فيك ... بالنسبة للكلام اللى فى الاقتباس .. ممكن تقولى انا تهكمت على مين وقلتله انت من انصار العلمانية والفكر المضاد للإسلام ... ياريت تقولى انا قلت الكلام ده لمين علشان اعتذر له لة اخطأت فى حقه ... لأنى والله مش فاكر انا قلت لمين كده ...
وبعدين انت أخطأت فى حقى وانا لم أتهكم عليك ورغم ذلك قلت لك ربنا يسامحك ولم أعلق .
الإخوة الأفاضلالسلام عليكم ورحمة الله وبركاتهبداية أدعو الله ان يؤلف بين قلوبنا جميعا
بداية لو تسمحولي أشارك برأي في الوضع الي حاصل في الموضوع ده...
اولا واضح ان فيه سوء تفاهم واضح جلي للمتابع...ولو لم أرى أن جميع المشاركون من الأعضاء المحترمون لما تكلمت هذ الكلام.
ثانيا فيه مشاركات كثير واضح ان تم فهمها بطريقة خطأ من مختلف الأطراف
الجميع أحبابي في الله والبعض قابلته شخصيا والبعض أعرفه من المنتدى والمشاركات الهادفه والمحترمة. وجميع المشاركات هي من ناس أفاضل أسأل الله ان يعز بهم الدين وأن يهدينا جميعا إلى ما يحب ويرضى
علشان مطولش عليكم هلخص بفهم الفقير إلى الله ما اظن اننا نتفق عليه وذلك في نقاط ..سائل الله ان هذه النقاط تزيل اللبس ويحدث إجماع على المحتوي.
1- من شارك في الإستفتاء من إخواننا جميعا الذين نحسبهم على خير ولا نزكيهم على الله هم من الأفاضل سواء من قال نعم او من قال لا فلكل وجهة نظرة طالما كان نيتهم مصلحة البلاد والعباد. ولا اقصد هنا طبعا دعاة الفتنة والفرقة وكارهي الإسلام وشرع الله فلهم من الله ما يستحقون وما ربك بظلام للعبيد.2-لا يجوز التعميم أبدا على أي من الطائفتين فلا يجوز ان نقول ان من قال نعم عامي يساق مثل القطيع ولا نستطيع ان نقول ان كل من قال لا هو ليبرالي علماني عدو للدين ....3-يوجد لدي البعض نوع من التحسس تجاه من يتكلم للدين وبالدين وطبعا ده من تأثير الضلال الإعلامي وهذا شئ يجب ان ندركه جميعا ونقبل الحق من أي إنسان بعد عرض ما جاء على الكتاب والسنة بفهم اعرف الناس بالكتاب والسنة وهم صحابة الرسول صلى الله عليه وسلم.4-نريد جميعا ان يحرص الجميع على حسن الظن بإخوتنا جميعا ومحاولة الفهم الصحيح لدين الله عز وجل.5-يجب علينا جميعا الا ننساق وراء الأخبار المضلله التي يبثها الإعلام ليل نهار (من عينة إلحق هدموا الأضرحة إلحق قطعوا ودن واحد إلحق بيرشوا مية نار) ونفكر بعقلنا ثم نتحقق ولا ننشر مجرد الشائعات فهذا باب فتنة ويهدف أعدائنا للفرقة بيننا.6-يجب علينا جميعا ان نتكلم بما يليق عن أي عالم او داعية او أحد من المشايخ ولو إختلفنا معه فكلا يقبل منه ويترك إلا حبيبك المصطفي صلى الله عليه وسلم, وكما شهدنا أخلاق العلماء من التراجع عن الخطأ واستدراكه بلا كبر فهذا دين. وكما رأينا نصح المشايخ لبعضهم البعض فهذه أخلاق الإسلام ويجب ان نرفض ان يتكلم أي إنسان بسوء أدب عن العلماء الدعاة إلى الله عز وجل
الأستاذ محمد مصطفي الأستاذ محمد محمود المهندس محمد غازي الأستاذ MEDO84EG الأستاذ Saberman والله أحبكم في الله جميعا بالله عليكم نحاول نفهم بعض وإن أخطأ أحدنا نحاول رده للحق بصبر وحلم وإن أخطأ أحدنا يحاول ان يقبل النصح أيضا بصبر وحلم.
صلوا على النبي جميعا وأسأل الله ان يجمعنا جميعا تحت ظل عرشه يوم لا ظل إلا ظله
ورجاء من أخ لكم من كان في نفسه شئ من أخيه فليسامحه ابتغاء رضا الله عز وجل وان يدعوا له بظهر الغيب.
سبحانك اللهم وبحمدك أشهد أن لا إله إلا أنت أستغفرك وأتوب إليك.
يا فندم... حضرتك على سبيل المثال في الموضوع ده قلت للاستاذ محمد مصطفى بعد مشاركته
الثانيه بشكل فيه تهكم انها ما طلعتش المشاركه الاخيره ولا حاجه...!!!! لانه قال ان دي هتكون الأخيره
هل ده يصح...؟؟؟ و في موضوعات اخرى كانت طبيعة ردك فيها تهكم و سخريه من الرأي الآخر
انا كلامي في الموضوع ده كان على الاستاذ احمد, اللي قسم الناس لفريقين بشكل غريب جدااا
واحد ماسيحي و الكنيسه امرته بالتصويت بلا, و اللآخر مسلم عدو دينه و عايز يغير الماده التانيه..!!
مش ده افتراء على كل مسلم صوت بلا..؟؟؟ انا مسلم قلت لا بالفعل, و شايف ان ده افتراء
و الغريب اني ملاحظ ان الكل موافق على الرأي ده..!!! شئ غريب جداا؟؟
هو ده مفهوم الدفاع عن الدين و الاسلام من وجهة نظركم؟؟؟
لما شخص زي مثلا قال لا في الاستفتاء, اقسم بالله كان تفكيري و قناعتي ان الماده الثانيه من الدستور
(( خط احمر )) و لا يمكن لاحد ان يتخطاه, و فوق اي دستور... و لا يمكن المساس بها
اللي يثبت صحة كلامي و موقفي لما قلت لا, و ان الماده التانيه فوق اي دستور فعلاً... الاعلان الدستوري
في حالة ان الأغلبيه يرفضوا التعديلات... كان هيتعمل اعلان دستوري فوراً, و كان بردو هيتكتب
فيه نفس المواد الحاليه بنفس مفرداتها و معانيها بالظبط... ايه الفرق..؟؟؟؟؟؟؟؟؟؟؟؟؟؟
للأسف كان في مخطط ما لاقناع الناس ان اللي يرفض التعديلات يبقى كده ضد الاسلام و المسلمين
و رفض التعديلات فيه خطر جسيم و كبيييييير على الاسلام...!!! الكلام ده غير حقيقي بالمره
المسلمين ما شاء الله 85-90% من شعب مصر... مخطط ايه ده اللي يحاك لشعب كامل..!!!
انت مش واخد بالك ان الهدف هو اللي احنا فيه دلوقتي ده..؟؟؟؟ اننا نفترق و نتبادل الاتهامات
مهما حاول ساويرس او اي شخص زيه او متفق معاه في رأيه, او قناة أون تي في, او غيرها
انهم يحرضوا الناس بأي شكل ضد الاسلام, او ضد المسلمين او ترويج الافكار و المفاهيم الخطأ
عن الاسلام و المسلمين و اللي هيعملوه لو مسكوا البلد او بقى في ايدهم سلطه... مش هيقدروا
لان ببساطه لا يوجد من يستطيع التأثير على 75 مليووون مصري مسلم مره واحده مهما كان...
اكبر دليل على كلامي بردو... الاستفتاء... لما قلنا الدين في خطر لو قلنا (لا) للتعديلات
77% من شعب مصر قال (نعم) للتعديلات... و لو سألت 90% من اللي قالوا نعم... قلت نعم ليه؟؟
هيرد عليك... لاني خايف اشارك في شئ ضد ديني, او خايف اني اكون آثم, او خايف اكون كفرت,
او خايف اني اكون في صف اعداء الاسلام و العلمانيين, او خايف على الماده التانيه....... و هكذا
مش هتلاقي سبب واحد تاني غير المفهوم اللي تم ترويجه بسرعه قياسيه و هو الاضرار بالاسلام و المسلمين
هتقوللي مين اللي قال ان اللي يقول لا يكفر او يأثم, او ان البعض امر الناس بالتصويت بنعم
زي ما الكنيسه امرت الماسيحيين بالتصويت بلا بردو... هقولك اسأل اي شخص في اي محافظه
مهما كانت... في حد في اي مسجد او في اي تجمع او درس دين قال كده فعلاً..؟؟؟ هيقولك حصل
انا شايف ان المسلمين اقوى من كده بكتيييييير, و ان الوعي الديني في ايامنا دي اكبر بكتيييييير
من ايام زماااان... زمان ماكانش في اي وعي او نصح او اي شئ يقول يا ناس ده حرام و ده حلال...
لكن عارف الفرق ايه بين دلوقتي و زمان... الأخلاق و الضمير و احترام الآخر
زمان كان في اخلاق, لكن ماكانش في وعي ديني للاسف... دلوقتي في وعي ديني لكن للاسف الاخلاق
انعدمت عند بعض الناس بشكل غير طبيعي... و ده نقدر كلنا نشوفه كل يوم في الشارع او في اي مكان...
الدين و الاخلاق لا ينفصلوا عن بعض و انا عارف, لان الاخلاق من الدين, بس انا بتكلم عن
الاخلاق الانسانيه اللي بنتربى عليها و بنتعامل بيها مع بعض سواء مسلم او ماسيحي او ياهودي...
ربنا يهدينا جميعاً, و يا رب اكون قدرت اوضحلك وجهة نظري, و انا بعتذر لو كنت اخطأت في حقك...
تحيــاتي يا فندم...
عليه أفضل الصلاة و السلام
اخي و صديقي الاستاذ احمد... بارك الله فيك و جزاك الله كل الخير على محاولة توضيح الامور
و انهاء الخلاف (ربنا ما يجيب خلاف), و تقريب وجهات النظر...
اشهد الله انه لا يوجد اي شئ في نفسي تجاه اي شخص من اخوتي في الله...
شكراا جزيلاً لشخصك الكريم و المحترم... تقبــل خـــالص تحيــاتي
يا جماعة الخير الن ننتهى من موضوع نعم و لا ما الهدف من هذه الفيديوهات التى تقول ان من قال نعم فهو يقول نعم للاسلام كما قال الشيخ يعقوب و من قال لا يكون شكله وحش على حد قوله !!!!!
و ان من قال لا فهو فى صف العلمانيين و المسيحيين
بالله عليكم ما هذا السخف و التضليل ؟!!
سألت قبل ذلك كل من ردد هذا الكلام و اكرر السؤال و ارجو انى اجد احد يمتلك شجاعة الرد على هذه الاسئلة
ما علاقة تعديلات دستورية تختص بشروط ترشح رئيس الجمهورية بالدين الاسلامى سواء من قريب او بعيد
و ما علاقة الموافقة عليها بنصرة الدين
و كيف ان رفض التعديلات يعنى محاربة الدين
و ما علاقة المادة الثانية بالتعديلات الدستورية و التصويت عليها
بناءا على كلام الشيخ يعقوب , ما علاقة اراء المشايخ فى تعديلات سياسية و ليست امور دينية و واجب اطاعتهم فى ذلك حتى لو كان لى رأى مخالف ففى الاخير هذه اراء فى امور دنياوية و ليست دينية
للاسف يا جماعة كثير من التيارات الاسلامية تم التلاعب بها من قبل جهات ما لتمرير التعديلات الدستورية و ذلك لاهداف سياسية معينة
و بعد ما تم تمرير التعديلات قامت نفس هذه الجهات بأعطاء الضوء الاخضر للاعلام بمهاجمة هذه التيارات و الصاق الكثير من التهم بها و ستزيد مع الوقت الجرائم التى سيرتكبها بعض من افراد هذه التيارات و ذلك لمزيد من الهجوم عليهم
و قد يقول البعض كيف هذا و ان من يفعل هذه الجرائم ليس منا و لكن للاسف كثير من هذه التيارات مخترق من قبل بواسطة امن الدولة و يسهل استخدام هؤلاء لتشويه صورة الباقى
يا جماعة اللعبة اكبر من شوية تعديلات تم حشد التيارات الاسلامية فى الموافقة عليها و كان يجب على شيوخنا الكرام ان لا ينجروا الى لعبة سياسية لا يعرفون قواعدها ظنا منهم انهم سيستطيعوا اقامة الدولة الاسلامية
جزاكم الله جميعا خيرا كثيرا وعفا الله عنا وعنكم
وفعلا انا سعيد إني وسط ناس بهذا الكرم والخلق العالي.
وأسأل الله ان يستعملنا جميعا في خدمة دينه وان يعلمنا ما ينفعنا وان ينفعنا بما علمنا وان يزدنا علما وأن يفتح قلوبنا للإيمان وألا يجعل في صدورنا غلا للذين أمنوا.وأن يجعلنا جميعا إخوانا على سرر متقابلين في جنات النعيم.
أسف على تأخير الرد خرجت عملت مشوار و منها عشان متسرعش فى الرد على التكتب و تقبى تجريح منهنا و منها و يحصل غلط ملوش لازمه .
الله يبارك فى حضرتك يا أستاذ احمد علاء و الله أحبك فى الله وكفايه أسلوبك الراقى المهذب .. و أقسم بالله أنى أحب كل مسلم لكن لا أقبل بالافتراء .
_________________________________________________
للعلم تانى الموضوع مش معملول ( اطلاقا ) عشان .. القال نعم او القال لا كما تصور الأخوه الافاضل.. لكن لوضوح شكل الأخر من صور غير الوضحها الاعلام و وضوح ما وراء الكواليس فى فترة الأستفتاء و ما تبعها من أحداث و أظن ده كان باين فى اول مشاركه أتكتبت مع المقطع منعا لألصاق التهم و قد كان للأسف .
أعدت أشرح الأستاذ مصطفى أن مش ده الهدف من الموضوع فى اول صفحه المشاركتى رقم 10لكنه أصر و دعى علينا و مشى فى المشاركه 21 الصفحه 3.
يار يت نقرى المشاركه رقم 11 فى تانى صفحه __ و للتأكد من صدق النيه المشاركه 16 فى نفس الصفحه معلش اتعب نفسك شويه .
-للتاكيد مره اخرى مشاركه الأستاذ otefa أدرك الغرض من الموضوع و الحمد لله .
بقيت عمال اكتب فى صفحات و مشاركات و عامل زى الكاتب كل ده عشان بس يتفهم ان ده مش غرض الموضوع .
الأستاذ gazy متشكر طيعا على المشاركه بس ياريت كنت قريت الموضوع بتمعن بعيد عن التحيز لفكره لا او نعم أديتنا كلمتين فى العضم .. و درس فى الاخلاق ! و دعيت علينا .. مع ذالك أشهد الله أنى مسامحك خير و الحمد لله عشان شفت الصدام الحصل بعد الاستفتاءفى اكتر من موضوع لكن ده مش الاسلوب المنتظره منك بصراحه .
أستنتجت:
1- من الموضع أن سماع و جهة نظر اخرى و تخيل ان فيه شىء أخر تخالف صاحب الرأى أصبحت صعبه جدا للتقبل.
حتى الانتقاد جاء بشكل عنيف و لم يسهل علينا التواصل (كان ممكن نشوف الموضوع بهدوء و بدون وصف أنتم وأحنا) و بحسن نيه شويه عن كده .
2- الأخر غلط أنك توضح للأخر شىء ممكن ميكونش شايفه لانه مش هيصدقك و جزائك هتتهم بأنك تقصد تشويه الرأى الأخر ! .
الرسول عليه أفضل الصلاة والسلام أمرنا بحسن الظن .. ده الحبيت اوضحه فى اول الموضوع فى اول صفحه .. و أن تلتمس لأاخيك عذرا و لم يوصينا بالدعاء على بعضنا البعض .
تانى الموضوع مش معمول عشان الاستفتاء ولا لا ولا نعم يا ريت محدش يشوف الموضوع من هذه النظره عشان ميحصلش ضياع للوقت و المجهود و تشتيت الفكره ( شكرا الموضوع باظ ) .
الله أعلم كم احب كل من قال لا اله الا الله و اخاف عليه و ذللك والله كان هدفى من الموضوع ( الحمد لله على كل شىء ) .
استاذ صابر... حضرتك ماخدتش بالك من اول سطر في مشاركتي الأولى
بس اسمحلي افكرك بيه لانك من الواضح انك لم تقرأ مشاركتي بتمعن علشان
انت افترضت فيا سوء النيه, و ده اللي حضرتك بتطالب بعكسه, و افترضت
اني بدي لحد درس في الاخلاق, او بدي لحد كلام في العظم...!!!!
لا حول و لا قوة إلا بالله
نص اول سطر في مشاركتي الأولى....
يعني انا فاهم هدف الموضوع, و افترضت حسن النيه اهه...!!!!!!
بالنسبه لموضوع اني اديت حد درس في الاخلاق... حــاشَ لله
انا لست عالم دين, و لا املك اي حق ان اعطي اي شخص درس في الاخلاق
او درس في الدين او خلافه لانني لست أهل لاعطاء الدروس و المواعظ
و الحكم... انا اقل من كده بكتيييييييير, و قد يكون كل من تحدثت معه
افضل مني عند الله, و اعلم مني بالدين و الاخلاق... و الله أعلى و أعلم
انا كنت بطرح وجهة نظري و بتناقش فيها ليس اكثر, و شعرت بالظلم
بشكل او بآخر و بالتالي قلت (( حسبي الله و نعم الوكيل ))...
هل حسبي الله و نعم الوكيل مزعلاك, و مخلياك شايف اني بدعي (عليكم)؟؟؟
مع اني مش عارف مين (عليكم) و ليه حضرتك بتتكلم بصيغة الجمع !!!!!
و عموماً... جزاك الله خير و شكراً على ظنك فيا بالشكل ده.
أخوك أحمد ..أكيد شفت مشاركتك الأولى و فيها أقتباس من ردى زائد أنى وضعت الموضوع فابلتالى الأتهمات موجها لى بشكل مباشر او غير مباشر .
و جزاكم الله خيرا على ظنك فيا و شكرا .
بس المهم تكون حضرتك شفت المشاركات الأشرت ليها و عرفت النيه الحقيقيه لأنى حسيت بظلم من المداخله ( أكيد اذا كنت مكانى كنت هتحس بالظلم ).
يا ريت اخيرا تقرى المشاركه 2 فى رابع صفحه شكلها وحش اوى موضوع بص على المشاركات لوضوح الصوره مش أكثر .
و الله اعلم بما فى صدور المؤمنين و الأساس فى العمل النيه و ربما اكون مخطاء الله أعلى و أعلم ..
أسال الله العظيم أن يظهر الحق و الخير فى هذه البلد ربما لا نكون على الصواب أسأل الله السلامه ايا كان السبيل فو الله الفتنه عظيمه .
( اللهم أرزقنا الأخلاص فى القول و العمل و ثبتنا على دينك حتى نلقاك بقلب سليم ) .
كلنا نحب ديننا وكلنا غيورين على ديننا ولا يعلم منا احد من احسن من من عند الله الا الله سبحانه وتعالى جل وعلى فا كان من الصعب ان ارى كم هذا الظم فى بعض المشاركات ولا اخص |أحد بعينه حتى ولو كان بدون قصد وبحسن نيه وليس بسؤ نيه وأسكت بصراحه
وختاما ياريت ما نتكلمش تانى فى الموضوع بتاع الخلاف لأن المفروض ربنا يباركله الأستاذ احمد علاء تدخل لتهدئه النفوس وكل منا سامح الأخر فلا داعى لكثره النقاش مره اخرى حتى لا يتجدد الخلاف وفى النهايه الأختلاف فى الرأى لا يفسد للود قضيه وايضا كلنا مسلمين وكلنا موحدين بالله فا يارب تنتهى نبره من قال لآ فهو عدو الدين لأن هذا يقع بظلم كبير على هؤلا المسلمين لأن لا يعلم نيتهم الا الله سبحانه وتعالى
واحترامى للجميع
حصل خير أخويا الكريم مصطفى و كل الأخوه المحترمين الشاركوا كل له رأيه يحترم .
من ناحيتى الاختلاف لم يفسد الود للجميع .
يا أخى والله العظيم ما قلت ان اللى كل قالو ا لأ مسلمين بالظاهر انا قلت ان في بعض من اللى قالوا (لا) مسلمين بالظاهر وان من قال (لا) ظنا منه ان ذلك فى مصلحة البلد فنكن له كل الاحترام والتقدير ...اقتباس:
وانا لا اتكلم فى نعم ولا فى حد زاتها واضح من كل مشاركاتى انى بواجه كل الأراء اللى ربطت اللى قالو لا بأنهم مسلمين ظاهريين ودى الكلمه اللى قالها الأخ أم ثرى دولفين
انت مصمم تعمم كلامى بالرغم انه مخصص لناس معينة ... هوانا كاتب هيروغليفى والله حرام كده والله الواحد زهق مش عارف نعمل ايه علشان تفهمه كلامنا صح.
وهى دى المشاركة اللى انا كتبتها (( يبقى الكلام كله موجه لمن قال لاااااااااا لأغراضه الخبيثة حتى ولو كان مسلما بالظاهر . ))
يا اخى الكريم لماذا ربطت بين مقولة مسلمين بالظاهر و بين بعض من قال لا و لماذا لا يكون هناك بعض من قال نعم ايضا مسلم بالظاهر
و بالتالى فأعذرنى يا اخى الكريم و لكنك انت من فتح باب الاتهامات بدون داعى و ارجو الا ندخل مثل هذه العبارات التى تختص بدين و ايمان كل منا فى المناقشات بالمنتدى فالدين يبقى علاقة بين المرء و ربه و لا لبشر من سلطان على هذه العلاقة
يا أهل الخير والكرم أسبكم شوية كده الاقي سوء التفاهم رجع ودخل الموضوع بعد لما أخذ وقف :)
عموما فقط هذكركم بحديث الرسول عليه الصلاة والسلام وأكيد مفيش بعد كلام النبي كلام تاني ولا ايه؟
أنا زعيم ببيت في الجنة لمن ترك المراء وإن كان محقا وببيت في وسط الجنة لمن ترك الكذب وإن كان مازحا ، وببيت في أعلى الجنة لمن حسن خلقه.
الراوي عبد الله بن عمر
المحدث أبن القيم
الحديث إسناده صحيح
دمتم في حفظ الله
جزاك الله عنا خيرا يا استاذ أحمد
اكثر الله من أمثالك و وفقك أن شاء الله لخير الدارين .
يأستاذ محمد والله فاهمينك بس الملخص اللى عايز اقولهولك متديش لنفسك الحكم على حد بانه مسلم ظاهرى أو غير ظاهرى فنحن جميعا غير اهل لذلك فهذا لا يعلمه الا الله فقط وهناك البعض ممكن ان تحكم عليهم بذلك وهم عند الله افضل منى ومنك وصلك معنى المشاركات وملخصها ولا لسه ياستاذى دانت دارس فى الأزهر وبتحضر دراسات عليا كمان ياراجل ربنا يوفقك ويهدينا ويهديك ويهدى الأمه الأسلاميه كلها يارب
اخوتي في الله
بارك الله فيكم
النقاش تحول الي جدال
و هذا لا يصح
حيث ان رسول الله صلي الله عليه و سلم امرنا بترك الجدال
ياباشا
ليس كل جدال مذموم
ثم قال الإمام النووي : ( واعلم أن الجدال قد يكون بحق , وقد يكون بباطل , قال الله تعالى : ( وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ) وقال تعالى : ( مَا يُجَادِلُ فِي آيَاتِ اللَّهِ إِلَّا الَّذِينَ كَفَرُوا )
المذموم هو المراء
قال الإمام أبو حامد الغزالي : المراء طعنك في كلام الغير لإظهار خلل فيه , لغير غرض سوى تحقير قائله وإظهار مزيتك عليه .
قال : وأما الجدال فعبارة عن أمر يتعلق بإظهار المذاهب وتقريرها .
تحياتي
http://www.saaid.net/Minute/m9.htm
معاك حق
بس ده لما يبقي فيه رأي و رأي اخر و بنسمع بعض
لكن يبقي يبي الدليل امام عيونك و خلاص و صلنا اليه
و يبقي فيه مراوغه او كده
يبقي الهدف من الحوار البناء مش موجود
فهمتني
ربنا يبارك فيك يا بشمهندس محمد
و و الله انا سعيد جدا بمعرفتي بيك
اخي الكريم
بارك الله فيك
و شكرا علي اسلوبك المحرتم و المهذب في النقاش
اللي انا اقصده اني ملاحظ ان النقاش الاصلي خلاص وصل لنتيجه بين الطرفين و علي الرغم من كده لازال الطرفين بيدخلوا في مراوغات و علشان كده انا شايف انه مبقاش نقاش بناء
و كمان تحول النقاش الي فلان قال و فلا قال عليا و ده اتهم مش عارف ايه
و فهم غلط لكلام واضح معناه
فايه الفايده من مهاجمتنا بعضنا
احنا بنحاول نتناقش و بنعرض ارائنا علي بعضنا
و بنحاول نعرض اراءنا
ممكن و انا بعرض اكون فاهم غلط و اللي بناقشه يصححلي
يبقي اغير من فكرتي و اصحح رؤيتي
هو ده النقاش البناء
مش مجرد اني قلت رأي يبقي لازم يطلع صح و علشان ابقي انتصرت اني اتفوق علي اللي بتناقش معاه و اعلي صوتي علشان اثبت اني انتصرت
لا بالعكس
ده قمه الفشل مش الانتصار
الانتصار الصح
اني بتناقش و بعرض فكرتي و بسمع بتمعن من اللي بيناقشني
علشان يبقي هدفنا الوصول للحقيقه
و لو ثبت اني كلامي غلط و وضحت ليا الصورة اللي هيا عكس فكري الاصلي
يبقي هو ده الانتصار اللي بجد
اني صححت خطأ من أخطائي و ابقي كده طورت فكري و عرفت شيء مش عارفه
اسف للاطاله
و اتمني اني اكون قدرت اوصل فكرتي
مش رسالة لشخص بعينه قد ماهي نصيحة وتذكرة لي قبلكم
موضوع الأقتباس
كنت بعدل مشاركتي وبأضيف عليها
فطالما النقاش يهدف ألى الأستيضاح وتصفية النفوس فهو في رأي الشخصي محمود والله أعلم
وال10 دقائق خلصت وأنا بدوس أوكي على التعديل فا أتوماتيك عملت أقتباس للمشاركة في مشاركة جديدة وحصلت قبل كده معايا
طبعا لازم احترم اى حد بكلمه واحترم رأيه ومش معنى خلافى على جزئيه من بعض كلماته انى احقر من شأنه وأواجهه بعدم الأحترام فهذه اخلاقى اللتى يحسنى عليها دينى واللتى ربانى عليها والدى اكرمه الله ويمكن لو حضرتك رجعت منقشاتى كلها هتلاقى انا عايز اوصل لأيه ووضحت انى غير معارض تماما لهدف الموضوع وربنا يبارك للأستاذ أحمد علاء هدء من حده النقاش وبعدما قام الأخ الفاضل صاحب الموضوع بالتعليق حاولت ان اقرب له وجهة نظرى ورأى بدون اى أهانات او تجريح أو كما يتبع البعض علو الصوت والمهاجمه والهدجف من المنتدى ايصال وجهات النظر فى ظل الأحترام المتبادل وعدم تبادل الأتهامات وجزاك الله كل خير