الموضوع: مشكلة السي دي بتاعى مش راضي يقرا اى سي دي

يا جماعة الموضوع ببساطة ان 90 % من الكاسيتات الاصلية زى البروتون والتويوتا .. الخ
بتقرأ Audio وليس wave او mp3 وطبعا دة الاكيد .
اي كاسيت سى دى فى الدنيا اياَ كان نوعة سواء قديم او جديد لازم يقرا اوديو .. اتفقنا ؟
علشان تحول اوديو لازم برنامج زى نيرو او الكحول .. الخ .. اي برنامج يحرق للامتداد اوديو
البرنامج بيحول اي ملف سواء ام بي ثري او ويف الى امتداد اوديو

عيب ملفات الاوديو هي تضخم حجمها واللى فى اقصى الحدود لا يزيد عن 18 تراك ودة عيب الاوديو القاتل لا يزيد عن ساعة ونص
افضل سرعة لكتابة ملفات الاوديو من 8 اكس الى 16 اكس .. طيب لية ؟
لان السرعة البطيئة بتكتب بشكل كيلو بايت اقل على السي دي وبالتالى بتسمح للعدسة بقرأة جزء قليل فى المرة الواحدة اثناء سير
عدسة القراءة وبالتالى بتحصل على قراءة سلسة دون انقطاع . حضرتك اولاَ اتأكد ان السي دي يعمل بكفاءة .
طيب بعد المعلومات دى اتأكد ازاي انة شغال كويس بدون فك وبدون متخصص ؟؟؟ هقول لحضرتك
اشتري cd cleaner تمنها 10 ج فى اي مكتبة او محل كمبيوتر .. عبارة عن سي دى منظف .. الاسطوانة دى عليها ملف تيست TEST
بنوعيات متعددة زى audio - mp3 -wave الخ .. لو السيدهاية دخلت وقراءها وسمعت موسيقى تيست عليها يبقى السى دى شغال 100 %
وكل ما فى الامر ان السى دي بتاع حضرتك اوديو فقط وهو الاكيد الاسطوانة دي لازم يقرأها اياَ كان نوع السي دي حتى لو Vcd هي معدة للقرأتها على اي سي دي بلاير وبتحتوي على ملفات اختبار للاوديو وام بي ثري وفيديو سى دي الخ يعنى اطمن لازم تشتغل ويقرأها وتسمع موسيقي تيست... كما يفضل وضع نقط من السائل للتنظيف اثناء التيست . جرب وقولنا واحنا معاك