محتاج مساعده فى جم ام على سماعات بيونير 400 وات

السلام عليكم

انا عندى استفسار صغير ومحتاج مساعده فيه
انا لسه مركب من كام يوم سماعات خلفى بيونير 400 وات تايلاندى عاملين 80 ار ام اس بعد ما ركبتهم وشغلت الكاسيت محستش اوى بقدره السماعات وعرفت من التاجر ان الكاسيت ممكن يكون السبب..المهم رحت دورت على قدره خرج الكاسيت لقيته عامل 50 ار ام اس هو كلاريون على فكره معايا بقالو 5 سنين..صاحب المحل قللى انصحك تركب سى دى كاست عشان الصوت هيبقى انقى و هيقوم السماعات احسن
دورت وعجبنى اوى سى دى بيونير deh-2250ub
المهم بقى انى لقيت الخرج بتاعه 50 ار ام اس برده يعنى زيو زى الكاست القديم..قلت للراجل طب كده ايه الفرق ما دا 50 و دا 50 قللى بس عشان سيدى هيفرق معاك كتير
و هتحس بالسماعات عليه اكتر من الكاست القديم
انا طبعا مبثقش فى كلام التجاار خالص
و عايز اعرف هل السماعات الـ400 دى هتحتاج جى ام عشان يقومها كويس ولا الكاسيت الجديد هيقوم بالواجب على اساس ان 50 دى تقريبا عامله تلتين قدره السماعات
===============
هل فرق الصوت بين خرج الكاسيت الجديد من غير جى ام عن خرج الكاسيت بالجى ام يستاهل ان اجيب جى ام
ولا اخلينى بالكاست الجديد وخلاص وال50 بتاعته دى هتقوم بالواجب
ملحوظه:لو هحتاج جى ام هيكون 2 اتشنل بس للسماعات خلفى لان الادمانيه 150 وات بس
==============
ولو فعلا السماعات وفرق الصوت هيستحقوا اجبلهم جى ام... ايه انسب قدره للجى ام اجبها ونوعه يكون ايه ولو معاك اسعار

الشراء اليوم ان شاء الله, برجاء سرعة الرد

هات الكاسيت الجديد و لو الصوت لسه مش عاجبك اوى
ممكن تجيبب جى ام 350 وات

و على فكره خرج الكاسيت 50 وات
بس 22 ار ام اس

نصيحة عن تجربة بلاش توصل السماعات ال400 على الجى ام كان معايا اخواتهم وكنت موصل عليهم jensen واذا فجأه بخ طاروووو وانا معايا كاسيت pioneer 2250 وموصالهم على دلوقتى من غير GM شغالين تمام انما لو اديتهم RMS عالى يدو BASS ويفصلوو والسبب فى كده ان gain الgm كان عالى وانت لو عايز نصيحه شغل الgm على 600 سواء pioneer , JBL او صب ووفر .
وعلى فكرة اقتراحى ليك لو جبت الحاجة دى كمل عليها وهات 2 JBL 600 وات 150 ار ام اس مع جى ام ل 600 وفوق دا كلوو زيرو باور يكون محترم وفكك من الصب ووفر .
وكل واحد ووجهه نظره وانا احترمها
ولو عايز مساعده انا موجود انا عامل الكلام دل عندى بس مستنى اجيب ال جى بى ال 600 واركب ان شاء الله وانا عامل الكلام دا كلوو علشان مش بحب الصبات الكبيره اللى بتاخد الشنطه كلها

:16:

انا اللى عايز اقولو
ان السماعات البايونيير ال 400 عندى بقالها اكتر من سنتين
و مو صلها على جى ام من ساعه ما جبتها
و الحمد لله شغاله زى الفل
وشىء طبيعى انك لما تعلى الجاين اوى
و يكون الجى ام اكبر من قدره السماعات لازم يضرب

هو كل حاجه نجيبلها جى ام

خلي السماعات على الكاسيت

طيب استفسار بسيط دلوقتى هاركب جى بى ال 600 واط 150 ار ام اس على جى ام باور اكوستيك 800 واط اعمل ايه فى الجيين و اتش بى اف وال بى اف ؟؟؟

متشكر جدا يا جماعة

انا اشتريت الكاست Pioneer 2250 والحمد لله شغال زي الفل

مش محتاج جي ام

هو الصوت لما بعليه عالاخر بيحصل وش بسيط بس

بس الحمد لله, النظام تمام

اقتباس:

---

المشاركة الأصلية كتبت بواسطة sperozooz

طيب استفسار بسيط دلوقتى هاركب جى بى ال 600 واط 150 ار ام اس على جى ام باور اكوستيك 800 واط اعمل ايه فى الجيين و اتش بى اف وال بى اف ؟؟؟

---

الجىام بيطلع كام فى التشانل ؟؟
لازم يبقى بيطلع اقل من 150
و غالبا الجى بى ال بتبقى 2 اوم
ف انت برضو اتاكد ان الباور اللى طالع اقل من 150 فى حاله ال 2 اوم
و الجاين متعلهوش على الاخر ابدا فى اى حاجه

و لو انت مركب صب يبقى خلى السماعات HPF
و لو مش مركب يبقى خلى الفلتر OFF
او متعملش اى فلتر سيبو full

اقتباس:

---

المشاركة الأصلية كتبت بواسطة ahmedartstar

متشكر جدا يا جماعة

انا اشتريت الكاست Pioneer 2250 والحمد لله شغال زي الفل

مش محتاج جي ام

هو الصوت لما بعليه عالاخر بيحصل وش بسيط بس

بس الحمد لله, النظام تمام

---

الف مبروك يا باشا :) :Oc_sun1[1]:

2 اوم 180
4 اوم 150
وشكرا على النصيحة دى

اقتباس:

---

المشاركة الأصلية كتبت بواسطة sperozooz

2 اوم 180
4 اوم 150
وشكرا على النصيحة دى

---

طيب تمام و انت كده ممكن تقلل الجاين كمان شويه عشان السماعه
و لو جى ام اقل شويه يبقى احسن و تريح دماغك و متبقاش قاعد قلقان

و تحت امرك يا باشا اى وقت :)

طب انا عايز اركب جى ام على سماعتين سونى ٤٥٠ وات و سماعتين كيينوود ٥٠٠ وات . يعنى ٤ تشانيل .
اجيب نوعه ايه و كام وات؟

شكلها ايه السونى ال 450 دى؟

مش عارف اوصفها اوى بس هى الرق بتاعها احمر و قديمه انا جايبها من حوالى ٤ سنين او اكتر

جييب السونى الى معرووض على المنتدى 600 وات وصوته تجفة مع السماعات

انا بستفسر علشان انا مش عايز جى ام يضربلى الساعات مهما عليت عليها و فى ناس قالتلى الكينوود ٧٢٠ و فى ناس بتقول سونى ٦٠٠ . فا بسأل على الاضمن و الأمن للسماعات و يكون خرجه حلو و ياريت السعر علشان مش هشترى مستعمل ان شاء الله

اقتباس:

---

المشاركة الأصلية كتبت بواسطة _ahmed_casper_

انا بستفسر علشان انا مش عايز جى ام يضربلى الساعات مهما عليت عليها و فى ناس قالتلى الكينوود ٧٢٠ و فى ناس بتقول سونى ٦٠٠ . فا بسأل على الاضمن و الأمن للسماعات و يكون خرجه حلو و ياريت السعر علشان مش هشترى مستعمل ان شاء الله

---

بص على المغناطيس بتاع السماعه من تحت و هات بياناتها عشان نعرف هى قدرتها كام
و ايه اللى هى محتاجاه