ما انا بحاول اوصل لطارق كدة مش قادر اوصلها له
العدد وصل 10 الاف
والسفير المصري اتصل بالاذاعة التونسية واعتذر عما حدث فورا
عرض للطباعة
شوبير عايش على مودرن
بيقول التراس عشان يقولوا عملوا اكتر من الاهلاويه!!
شوفتوا وصلنا لفين فى الفكر!!!!
احنا فى خطر من كل حاجه فعلا
انا بقالى فتره مكتئب من كل حاجه و دلوقتى ده يدل ان مافيش اى امل فى الناس
هتتعلم امتى؟؟ هيفهموا امتى؟؟؟ هيربوا ولادهم ازاى؟؟
الشرطه فين؟؟ مش بيشتغلوا ليه؟؟؟
مش صعب ان الشرطه تمارس دورها بأدب
ايه اللى فتح الابواب الناس تنزل كده؟؟؟
ديه مصيبه مدبره
يا جدعان انا كنت في الاستاد و الله هقولة دة حصل بجد ..
الامن اول ما نفر نزل الملعب .. بخ !!
مفيش فرد امن فعلا كان متواجد كل العساكر اتلمت برة الاستاد و القادة ادامهم و واقفين علي جنب
الجمهور المحترم ينادي عليهم عشان يتدخلو يقولو ملناش دعوة!!
أستاذ النيل بصراحة رجالة كلهم قالوا أن اللي حصل دة مدبر وباين بشكل فاضح ورئيس تحرير قسم رياضي أتصل وقال أن دة نفس سيناريو موقعة الجمل الناس اللي بيقولوا أن الناس السبب وأن الهمجية والجهل هم السبب يفكروا مين اللي ربط خيوط اللعبة بعضها وجمع كل العوامل دي وأستغلها بأحسن شكل ممكن عشان يحصل اللي حصل ... الحكم طرد لعيب من أقوى الاعيبة عندهم وأحتسب ضربة جزاء للزمالك واللعيبة بتلعب كويس وبتأدي اللي عليها والهدف اللي أتلغي أتعاد 3 مرات على الشاشات الرئيسية عشان الناس تعرف أنه تسلل واضح جداً أديني سبب واحد يخلي الجمهور دة ينزل بالطريقة دي في الوقت دة .... فوقوا بقى أحنا بنحارب يهوود يمكن اليهوود أرحم لأنهم عمرهم ما بيعملوا كدة في شعوبهم .
ومين قال أن الشرطة تقدر تسيطر عليه هو أنا قلت الشرطة هي اللي عملت كدة ياجماعة ركزوا شوية هتشوفوا الحكاية واضحة الشرطة مغلوب على أمرها المؤامرة مش من الشرطة المؤامرة في أدخال المطاوي الأستاد من الساعة 10 الصبح مع أكتر من 300 بلطجي وفي فتح أبواب الطواريء كلها مرة واحدة ومين العيال اللي نزلت في الأول دي وفي ناس وقفت تقول في وسط الأستاد أدي الثورة اللي أنتم عاوزينها عشان تبقوا تقولوا ثورة تاني .
تحليل اللي حصل انها مجرد فوضى جماهيرية...ناس فاكرين ثورة يعني كله عادي..اعمل اللي انا عايزه..وانا شفت ناس في الاستاد بتضحك و فرحانة
الحل:
1- الاعلام مياخدهاش اسطوانة كل ساعة يتكلموا و بفتوا فيها...وده دور الجيش انه يصدر أوامر بعدم الكلام
2- وزير الداخلية يعمل مؤتمر صحفي و يحاول يشرح اللي حصل
3- تحقيقات سريعة
مفيش ثورة مضادة من غير تضخيم اعلامي يواكبها ....في ناس كتير هايستغلوا الموضوع ده
افتكروا برضوا ان ماتش الاهلي كان من كام يوم على نفس الاستاد و لو قائد الثورة المضادة كان عايز يعمل حاجة كان عمل
ما زى الشرطه مش هتقدر تعمل حاجه انت سلبت من الشرطه اهم حاجه فيها وهى الهيبه فى ظابط طالع بيقول ان التفيش بيعتبر اهانه من الجماهير فاللى عاوز يدخل مطاوى ولا شماريخ ولا حتى ار بى جى هيدخل وكل ده ولا محتاج تنظيم ولا تخطيط ولا ثوره مضاده ولا ايه حاجه عاوز جماهير شباب متحمس وارعن واهوج مايعرفش يعنى ايه مسئوليه على شويه تسيب امنى على شويه تسخين وهوب تولع ده يااخى بتوع الثوره المضاده لو عاوزين يعملوا كده بالقصد ماكانوش عرفوا من الاول والاخر ده عيب ثقافه شعب